WANWÜNKAX 16:20 - OTSAO BAIBEL (BSI)

²⁰ Nang hama chem anwot-anole fapuix ija to mongkoxlax, jangchangba nange tho-lünle changüi; Jowanpa to mongongkya tüilax, jangchangba nang mongmüile ngoüi.

WANWÜNKAX 16:20 ပူးပေါင်းရင်းမြစ်များ

ISAIA 30:18

Ikoxlechu Jowanpa a hünzom hato chingcha aho ang tanle ngonuiüi. Chix a hünzom to chingcha ang jento achwon ngole chemthüikoxle chixe othuithuima sukya mokpu. Opange Jowanpa to mongong thomtsuak puix hwom a mongmüi khünakbu changle.

MÜNCHUAK-TSAI 2:12

ilaxle chix chitong ma akhuxlax; chichangthüiba chix mongtsik a lebama wüi alaiüi, ilaxle nang allele ziüi. Ma kho awa ang chix hato nguikyabu pangwüi mohiman.

MÜNCHUAK-TSAI 34:8

Jowanpa chemtukux müipuix ija nang hanpak ang lomle ataklax. Chix ma chalomlule ngo ang atakkyabu a mongmüi mixbu changle.

WANWÜNKAX 19:8

Mama alüile wünlax ilaxle mae tsuakkya tukuxle awanle laxlax; ifüima nange awanle kopdaokya mongto texle ataklax ifüima nang ahak-aluale changüi.

MATHI 10:16

“Apalax, shwon tham khato chun hosabu ningle kue hünzom tsanle apaopu. Pu ningle atsinglax, osu ningle nonai le tüilax.

DANEL 6:23

Wanghompa ang tüle mongmüi ilaxle ija tswomkha tokya Danel alai angkya hanpakma kax kox. Hwome chix dokle alai ikoxle chix to makman ojao chibang, chemthüikoxle chixe Zang to mongong thomkoxle.

DANEL 3:28

Wanghompa-e thüi: “Shadrak, Meshak hia Abednego hwom Zang achuak kox! Chix thothale tamchu chix to mongongle ngokya mixsün ibu khosün ang Chixe chix kaxtaimix tsanle ajo. Changle hwome ku kax ma chilax ilaxle mama baozangbu tongshwom le münchangpu le hwome ma tsün maüi thua ngaxchu chizale hwom Zang to tata shomüile angam.

WANWÜNKAX 8:35

Opange ku atak tsuak puix hwome khüzün koppu, ilaxle ibu füi Jowanpa ang mongmüikya tüiüi.

MÜNCHUAK-TSAI 146:5

Hwom to fong ang owapange Jakop Zang koplaxle tüipuix, opange Jowanpa hwom Zang to onglaxpuix,

WANWÜNKAX 13:15

Jetüi-hwonlangkyae chathua zakya kople, ikoxlechu mongong angkya chitüile ngokyabu a olithu angkya lomtang ma tüile.

MÜNCHUAK-TSAI 125:1

Jowanpa to mongong tüikyabu a otuechu chiamok tamchu apao ang chithokya Zaion haxnu ningle changpu.

1 PUKAX-PANGAO 5:20

Hwome Zang to mongong thom ilaxle asun angkya hanpakma chix to zangjop, ilaxle Zang-e hwom zangjop to lan ilaxle Hagri nok hia ija füikya zankat üitho pangwüi to hwom ang lüt ang kox.

WANWÜNKAX 17:2

Tsing füikya da tuitae, chix hopupa sasün laxli chitüikya tuita to athaklaxle chix mantswon ahak-ahanle laxüi.

MÜNCHUAK-TSAI 32:10

Chichangchizangkya khünakbu a sikngün angkya changle, ikoxlechu Jowanpa to mongong tüikyabu, chithwonkya chix mongkün füi ziakople thomüi.

WANWÜNKAX 13:13

Nange müikya zünkax-saikax to chiapa, nange sikngün angkya lompu; ija kax ma laxle tüilax jangchangba nang kho azangpu.