WANWÜNKAX 16:17 - OTSAO BAIBEL (BSI)

¹⁷ Müikya khünakbu a ochax tsiakle toxkya lomtang ma ahamle; idaile nang ochito lepuix ija to müile hukoplax: ija ma nang azang ang tsuak.

WANWÜNKAX 16:17 ပူးပေါင်းရင်းမြစ်များ

ISAIA 35:8

Ikhato afithole lomnutang tüiüi, ija ang “Otsao Lomnu”, le nyaküi. Ochax khünak owachu ija lom ma münahamüi; ikhama ahamkyabu owa ongatechu ochei to münpaoüi.

WANWÜNKAX 19:16

Zang wanlombu otya ma thomlax ikoxtix nang tsünlole ngoüi; nange ibu tha-ajaole jangchang, nang ziüi.

WANWÜNKAX 10:9

Khünak otsingtsingbu a khangkho azangle changüi, ikoxle thaithaxkya mix a kopüi.

MIKNGÜN-OHÜN 3:10

Chemthüikoxle adu ang hünzome ku kaxtom otya ma thom, kuechu wüi chaxwannu angkya khunaknu pangnu hato chaxwannu ma hüiüi tüikya thwontsing sikngün chak tokya nang sünle thomüi.

JUD LAIZA 1:21

ilaxle chix chingcha ma hünzom ang kox angkya oshuk chitüikya khüzün bama hünzome kem Jowanpa Jisu Khrista tanle nui pongma, hünzome ma alüile Zang mongkün ma thomhüi.

IBRI 10:39

Kwom a anongle chat üntoxle samle maxkya khünaknu münchang. Itülüi, kwom ma mongong tüile üntoxle khosünle tüile.

WANGSHEMBU MWOT 24:16

Idaile Zang hia khünaknu thüntho ma khangka tsaotha le tüi angkya hanpakma kue otukux tsuakpuix itukuxle müikya mokpu.

WANGSHEMBU MWOT 10:35

Chix tüta jat-li wüi changkoxlax, chix chathua zale tüikya mix tamchu sukya mwot mokkya mix chix zongma sukya mixmix wüi changpu.

MATHI 24:13

Ikoxlechu oshuk kople shingmongle adukya khünakbue khosünkya ataküi.

JUD LAIZA 1:24

Owae hünzom düt ang thüikya kople thom ang tho, tamchu thaikya chemchu chitüile üntoxle mongmüi pwonla le, fuazangkya chix ngwotnui to hünzom apüi ang tho, chix ang,

JOB LAIPEX 1:1

Jople amünkya mixsün tuita tüikya; chix a Uz nok ma ngokya mixsün tuita. Chixe Zang to shwom ilaxle chix to mongong thom. Chix a müikya khünak tuita changkya. Tütali to thaithaxle chibang angkya hanpakma chix tüle khünzai.

WANWÜNKAX 4:23

Nang mongjang bama khünkhilax; nang khüzün a nang tutexbu makhange tix zingle.

WANWÜNKAX 21:23

Nang thama füi atsaile ngose jangtsu, nange chem akaxpuix ija bama khünzaikya tüilax.

WANWÜNKAX 22:5

Nange ma khüzün to mongkünkya jangtüi, lomjang to chichang-chizangkya khünakbu amankya taibu füi atsaile ngolax.