WANWÜNKAX 15:5 - OTSAO BAIBEL (BSI)

⁵ Nuzün-pazün te angkya nang zongto ongat changle; hwome achangle fakya kax ma laxkya a jetüi-hwonlangkya changpu.

WANWÜNKAX 15:5 ပူးပေါင်းရင်းမြစ်များ

WANWÜNKAX 13:18

Owae awanle chilax laxpuix, chix a zasa tamchu chingchajaja chitüikya mix changpu. Achangle fakya to owae apalaxpuix, ija mix chathua zakya tüiüi.

WANWÜNKAX 13:1

Jetüi-hwonlangkya naosombue manu-mapae achangle koxpongma nathale apale, ikoxle künkhüi-mongdüibue hwom thaikya ang thaile le münthüi.

WANWÜNKAX 19:20

Nange zünkax-saikax to apale jangchang tamchu tsingle kopsele mongtsukya jangtüi, nyixnyixta nang jetüi-hwonlangkya khünak tuita ang achangpu.

TITA 2:15

Hünzom kax to apakyabu zong adün pongma tamchu hwom to sa pongma ibu anwot-ano ilaxle hünzom apün-adakya komkaile twonkox.

TITA 1:13

Ikhoma nange hwom to azaxle sa angkya changle, ikoxletix mongong ma hwom owan müiüi,

1 PUKAX-PANGAO 28:20

Wanghompa Dawid-e chix sasün Solomon ang thüi: “Mong taxhi ikoxle mongchongle changlax. Mwt owang wang kox, owaechu nang to abax ang taxtom. Kue owa to thothale hüipuix, ija Jowanpa nang füi tüiüi. Otuechu chixe nang danle müntoxpu, ikoxle chix Zangshwom-Hom ma mokse mwot ashukle machang tanto chix a nang füi ngo angkya changle.

1 PUKAX-PANGAO 28:9

Anaole chixe Solomon ang thüi: “Ku sasün, nange hünpa ku Zang to otsing changpule ngaitsuak angkya oli changpu ilaxle mong züizüihanle chichang homtoxle mongtsutsule chix thotha angkya changpu. Chixe kem küntex-mongsung komkaile tsingle. Nang chix hato hüile jangchang thüiningle, chixe nang a pongle kopüijao; ikoxlechu nange chix hato tok ahole jangchang, chixe othuithui hanpak ang nang a awütüi.

WANWÜNKAX 10:1

Ibu a Solomon wanwünkaxbu changpu: Jetüi-hwonlangkya su-sa hwome mapa hwom mongmüi ang tomle; ongatbue manu künmax-mongshan ang tomle.

WANWÜNKAX 6:23

Adangle fakya ibu a wünnyan changle; achangle fakya ibue nang chemle ngokox müiüi ija anwot-anole fa ang tsuak.

WANWÜNKAX 1:23

Kue hünzom to sale changpongma apakoplax; kue hünzom ang müikya olom adangle fafang ilaxle ku je-hwon hünzom füi tom-hanle changfang.

MÜNCHUAK-TSAI 141:5

Müikya khünakbue chingcha tokhange ku ang sikangün tamchu sa-male chang koxlax, ikoxlechu ochax khünakbue achuak-achenle changkya kue otuechu pongle münlax, chemthüikoxle hwome chichangchizangle mokkya ochax mwotbu hanpakma kue jento zangjople ngopu.

WANWÜNKAX 25:12

Apasele tsukya khünak hama apongle hüidaokya khünak tuitae khünzai angkya kax koxkya a müikya hun füi zingkya khoptüt hia likwünbu füi ngaxchu sümüi.

WANWÜNKAX 15:4

Chingcha zangwüne khüzün apüile, ikoxle mongtsik zangwüne nang chasa thule akhünle.

WANWÜNKAX 15:6

Otsao khünakbue hwom tuina thomle, ikoxle chichang-chizangkya khünakbue thangnak pongma ija asamle.

WANWÜNKAX 1:7

Jetüi-hwonlangle chang angkya hanpakma nang owangpa ma Jowanpa thua zakop angkya changpu. Angabue je-hwon chathua zale münchang ilaxle tsing-wanle münchangpu le angamle.