WANWÜNKAX 15:32 - OTSAO BAIBEL (BSI)

³² Nange tsing-wanle münlaxpule angamle jangchang, nange nang to alüile mak-kha ngopu. Achangle fakya nange pongle jangkop, nang a jepa tuita ang achangpu.

WANWÜNKAX 15:32 ပူးပေါင်းရင်းမြစ်များ

MIKNGÜN-OHÜN 3:19

Kue akünkün pangto wüi kue sapu üntoxle sikangünpu. Idaile nang mongtsulax üntoxle ochaxbu tokya mong chatlax.

WANWÜNKAX 1:7

Jetüi-hwonlangle chang angkya hanpakma nang owangpa ma Jowanpa thua zakop angkya changpu. Angabue je-hwon chathua zale münchang ilaxle tsing-wanle münchangpu le angamle.

ISAIA 1:5

Hünzome büthüikoxle alünle ajonglanle ngopu? Hünzome anaolechu sikngün süchongkya lompia? Israel, hünzom khang a thomzün-maklaxkya füi chwople tüidaoa, ilaxle hünzom kün-mong hia khangka a kakle tüile.

WANWÜNKAX 18:15

Jetüi-hwonlangkya khünakbu a jento awanle kopsele tsukya hia achwonkya mong füi ngole.

JAKOP 1:22

Chix kax apa lanlankyae nang to dyen-ngan ang taxtom; itülüi, Ija mwot ang achangle mok kox.

JEREMIA 5:3

Jowanpae otsing tomtata ma mongong tüikya mix lompu. Chixe hünzom to hongpu, ikoxle hünzome ojao nakhwop chikex; chixe hünzom zutle akhixpu, ikoxlechu hünzome awanle münkoppu le angam. Hünzom ang mong-khüi ilaxle ochaxbu tokya hünzom mong münchatpule na tüt.

WANWÜNKAX 29:1

Nang achangle fakya foto nang sisile mongtsakle jangchang, nyixta nang thule asumüi ifüima amikya hato tamchichat toxüi.

WANWÜNKAX 17:16

Lainwot-ngaknwot hanpakma ongat khünak tuita hanpakma ngun-syen bakkya ma olüi chemchu müntüi, chemthüikoxle chix ma laxli tutex chemchu müntüi.

WANWÜNKAX 15:21

Angabu a hwom ongat-ongui füi mongmüile, ikoxle jetüi-hwonlangkyabue chem supuix ijatix mokle.

WANWÜNKAX 15:14

Jetüi-hwonlangkya khünakbue tsing-wanle kopse tsule, ikoxle ongatbu a hwome chemchu chitsingle changkya füi mongzom müile.

MÜNCHUAK-TSAI 50:17

Hünzome ku ang hünzom achangle zing ang chitom; hünzome ku kaxtombu chilaxle awüt.

TSAITONG-KAXTONG 21:20

Hwome ibu ang thüiüi, ‘Kukhi sasün a ojao kax ma chilaxle tüikya ikoxle changnong-pünthomle ngokya nao tuita changle; chixe kwom kax ma ojao münlax ikoxle jutok-saxngale mix ngole homle.’

TSAITONG-KAXTONG 21:18

“Thütba mixsün tuita ang kax ma ojao chilaxkya zünte nao tüi, ija naoe sikangün koxlechu honu hia hopa nyi kax ma ojao chilaxle tüi.

IBRI 12:15

Zang chingcha angkya anongle chichat angkya bama khünkhile hunga ngolax. Nyem laxle ija ma tüikya zik hing füi huanuma khünaknu tingtui ang tomkya khaxkya pün tuita ningle owachu taxchang.

WANWÜNKAX 13:18

Owae awanle chilax laxpuix, chix a zasa tamchu chingchajaja chitüikya mix changpu. Achangle fakya to owae apalaxpuix, ija mix chathua zakya tüiüi.

WANWÜNKAX 15:5

Nuzün-pazün te angkya nang zongto ongat changle; hwome achangle fakya kax ma laxkya a jetüi-hwonlangkya changpu.

WANWÜNKAX 15:31

Nang to achangle fa pongma nange apale jangchang, nang a jetüi-hwonlangkya mix changpu.

WANWÜNKAX 15:33

Jowanpa chathua zakya, ija a laitik-ngakmankya ang achangpu. Nange tütali münchong kopüi thoto nang ma pui-naikya tüikop angkya changpu.

HWON-NWOT-JAONO 7:5

Ongatbue nang achuakle tsai ngaokya füi je füikya khünake sa-male changkya wüi amüikya.

ISAIA 3:9

Hwome Zang ang oma thüikya hwom hato wüi alüile chatüi. Sodom nok lailaile hwome ngaithole ochax lyenle. Hwom a maxdaoa, ilaxle ija hwome hwom hato alüile apüilaxpu.

WANWÜNKAX 10:17

Hwom to achangle fapongma apakya khünakbu ozün ma ngoüi, ikoxle hwom thaikya to thaidaokox-ale chithüi tsuakkya khünak thama ma tüile.

WANWÜNKAX 19:20

Nange zünkax-saikax to apale jangchang tamchu tsingle kopsele mongtsukya jangtüi, nyixnyixta nang jetüi-hwonlangkya khünak tuita ang achangpu.