6 Otsao khünakbue hwom tuina thomle, ikoxle chichang-chizangkya khünakbue thangnak pongma ija asamle.
Ku to mongkünkyabu ang tüi-na koxpu, ilaxle hwom homkha tuiza-nakombu füi awang ang tompu.
Jetüi-hwonlangkya khünakbu a tüinangle tamchu mongtex ma ngo ang kople, ikoxle ongat khünakbue ongun-osyen chemtukux chwonpaile koppuix itukuxle lebama baktsuakle.
Nang hakpa-luapa ang achangkya a Jowanpa mohiman makhange changpu. Azongle mwot mokle changkya tokhange nange sisile tüi-nangkya mix ang achang tsuaküi.
Chix homkha a ahak-aluale tamchu tsangtsa ma chemkak-chemlak chitüile changüi, ilaxle chix a othuithuima saxpu-luawang ang ngoüi.
Ijip nok tuina pangnu füi Khrista bama thajao wünhai wüi achongkya tuina changpu le chixe tex, chemthüikoxle chixe füichi ma kop angkya hingho chix mikza ma thom.
Tsaithai-kaxnyai laxle kopkya tüpong-tüpong tüikya füi, otsingtsing moklaxle kopkya ikuxküsa wüi sümüi.
Ija changtüilax, ikoxlechu pangnyi chak füi azongle mokle, zangwin to achuakle ngokya füi muale wüi tüi üntoxle mongsom ma ngokya wüi amüikya.
Ahak-alua laxle thangnak ma ngokya füi Jowanpa thuazale zasa ang ngokya wüi sümüi.
Müikya khünakbu ma hwom su-sabu chak to tox ang tuina tüiüi, ikoxle ochax khünak tuinabu a otsao khünakbu chak to dongüi.
Müikya khünake hidaole wüi koplax ngokya a chichangchizang khünakbu tuina pangwüi athütkya füi ngaxchu okho,
Nuzün-pazün te angkya nang zongto ongat changle; hwome achangle fakya kax ma laxkya a jetüi-hwonlangkya changpu.
Tsingwankya a jetüi-hwonlangkya khünakbue apuk wüi, ongatbue münchang.
Chichangchizangle tüikyabu homkha to Jowanpae thuakzomkya koxle, ikoxle otsao khünakbu homkha to mohiman koxle.