WANWÜNKAX 17:17 - OTSAO BAIBEL (BSI)

¹⁷ Zuikhuie othuithuima tata hato mongkün ahokya wanlom. Sikngün-tuitai tom-hanle chichangangba haxnu-homsa ang ngokya ma chemtüi?

WANWÜNKAX 17:17 ပူးပေါင်းရင်းမြစ်များ

WANWÜNKAX 18:24

Züizüi zuikhui ashemkya otsün münlo, ikoxlechu zuikhui züizüi a pa-sa tüinao füi ngaxchu sümüi.

1 SAMUEL 20:17

Tamchatle chuwüi Jonathan-e Dawid füi künkak-mongkün ma ngo angkya tsaotsütle chang, chemthüikoxle Jonathan-e Dawid to ma bukuxle jao kak-kün.

WANWÜNKAX 19:7

Chitüi-chinangkya khünak tuita a chix haxnu-homsabu mwot chem ngaxchu münthap; chix ang zuikhui chitüikya bama abüt angkya jao müntüi. Chix tüle chu naxazong, chixe tuita ngaxchu machi to kop ang müntho.

1 SAMUEL 18:3

Jonathan-e chix tokya mongküne Dawid füi tamchiashuktoxkya zuikhui hex-ole tsaosax.

IBRI 2:11

Chix khünaknu hwom ochaxbu tokya atsao, üntoxle chixchu tamchu opang atsao-atha daolaxpuix ibu pangnu ang Hopa tuita wüi chang. Ikhoma hwom ang chix tüinaohom le nyak ang Jisu chiazak.

RUT LAIPEX 1:16

Ikoxlechu Rut-e lan: “Kue nang dantoxlaxle chat ang ku füi taxakax! Ku nang füi tomle pao ang tomhüi. Nang ojongto paopuix, ku chu ikhato paoüi; nang ojongma ngopuix, ku chu ikhama ngoüi. Nang khünakbu a ku khünak ang achangüi, ilaxle nang Zang a ku Zang ang changüi.

ESTAR 4:14

Iningkya tukma nang dangjale jangngo thüiningle, Judah khünakbu hato ofong a zangkangting tokya nguiüi. Hwom a azangüi ikoxle nang a mik max angkya ataküi, ilaxle hünpa homkha a okothomkya ang achangpu. Ikoxlechu owa tsing, iningkya tuwan zanghan hanpak ang Zang-e nang wangcha ang achangle thomkya chuwüi changtüilax!”

2 SAMUEL 1:26

“Ku nang mang soppu, ku tüita-naopa Jonathan; nang ku zongto chemtukux müikya dai! Ku tokya nang mongkün ohünotün, sheko tuita mongkün füi ngaxchu sümüile.

1 SAMUEL 23:16

Jonathan ikhato chix füi apong ang ngui ilaxle Jowanpae sünlax angkhato chem monghix angkya tüipule mongchen zang wünle tox.

1 SAMUEL 19:2

ikhoma chixe Dawid ang thüi: “Apa-e nang lang ang tungle ngole. Ngainop swomsae mik-hingle ngolax; nang ojongjong khato azwonle ngolax.

2 SAMUEL 15:21

Ikoxle Ittai-e lan: “Wanghompa, Jowanpa mün ma kue tsaopu, zikoxchu maxkoxchu ku a nang apaopao khato nang füi-füi lüwüi paoüi.”

1 SAMUEL 19:3

Nang azwonle ngokya haxtok ma nguilaxle ku apa hama tomwüi ajongüi, ilaxle kue chix hama nang bama wünüi. Kue tütali atakle jangchang kue nang hama wünhüi.”

WANWÜNKAX 16:28

Khualop-zangwün a chichang-chizangkya khünakbue apukpu; ibue tingtui adün ilaxle üitho amütle.

WANWÜNKAX 19:13

Susa ongat hwome manu-mapa hwom hato omüt apüi ang thoüi. Olyem ang za-amankya kakonu tuita a homkha ma watti dongle düt ngokya thatha.