WANWÜNKAX 15:7 - OTSAO BAIBEL (BSI)

⁷ Tsingwankya a jetüi-hwonlangkya khünakbue apuk wüi, ongatbue münchang.

WANWÜNKAX 15:7 ပူးပေါင်းရင်းမြစ်များ

MATHI 12:34

Hünzom pubu; ma chimüi khato müikya chemle akax thoüi changkoxkya. Chemthüikoxle mong chem füi awang laxle tüipuix, tun ma ibibi tix ngaipu.

JAKOP 3:6

Le a tuita wün ningle changpu. Kem mik-chak khama le a tuita chitsaokya chongkya changle. Ijae tsangtsa komle chitsaokya ang achangle, ilaxle tsünpo ma jao wün alaile tamchu ija to haolum e wünnu adün ang tomle.

EFISIA 4:29

Nang kax füi, atatkyabu fün amüi angkya hanpakma mix zongto kak angkya zang taxwün, itülüi mix to juafong angkya oli kaxzex zangwünkox.

MARK 16:15

Chixe hwom ang thüi: “Hünzom a chaxwannu pangnu khato paokox; khünaknüsa hama Kaxho Müikya apukkox.

MATHI 10:27

Kue zangnak khato hünzom hama wünkya pangnu hünzome tamchatle zangngai ma wün angkya changle. Na ma thap laxle chem wündaopuix ija a homkho tokhange tinglyet angkya changle.

TSAITAX-NGAONÜI 4:11

Nang tunpün ma tüile nax-ti ningle tikya, ku mongkün; ku zongto nang lesa a tsomti hia nax-ti jaojao changle. Nang nyiwun ma Lebanon angkya so ngane awangle.

MÜNCHUAK-TSAI 119:13

Nange ku ang koxkya wanlombu pangwüi kue akhongle noxüi.

MÜNCHUAK-TSAI 45:2

Khünak khama nang a osün amüikya mix; nang a khosam chitüile zangwünkya mix. Othuithuima Zang-e nang to mohimankya mix.

MÜNCHUAK-TSAI 37:30

Khünak müikyabu zangwün ma je tüile, üntoxle ibu a othuithuima sukya changle.

2 TIMOTHI 2:2

Khünak obiobi thüntho ma nange atatle kue apuk-apuakya hwon-nwot koplax, ilaxle mae mongongkyabu opange mamabu hatochu anwot-ano ang thoüihex, ibu ang ija mokle pao ang laxkox.

WANWÜNKAX 15:2

Chemtue jetüi-hwonlangkya khünakbue zangwünpuix, hwome tsing-wankya to mongzao ang tomle, ikoxle ongat khünakbu wikha makhange khangka ma chilekyabu alaile.

WANWÜNKAX 15:6

Otsao khünakbue hwom tuina thomle, ikoxle chichang-chizangkya khünakbue thangnak pongma ija asamle.

WANWÜNKAX 15:8

Müikya khünakbue zangjop pongma Jowanpa ang mongmüile, ikoxle chichang-chizangkya khünakbue chix hato tö apüikyabu thua chix anule.

WANWÜNKAX 5:2

Ile jangchangba nange zanglom-saikha chemle müile thomüihex ija awanüi, ilaxle nang kaxfa makhange nang ma je tüikya ahoüi.

WANWÜNKAX 16:23

Jetüi-hwonlangkya khünakbue akaxüi thoto ajangle kople; hwome chem akaxpuix ija a sisile to-zile changse tsutsu.

HWON-NWOT-JAONO 10:2

Je füikya mixe changkya mwot mok angkya ilaxle ongat khünake thaikya mwot mok angkya jaopo ang changle tüile.