WANWÜNKAX 18:10 - OTSAO BAIBEL (BSI)

¹⁰ Ojong khato paolaxle otsao khünakbue khosün atakpuix, Jowanpa a ija shingmongkya long-katuk tuita ningle changpu.

WANWÜNKAX 18:10 ပူးပေါင်းရင်းမြစ်များ

2 SAMUEL 22:3

Ku Zang a ku khowapa, ilaxle chix ma ku azangle ngopu. Chixe di lailaile ku to tukle thom; chixe ku khose ilaxle ozün ma thom. Chix a ku khosünpa; chixe ku kho awale tamchu chakmok-janlang chak tokya khosünle thom.

MÜNCHUAK-TSAI 91:2

ija khünake chix ang thüitsuaküi, “Nang a ku ziakopmix tamchu kho-awa pa changle. Nang a ku Zang; kue nang to mongongpu.”

ISAIA 26:4

Jento Jowanpa to mongong tüilax; chixe jento kem kho-awale thomüi.

MÜNCHUAK-TSAI 144:2

Chix a ku khowapa tamchu wintuk-hantha, ku khangkhomnui tamchu khosünpa changpu. Chem khong-kha chitüile ngo angkya hanpakma kue chix to mongong thompu. Chixe chaxwannu nok ku chitong to pui ang tom.

MÜNCHUAK-TSAI 27:1

Jowanpa a ku zangngai üntoxle ku khosün changpu; ku owa thuachu münzapu. Jowanpae thama pangnu chak tokya ku azün; ku chemtuechu münzapu.

MÜNCHUAK-TSAI 18:2

Jowanpa a ku kho-wa pa changpu; chix a shingmongkya ku zanhunuibu changpu. Ku Zang a ku wintuk-hantha changpu, üntoxle chix füi ku azangle ngopu. Di lailaile chixe ku kho awale thompu; chixe ku khosele üntoxle khosünle thompu.

PONGWANG LAIPEX 17:1

Chemtue Abram zanglao puli-aku changkya hex, Jowanpa chix hato ngai ilaxle akax: “Ku a Khüthak Zang changpu. Ku kax ma laxlax ilaxle chem supuix ija moklax.

MIKNGÜN-OHÜN 1:8

Owa athax tüipuix, tüikyahex, üntoxle tüi angkya hex, ija Jowanpa Khüthak Zange thüi: “Ku a Alfa tamchu Omega” thüikoxle Owang tamchu oshuk.

MATHI 1:23

Otsao Lai Kax a: “Hulax, naocha tuita ma nao tüiüi, ilaxle lükasa tuita puxüi; IMANUEL”, le chix ang nyaküi. (Zang kem khama tüile).

ISAIA 9:6

Kem ang naosa tuita puxdaoa! Kem ang sasün tuita koxdaoa! Ilaxle chix a kem lompa ang changüi. Chix ang a: “Ohünotün Mongjang zukya” “Khüthak Zang”: “Oshuk chitüi Hopa”, “Tumüi Wanghompa”, le amünüi.

1 SAMUEL 30:6

Dawid hato müimamakya mongthang hüi chemthüikoxle chix khünakbu hwom sa-nu hwom bakle amütkya khoma Dawid füi mongtsik mongmale chang. Hwome chix to long füi thup ang aza-ana; ikoxlechu Jowanpa chix Zang-e chix ang chachen-mongchen kox.

JEREMIA 23:6

Chemtue chix wanghom ang changpuix, Judah angkya khünaknu chaza angkya chitüile ngoüi, ilaxle Israel khünaknu a mongsom ma ngoüi. Chix ang ‘Jowanpa kem Khosün’, le nyaküi.

MÜNCHUAK-TSAI 91:14

Zang-e thüile: “Opange ku to mongkün puix, kue hwom khosünüi ilaxle ku ang Jowanpa le ekyabu kho kue awaüi.

HABAKUK 3:19

Jowanpa Khüthak Zang-e ku ang tsak-zong koxle. Chixe chemtuechu ku cha müikhi sok lailaile atingting khama süt ang tom ilaxle haxnukho to ku khosünle thom.

ISAIA 57:15

“Ku a jento ngokya Khüthak tamchu otsao Zang changpu. Ku a atsuakya khato tamchu otsao nui to ngole, ikoxle kue a puinaile tüikya hia künlop-monglüile tüikyabu füichu ngopu, ija a hwom mongong hia monghom achatle koxtsuak angkya hanpakma.

2 SAMUEL 22:51

Zang-e chix wanghompa ang zan to lütkya chongkya kox; chixe zünle kopkya mix to chixe chizakkya mongkün aho, othuithuima Dawid hia chix sixli hwom to a.

PONGWANG LAIPEX 32:11

Atüi Esau chak tokya nange ku khosünfa le kue joppu. Kwom sheko hia naosom hwom to lünle pangwüi amüt ang chix a kwom zan to kale tüile le ku a müimamale abüt-abanle tüile.

LAIPAO 6:3

Abraham, Isak hia Jakop hwom hato, ku tuita Khüthak Zang changpule ngaile ahopu, ikoxle kue Jowanpa ku otsao mün hwom ang awan ang chitom.

2 SAMUEL 22:2

Jowanpa a khowapa changpu; chix a shingmongkya ku zanhunui.

WANWÜNKAX 14:26

Jowanpa chathua zakyae khünak tuita ang tamchu chix homkha ang mongong chalom hia khangkho sünkya tüiüi.

WANWÜNKAX 29:25

Mixe nang bama chemle ajang üntongsi le ija bama süchongle khütkhi ngokya a tuita thomzün changpu, ikoxle nang Jowanpa to mongongle jangchang, nang to chem münthüi.

1 SAMUEL 17:45

Dawid-e lan: “Nang a, ku zan to changlo hia pax, ibu füi kangün ikoxle ku a nang zan to, nange adix-adale ngokya Jowanpa, Israel nok süpahibu Zang ang ngole tüikya mün ma nguipu.

MÜNCHUAK-TSAI 20:2

Chix Zangshwom-Hom tokhange chixe nang to fongle naxchangfa, üntoxle Zaion haxnu tokhange chixe nang to asunkya naxtüifa.