WANWÜNKAX 16:5 - OTSAO BAIBEL (BSI)

⁵ Künngam-mongngam füikya khünak pangwüi thua Jowanpa anule; chixe hwom apong angkya ma sikngünbu tsiakle le ang müntom.

WANWÜNKAX 16:5 ပူးပေါင်းရင်းမြစ်များ

WANWÜNKAX 11:21

Ochax khünakbu to sikngün kox angkya nange tsingle ngopu, ikoxlechu otsao khünakbu a paole azang tsuaküi.

WANWÜNKAX 8:13

Jowanpa chathua zakya a ochax thua anukya changpu; kue kün-ngam mongngam hia tsaichong-kaxbongle tüikya thua anule, chichang-chizangkya zangwünbu hia othai lomtangbu thua ku anule.

JAKOP 4:6

Ikoxlechu chixe fakya chingcha ifüi sütsexkya changle. Chemthüikoxle Otsao Lai-e thüile: “Ngamkyabu to Zange abaxle, ikoxle puinaikybu ang chixe chingcha fale.”

JOB LAIPEX 40:12

Changle, ibu to hulax üntoxle ibu fangto ajokox; hwom ajongle tüikya khama chichang-chizangkyabu nakle akhixkox.

ISAIA 3:11

Ikoxlechu ochax khünakbu a maxdaoa; hwome mix to chemle hwondaopuix ija athax hwom to hwonüi.

LAIPAO 20:7

“Ochax lom to ku mün Lünle taxchang; chemthüikoxle Jowanpa, ku hünzom Zang-e chichang-chizang lom to ku mün lünkyabu to sikngün apong ang tomüi.

WANWÜNKAX 6:29

Mix kakonu owawa füi jip-pomle chang angkya a itukuxle thama changpu. Owae ile moklaxpuix sikngün apongüi.

WANWÜNKAX 16:4

Jowanpae zingkya pangnu li ma oshuk-oza tüipu; ikoxle chichang-chizangkya khünakbu oshuk a oli thukya thama changpu.

WANWÜNKAX 16:6

Kax ma laxle tamchu mongong-chalomle tüile, jangchangba Zang-e nang ochax thailak tüiüi. Jowanpa kax ma laxle tüilax, chichang-chizangkya nang füi chemchu münapong.

JEREMIA 13:15

Israel khünaknu, Jowanpae akaxdaoa! Puinailax ilaxle ku kax to apalax.

ISAIA 2:11

Khünaknu mongngam ashukdao angkya tamchu khünaknu mongngam maxdao angkya hanpak nyixta hüile ngole. Ipongma Jowanpa chix tata tix achuakachenle changüi.

ISAIA 2:12

Opang zaxzangle tüipuix, opang mongngamle tamchu tsaichong-kaxbongle changpuix, ibu pangwüi, ija nyix a Jowanpae adang daoüi.