WANWÜNKAX 15:31 - OTSAO BAIBEL (BSI)

³¹ Nang to achangle fa pongma nange apale jangchang, nang a jetüi-hwonlangkya mix changpu.

WANWÜNKAX 15:31 ပူးပေါင်းရင်းမြစ်များ

WANWÜNKAX 15:5

Nuzün-pazün te angkya nang zongto ongat changle; hwome achangle fakya kax ma laxkya a jetüi-hwonlangkya changpu.

WANWÜNKAX 25:12

Apasele tsukya khünak hama apongle hüidaokya khünak tuitae khünzai angkya kax koxkya a müikya hun füi zingkya khoptüt hia likwünbu füi ngaxchu sümüi.

WANWÜNKAX 19:20

Nange zünkax-saikax to apale jangchang tamchu tsingle kopsele mongtsukya jangtüi, nyixnyixta nang jetüi-hwonlangkya khünak tuita ang achangpu.

WANWÜNKAX 13:20

Jetüi-hwonlangkya khünakbu füi zuikhui zinglax jangchangba nang jetüi-hwonlangkya mix ang achangüi. Nange ongat khünakbu füi zuikhui jangzing thüiningle nange thama ataküi.

WANWÜNKAX 1:23

Kue hünzom to sale changpongma apakoplax; kue hünzom ang müikya olom adangle fafang ilaxle ku je-hwon hünzom füi tom-hanle changfang.

1 JUHAN 2:19

Otsing tomta ma khünak ibu kem notom ma münwom, tamchu ikhoma hwome kem danle toxpu; hwomchu kem notom ma tüipuix thüikoxba hwom kem füi tomle ngose. Ikoxle hwomkha angkya owachu kem notom ma womle müntüile ngaitho le naxtsing lax ang hwome kem danle toxpu.

ISAIA 55:3

“Athax apalax, ku khünaknu, ilaxle ku hato nguilax; ku hato nguilax, jangchangba nang ang khüzün tüiüi! Kue nang füi otsün lo angkya tsaotsütle changüi ilaxle kue Dawid ang koxüile tsaokya mohiman nang ang koxüi.

WANWÜNKAX 15:30

Nyit-tunzae nang ang mong amüile, ilaxle müikya kaxhoe mongthang amüile.

WANWÜNKAX 15:32

Nange tsing-wanle münlaxpule angamle jangchang, nange nang to alüile mak-kha ngopu. Achangle fakya nange pongle jangkop, nang a jepa tuita ang achangpu.

WANWÜNKAX 18:15

Jetüi-hwonlangkya khünakbu a jento awanle kopsele tsukya hia achwonkya mong füi ngole.

HWON-NWOT-JAONO 7:5

Ongatbue nang achuakle tsai ngaokya füi je füikya khünake sa-male changkya wüi amüikya.

WANWÜNKAX 13:18

Owae awanle chilax laxpuix, chix a zasa tamchu chingchajaja chitüikya mix changpu. Achangle fakya to owae apalaxpuix, ija mix chathua zakya tüiüi.