WANWÜNKAX 16:18 - OTSAO BAIBEL (BSI)

¹⁸ Mongngame olithule max angkya lom to zunüi, ilaxle mix to asongle hukyae ma adüt angkya lom to zunüi.

WANWÜNKAX 16:18 ပူးပေါင်းရင်းမြစ်များ

WANWÜNKAX 11:2

Mongngam füikya khünakbu lebama wüi mongma kop angkya ataküi. Pui-hi-naile tüikya wüi jetüi-hwonlangkya changpu.

WANWÜNKAX 18:12

Puinaile machang tanto owa tochu achuak-achenle münchang; mongngam füikya khünakbu a omüt lom to tüile.

WANWÜNKAX 29:23

Ma kax ma chilaxlaxba le thütkyae nang thomle adütüi, ikoxle nang a puinaile jangtüi, nang chathua zaüi.

1 TIMOTHI 3:6

Chix mongngam ma saxfo lwotkya chitüi angkya üntoxle bao ningle ahaile awütkya chitüi angkya kuxma, chix a mongong ma tsingju kamong le tüikoxle müiüi.

ROM NOK HATO ZAKYA POL LAIZA 11:20

Ija changtomtapu. Hwome chiongkya khoma hwom pakle awütpu, hünzome mongongkya khoma hünzom oting ma sütle ngopu. Ikoxlechu ija bama bong-chong le taxtex; itülüi zale mix zalax.

WANWÜNKAX 17:19

Ochax laxse lomkya a tingtui adünsele mongtsukya changpu. Nange jento kahak-wüntakle chichang thüiningle, nange tingtui ahyen ngopu.

ESTAR 6:6

Ikhoma Haman wanghom nui to dongle hüi. Wanghompa-e chix ang thüi: “Kue huanuma achuak-achense le tsukya khünak tuita tüile. Kue ija khünak achuak-achenle chemle hwonsedai?” Haman-e ija a chix ang thüikya changpule thütlaxle chix mongto zangwün: “Wanghompa-e achuak-achense le tsukya khünak a ku boma owa namchangüi? Ija a ku ang thüikya wüi changpu.”

ESTAR 7:10

Ikhoma Haman a chixe Mordekai lang angkya hanpakma zingkya dangzembu ma afünle lang. Ile tix wanghompa ang mongtsik dang.

DANEL 5:22

“Ikoxle nang, chix sasün, nang a puinaile chitüi; nange ibu pangnu tsingle ngohupu.

ISAIA 37:38

Nyixta chix baozang Nisrok zangshwom-hom ma baozang shwomle ngopongma, chix sasün anyi, Adramelek hia Sharezar nyie, chix a hokhi chang füi lang ilaxle Ararat haxtok to paole azang. Chix sasün mama, Esarhaddon-e chix lüile chongwangpa ang achang.

ESTAR 3:5

Mordekai-e chix tuntho to akhuxle münchangüile awan ang kopkya zuma Haman ang tüle mongtsik.

DANEL 5:24

Ikhoma ibu kax zale aho ang Zang-e ija chak ahüipu.

MATHI 26:74

Ifüima Pitar-e tsao: “Kue kaxtsing akax ngokya chichang thüiningle Zange ku ang sikngün naxfa kox! Kue chix owa changkya hex ojao münawan!” Ifüima lüile O ha.

1 SAMUEL 17:42

Chemtue chixe Dawid sün bakle tsingle ngün ang kople changpuix, chixe ajao, chemthüikoxle Dawid a osün müikya naosünsa tuita le chixe ngün.

WANWÜNKAX 8:13

Jowanpa chathua zakya a ochax thua anukya changpu; kue kün-ngam mongngam hia tsaichong-kaxbongle tüikya thua anule, chichang-chizangkya zangwünbu hia othai lomtangbu thua ku anule.

JEREMIA 49:16

Hünzom mongngame hünzom dyendaoa. Hwom za-ngo tüiangpule hünzom mongto thütkya ningle hünzom thua owachu münza. Hünzom zakkho to ngokyabu, haxnukho atsuakya khato a; ile hünzom ola büta ding to tsuale ngoünbachu, Jowanpae hünzom a hax to athaiüi. Ija kax Jowanpae akaxdaoa.”

EZEKEL 29:9

Ijip a laxli chitüile awüt thomkya haxtok ang achangüi. Ifüima nange ku a Jowanpa changpule awanüi. “Chemthüikoxle Nail shuanu a nange zingkya nangkux changle le akaxdaoa.

KAXFÜNPA-HWOM 11:28

Ikoxlechu Amon wanghompa-e Jefthah chito khange ahüikya ija kaxho to na ojao chitha.

JEREMIA 50:32

Hünzom mongngam jat-li a chikho thuüi ilaxle nguaküi, ilaxle ija azwot ang owaechu münasunüi. Kue hünzom tingnu ma wün langüi, ilaxle hozui-onam to tüikya pangwüi amütüi.”

EZEKEL 28:17

Nang a nang sün müikya bama mongngam, ilaxle nang mün fuale wünkyae nang ang ongat ningle mok ang tom. Ija khokho ma kue nang a haxkha to tswonle awüt ilaxle nang a mama wanghom hanpakma kaxkhün tuita ang achangle dantox.

DANEL 11:12

Chix a ija zanhok ma süpahibu huanuma lang ang thokya hia chixe wüi lütle tsuakkya khoma chix a tüle ngamle changüi.

KAXHO MÜIKYA LUK 14:9

‘Ikhama chix wüi thung ang laxkox.’ Ijama thünzak kake nang akiakya khato thung ang achexle paoüi.