WANWÜNKAX 16:8 - OTSAO BAIBEL (BSI)

⁸ Tsaithai-kaxnyai laxle kopkya tüpong-tüpong tüikya füi, otsingtsing moklaxle kopkya ikuxküsa wüi sümüi.

WANWÜNKAX 16:8 ပူးပေါင်းရင်းမြစ်များ

WANWÜNKAX 15:16

Ahak-alua laxle thangnak ma ngokya füi Jowanpa thuazale zasa ang ngokya wüi sümüi.

MÜNCHUAK-TSAI 37:16

Müikya khünake hidaole wüi koplax ngokya a chichangchizang khünakbu tuina pangwüi athütkya füi ngaxchu okho,

JEREMIA 17:11

Chimüikya lom makhange ngun kople changkya mix a mae chilütkya oti to womkya osa ningle changpu. Chix zaxtan tüipongwama chixe ma ahak-aluakya asamüi, ilaxle oshukshuk ma chix a tuita ongat ang changüi.

MIKA 6:10

Ochax khünakbu homkha ma, hwome kop angkya olom ma chichang homle kopkya tuinabu tüihule. Hwome thüt-zingkya ma müimamale syep-dyeple changle, ilaxle ija thua ku huanuma anule.

WANWÜNKAX 16:7

Chemtue nang Jowanpa mong amüile changüihex, nange nang zanpabu ma zuikhui ang achang ang thoüi.

WANWÜNKAX 16:9

Nange mwotthobu zing ang tsuak, ikoxlechu nang mwotlom Zang-e tix zunpu.

HWON-NWOT-JAONO 4:6

Ija changtüilax, ikoxlechu pangnyi chak füi azongle mokle, zangwin to achuakle ngokya füi muale wüi tüi üntoxle mongsom ma ngokya wüi amüikya.

WANWÜNKAX 15:17

Miktsak-mongngwom khato müi-hi-nyax saxkya füi nang to mongkünkya khünakbu füi suihing-laihing saxkya wüi sümüi.

WANWÜNKAX 17:1

Thamae awangle tüikya homkha to püntuxle fongkha saxngokya füi mongsomjale an-zan tuita saxkya wüi amüikya.

WANWÜNKAX 28:6

Ahak-alua üntoxle chisule tüikya füi tuimix-nuakmix ang ngolaxle sule tüikya wüi sümüi.