WANWÜNKAX 16:32 - OTSAO BAIBEL (BSI)

³² Tsak-zong füi tüikya füi adukya tüikya wüi amüikya changle. Tingnu-noknu thakma apün-awang ang tsuakkya füi ma alüile akumathum ang thokya wüi amüikya changpu.

WANWÜNKAX 16:32 ပူးပေါင်းရင်းမြစ်များ

JAKOP 1:19

Ku mongkün tüinaohom, ija texle ataklax! Apa ang pangnusa wüi mom angkya changle, ikoxchu zangwün ang hia mongtsik ang zaxhun ma changkoxtix müiüi.

WANWÜNKAX 15:18

Mongtsik khangpong ma laxlaxle ngokyabue tsaitsat-kaxtsa angkya alaile, ikoxle adukyae mongsom apüile.

WANWÜNKAX 25:28

Nange nang mongtsik adu ang chitho thüiningle, nang a, pan ma zün chidao homtoxle kothofa to ngokya chingcha ashukkya tingnu tuita ningle changpu.

WANWÜNKAX 14:29

Nang dangle jangngotho thüiningle nang a jetüi-hwonlangkya mix changpu; ikoxle nang ma küntsik-mongwün tüile jangchang, nange nang chemtukuxkya ongat hex ija aho wüi.

ROM NOK HATO ZAKYA POL LAIZA 12:21

Omae nang to lüt ang taxkox; itülüi omüi füi oma to lütkox”.

WANWÜNKAX 19:11

Nang mongkho nguile jangtüi, nange nang mongtsik adu ang thoüi. Owawae nang to thaikya mokle jangchang, ija a ahaile dantox angkya akhokya shomüi changpu.

MÜNCHUAK-TSAI 103:8

Jowanpa a chingchajaja hia mongkün füikya changle, mong a zaze letix tsik ilaxle ojem chifünkya mongküne awang laxle tüikya.

EFISIA 5:1

Hünzom a Zange mongkünkya chix susabu daile, hünzom a chix lailai le ngo ang azong angkya changle.

MIKNGÜN-OHÜN 3:21

Zan to anaolaxle ku chemle chongwang tüntong ma Apa tsaxchi ma ngopuix ilailaile zan to lütkyabu ku tsaxchi ma ngo ang tomüi.

WANWÜNKAX 16:19

Ngamkya mix ang achang üntoxle pa-lole kopkya tuina tom-hankya ma womkya füi puinai üntoxle zasa ang ngokya wüi sümüi.

2 WANGHOMBU 5:12

Ibomachu, Damaska to chatlaxle chukhato Abana hia Farpar shuanubu, Israel haxtok ma tüikya shuajenbu füi sümüikyabu müntüile hia? Ibu ma solaxle chu ku müi kak müidaose!”

WANWÜNKAX 16:31

Tsünlo-khothole ngokya a otsao hingho changpu; azu-khothokya a fuazangkya khohom changpu.

WANWÜNKAX 16:33

Zang mongtex awan ang khünaknue nantakle, ikoxlechu ija to lan angkya a Zang mongtex changpu.

HWON-NWOT-JAONO 7:8

Tütali owang füi oshuk wüi amüikya. Mongngam füi adukya wüi amüikya.

WANWÜNKAX 25:15

Adukya füi mong chingwomle zangwünkyae tuita wanghompa ngaxchu anom-anai ang tsuak, ilaxle tunmüi zangwün füi longtom ashix ang tsuak.

HWON-NWOT-JAONO 7:9

Nang mongtsik akumathum thomlax; mongtsik ang nui-ting koxkya a ongat.