WANWÜNKAX 16:22 - OTSAO BAIBEL (BSI)

²² Jetüi-hwonlangkyabu hanpakma je-hwon a khüzün tümik changpu, ikoxle ongatbu ang anwot-anole chang ang azongkya a tuita hanpak ashixkya zaza.

WANWÜNKAX 16:22 ပူးပေါင်းရင်းမြစ်များ

JUHAN 6:63

Khüzün koxkya a Zang Chasa changpu, khünak tsakzong a chem angchu münchang ikoxle kax oja kue hünzom füi akaxpuix, ijabue hünzom hato ozün ma tüikya Zang Chasa apüile fapu.

MATHI 15:14

Hwom bama taxaban ngo; hwom a miksut lomzun mix miksutbu changle; otue miksut tuitae ata miksut mix lomzunle changüihex, hokhi pangnyi wüi tswomkha to dütüi.”

WANWÜNKAX 13:14

Jetüi-hwonlangkyabu hwon-nwot jaono a khüzün tümik changpu; nang thama ma tüipongma ibue nang to azangle tsuak ang tomüi.

JUHAN 5:24

“Otsingtsingma kue hünzom ang thüipu, Owae ku kax atat laxpuix, ilaxle ku tomle ajokya mix to onglaxpuix, chix ma oshuk chitüikya khüzün tüile. Chix bama kaxfün angkya müntüi, zik kaile toxlaxle azang angkya ha alopüna.

WANWÜNKAX 10:11

Müikya khünak tuita zangwün a khüzün tümik tuita changpu, ikoxle chichang-chizangkya khünak zangwün tokfüi ma changnong-pünthom azwonle tüile.

JUHAN 6:68

Simon Pitar-e lan: “Jowanpa, kwom owa hato paoüi? Tsün khüzün koxkya kax nang ma tüipu;

WANWÜNKAX 18:4

Khünak tuita zangwün a, molo-tinu ningle zule, shuasa tijen ningle tsaothale, tuita jetong-hwontong angchu achang tsuak.

WANWÜNKAX 15:28

Müikya khünakbue kaxlan faüi thoto ajangle kople. Ochax khünakbue lebama lanle alyetüi, ikhoma thama füi apong ang kople.

WANWÜNKAX 15:2

Chemtue jetüi-hwonlangkya khünakbue zangwünpuix, hwome tsing-wankya to mongzao ang tomle, ikoxle ongat khünakbu wikha makhange khangka ma chilekyabu alaile.

WANWÜNKAX 14:27

Nange zik tsiakle toxse tsupia? Jowanpa chathua zakya a khüzün tümik changpu.

WANWÜNKAX 3:22

Ibue nang ang pwonla hia mongmüie awangkya khüzün faüi.

WANWÜNKAX 16:21

Jetüi-hwonlangkya hia tsün ziadaokya a chix ma tsing-wankya tüikya ma awanle laxpu. Chixe chemtukux zangmüi wünpuix, itukuxle chix füito azuise tsupu.

WANWÜNKAX 16:23

Jetüi-hwonlangkya khünakbue akaxüi thoto ajangle kople; hwome chem akaxpuix ija a sisile to-zile changse tsutsu.

WANWÜNKAX 18:7

Chemtue ongat khünak tuitae zangwünpuix, chixe ma hato thama sekya changpu; chix tsaifa-kaxfafa mawüi chix manle.