WANWÜNKAX 15:9 - OTSAO BAIBEL (BSI)

⁹ Chichangchizangkya khünakbu lomtang thua Jowanpa anule, ikoxle sukya mwot mokkyabu to chixe mongkünle.

WANWÜNKAX 15:9 ပူးပေါင်းရင်းမြစ်များ

1 TIMOTHI 6:11

Ikoxlechu, nang Zang khünake, ibu lom pangnu tsyakle toxdao. Chasa Otsao, Zang womle tüikya, mongong, mongkün, thuakjokkya, ilaxle somdangkya, tamchu ibu hanpakma azong amongkya tüikox.

WANWÜNKAX 21:21

Chingcha-mongkün tamchu sützia-mwotzia ma ngokox jangchangba nang tsünlole ngo ang kopüi; mixe nang to e-sele changüi tamchu müile hu-meüi.

MATHI 7:13

“Hitkya pan makhange lelax, chemthüikoxle omüt lom to aliet angkya pan a jakasai le ilaxle lomchu khaole tüile tamchu ichito le angkya mix a huanuma tüile.

HABAKUK 1:13

Ikoxle iningkya ong angkya ojao chitüikya ochax khünakbu to hule nang chemle ngothoüi? Nang a ochax to hu ang chithokya otsao changpu, idaile khünaknue ochax mokkya to hule nang ngo ang müntho. Jangchangba khünakbue hwom füi ngaxchu sütsaokya khünakbu to thama adünle changkya to nange büthüikoxle chitsapu?

HOSIA 6:3

Kemepi Jowanpa tikle lax ang azong hax. Tütakoxchu zangngaile hüikya ningle, ojao chithaile chaxwan tok to tsosa zangwat dütkya ningle, chix a kem hato hüiüi jaojao.”

JEREMIA 44:4

Kue chizakle hwom hato ku dapa ajebu ahüile ngopu; ilaxle hwome hünzom hama kue anukya iningle khomtsikya mwot chimok angkya akaxpu.

2 TIMOTHI 2:22

Khüse pongma mongzok füi atsaile ngolax, ilaxle sukya, mongong, mongkün, tamchu mongsom hanpakma mong tsaokya tokhange fong angkya hanpakma Jowanpa ahyenkyabu füi tomle azonglax.

ISAIA 51:7

“Ku kax to apalax, hünzom otsingtsing awankyabue, owae ku hwon-nwot ma mongtsang ma apütle thomlaxpuix. Chemtue khünakbue hünzom to adale haopuix ipongma taxza;

ISAIA 51:1

Jowanpae thüi: “Ku kax apalax, hünzom khosünse le tsukyabue, hünzom ku hato fongkya lomle nguikyabue. Nang ojong tokhange nguipuix ija longnu ajang koplax, ojong longthwot nui angkya nang thole alaipuix, ija a.

ISAIA 26:7

Jowanpa, müikya khünakbu lyetlom nang zingle amüi; hwom ahamkya lomtang a ajitle tüile.

WANWÜNKAX 21:8

Thaile ngokya khünakbu a hwom lomchei to ahamle; ikoxle chemchu chitsingkya mixe chem supuix ija mokle.

WANWÜNKAX 21:4

Chichangchizangkya khünakbu a hwom mik-hu-chakzam chimüikya hia mongngame akumathumle thomle, ilaxle ija a ochax changpu.

WANWÜNKAX 4:19

Tüle wüi changlax, chichang-chizangkyabu lomtang a zangnak üntoxle awünning changle. Hwom atile, ikoxle hwom chem ma asuale atipuix ija ngün ang chitho.

MÜNCHUAK-TSAI 1:6

Otsao khünakbu a Jowanpae kho-awale thomle, ikoxlechu chichang-chizangkya mix a mikmüt lom ma tüile.

TSAITONG-KAXTONG 7:13

Chixe hünzom to mongkünkya tüiüi ilaxle mohimankya tüiüi; ile hünzom khünak huak tüle pu-tsale changüi iningle su-sa hwom huanuma tüiüi; chixe hünzom haxtok manzai to mohimanüi ilaxle hünzome tüle saxkople, grepti-ju hia olip münga kople changüi; ilaxle hünzom ang osu-maihu hia chunbu tüle koxle mohimankya tüiüi. Chixe ibu mohiman a, hünzom putong hwom füi hünzom ang koxüihex-ole tsaokya haxtok ma koxüi.

MÜNCHUAK-TSAI 139:24

Ilaxle ku ma tütali chichang-chizangkya olom tüilaxcha le hulax, ilaxle oshuk chitüikya lom to ku azuihüi!

WANWÜNKAX 8:13

Jowanpa chathua zakya a ochax thua anukya changpu; kue kün-ngam mongngam hia tsaichong-kaxbongle tüikya thua anule, chichang-chizangkya zangwünbu hia othai lomtangbu thua ku anule.

WANWÜNKAX 15:10

Nange chem thaipuix ija jangmok thüiningle, nang a huanuma sikngün ang tomüi; nang alüile achangle zingle chihüi thüiningle nang ziüi.

MÜNCHUAK-TSAI 5:5

Otuechu nang ongam chikaoma sele münajongtox; chichang-chizang khünakbu thua chianule müntox.

MÜNCHUAK-TSAI 11:7

Jowanpa a otsao üntoxle müikya mwot to mongkünle; ibu mwotmüi mokkyabu chix womle tüikya khama ngoüi.