WANWÜNKAX 17:23 - OTSAO BAIBEL (BSI)

²³ Chichangchizangkya kaxfünpabue huxsa zuizunbu laxle, ikoxle sukya kaxfün a chifa.

WANWÜNKAX 17:23 ပူးပေါင်းရင်းမြစ်များ

MIKA 7:3

Ochax mwot mok ang pangnusa wüi tüle anaxle. Nguakax wangkhobu hia kaxfünpabue zuizunbu jule. Tsaipu-kaxpabue ibu hama hwom mongtex wünle koxle, ilaxle ija ningle hwom notom laxle katzua tsuakle.

WANWÜNKAX 17:8

Owawae zuizun mwot a tuita chajik-muashem mwot ningle thütle; ija füi pangwüi moktsuaküile hwome thütle.

LAIPAO 23:8

Zuizun taxlax, chemthüikoxle zuizun-e sukya ngün ang chitomle khünaknu mik apwom ang tomlaxle chemngax chitsingkya khünakbue sikngün apong ang tomle.

TSAITONG-KAXTONG 16:19

Hwome kaxfün fapongma chisule tamchu süi-süi-chaple kaxfün chifaüi; ilaxle hwome zuizun chilaxüi, chemthüikoxle hingho chakzun makhange jetüi-hwonlangkya hia sukya khünakbu ang ngaxchu mik apwom ang tomle, ilaxle kaxfün othai fa angkya hato ahüile.

MIKA 3:11

Tingnu angkya pünpa-chongwangbue zuizun kop angkya hanpakmale khünaknu to apün, nguapabue Wanlom a kop ang taile kox, ajebue hwom mikngün ngun hanpak ang tix ngai: ikoxle hwom pange wüi Jowanpa a hwom füi tüile le akax. Hwome thüi: “Kwom hato thomzün chemchu münhüiüi. Jowanpa a kwom füi tüile.”

EZEKEL 22:12

Hünzom züizüie omün koxlaxle mix mik amütle. Züizüie mamix Israel khünak tomtom ang thashe koxkya sasün füi achatle laxle, iningle chitüi-chinang tsang-hangkya füi hwom ahak-aluale. Hwome ku alakle awütdaoa.” Jowanpa Khüthak Zang-e ija akaxdaoa.

ISAIA 1:23

Nang lompabu a alünle ajongkyabu tamchu ahuxmixbu zuikhui ang changdaoa, hwome othuithuima hingho-chaktwon hia zuizunbu pongle kople. Hwome otuechu khwa ma zasa-khaxsabu kho münse chichangba zomnubue apüikya zangwün to nathale münchang.

WANWÜNKAX 21:14

Owawa nang füi küntsik-mongmale jangchang, hingho-chaktwonsa zuile koxkyae chix adangüi.

WANWÜNKAX 18:16

Nange laxli khünak füi apongse tsuchami? Hingho-chaktwon füi nguilax jangchangba ochwon ma apong ang thoüi.

1 SAMUEL 12:3

Ku ima tüipongma kue tütali thaikya mwot mokle jangchangdao thüiningle Jowanpa hia chixe kamle koxkya wanghompa nyi tunthoma ku ma tsaitox-kaxfe angkya oli bakle ngailax, kue owawa kux maihu chichangba mantsak pale zongzong ma laxkya nox tüidaocha? Kue owawa angkya zuizun laxle changdao cha? Kue iningkya mwot tütali ma thaile mokdaokya thaile jangtüi thüiningle, kue laxdaokya kue achatle koxüi.”

1 SAMUEL 8:3

Ikoxle hokhie hopa mwotlom chito, hokhi a ngun kop angkya zaza to mongkoxle mok, ikhoma hokhie sukya kaxfün chifatox homle zuizun laxlaxle tix tsaifün-kaxwünle chang.

HWON-NWOT-JAONO 7:7

Nang a jepachu changünkoxlax, ikoxlechu nang owawa dyenlale jangchang, nange ija ongat mwot mokpu. Nange zuizun laxle jangchang, nange nang tsün ama ngopu.

ISAIA 5:23

Ikoxlechu zuizun koplaxle hünzome thaikya khünak danle apao, ilaxle chithaikya mix ang sukya kaxfün kop ang chitomle abax.

EZEKEL 22:27

Tingpün-nokwangkyabu a, hwom langdaokya müimang ma atinle ashik-akhixle saxkya shwonbu ningle. Hwom ahak-aluale chang angkya hanpakma hwome mix lang mix.

MIKA 3:9

Ku kax apalax, hünzom Israel nok lompabu, hünzom sukya thua anukyabu tamchu sukya chisukya ang achangkyabu.