WANWÜNKAX 18:12 - OTSAO BAIBEL (BSI)

¹² Puinaile machang tanto owa tochu achuak-achenle münchang; mongngam füikya khünakbu a omüt lom to tüile.

WANWÜNKAX 18:12 ပူးပေါင်းရင်းမြစ်များ

WANWÜNKAX 15:33

Jowanpa chathua zakya, ija a laitik-ngakmankya ang achangpu. Nange tütali münchong kopüi thoto nang ma pui-naikya tüikop angkya changpu.

1 PITAR 5:5

Ilailaile hünzom tsünzün thomchu tüichong-mixmüi hwom fang ma ngohüi. Üntoxle hünzom pangwüie, apu-achangle tata thotha ang puinaikya züpak laxhüi; chemthüikoxle Otsao Lai-e akaxle, “Ngamkya mix to Zange abaxle; puinaikya mix ang chingcha koxle.”

WANWÜNKAX 11:2

Mongngam füikya khünakbu lebama wüi mongma kop angkya ataküi. Pui-hi-naile tüikya wüi jetüi-hwonlangkya changpu.

EZEKEL 28:2

“Ziün angkya khünak, kue chix füi akaxle ngokya kax, Tair nok wanghompa hato hokox: Ongam ahole ngolax, nang ning baozangle dai hix le. Tinue akhople nang a baozang tuita lailaile wanghom tüntong ma thung laxle tüile le nang akaxtüi. Nange baozang changle le atsing koxlax, ikoxle nang a ziün angkya khünak changle, chizi angkya Zang münchang.

WANWÜNKAX 29:23

Ma kax ma chilaxlaxba le thütkyae nang thomle adütüi, ikoxle nang a puinaile jangtüi, nang chathua zaüi.

WANWÜNKAX 16:18

Mongngame olithule max angkya lom to zunüi, ilaxle mix to asongle hukyae ma adüt angkya lom to zunüi.

KAXHO MÜIKYA LUK 14:11

Chemthüikoxle owae ma alüile achen üihex, chix a ahixkya ang achangüi; üntoxle opange ma alüile ahixkya ang changpuix, hwom achenüi.”

EZEKEL 28:9

Chemtue hwom nang lang ang nguiüihex, ipongmachu nange nang a baozang changpule thüi ang tho ang chami? Chemtue nange nang lang angkya khünakbu füi apongle changüihex, nang a baozang chichangle muakya khünak ang achangüi.

DANEL 9:23

Chemtue nange Zang ma chingcha ju ang sütpuix, chixe nang to lanpu. Chixe nang to mongkünle, ikhoma nang hato ku ija kaxlan fa angle nguipu. Athax kue ija mikngün-ohün apuale ngopongma mong koxle apahüi.

DANEL 9:20

Kue chizakle zangjop, ku ochaxbu tamchu ku khünak Israel nok ochaxbu ngaile Jowanpa ang chix Zangshwom-Hom zingle achat angkya tsaiju-kaxju.

EZEKEL 29:9

Ijip a laxli chitüile awüt thomkya haxtok ang achangüi. Ifüima nange ku a Jowanpa changpule awanüi. “Chemthüikoxle Nail shuanu a nange zingkya nangkux changle le akaxdaoa.

1 WANGHOMBU 3:7

O Jowanpa, nange ku a apa lüi ma wanghompa ang achang ang tompu, ikoxlechu ku a apün-awang angkya olom ojao chitikkya naosa tuita.