25 Jowanpa e künngam-mongngam füikya khünak homkha tupang pünüi, ikoxlechu zomnu tuita tuina kho chixe awale kopüi.
Kem haxtok ma ngokya püntüibu kho chixe awale; chixe zomnu hia khaxsabu to asunle, ikoxlechu chichangchizangle tüikyabu a hwom müt lom to paole.
Bangkya longzi-manghua otuechu taxachex chichangba zasa-khaxsa changdaobale hwom haxtok pale taxlax.
Ochax mwot mokle ngokya khünak hom-hax pünle ama füima chuwüi müikya khünak hom-hax a ajong lüwüi ngoüi.
Chichangchizangkya khünakbue hwom thomle düt angkya atakle ilaxle osix-oli chemchu müntox, ikoxle otsao khünakbu homkha a kuimüi-zangmüile wüi ngole.
Zang kem Hopae, changkya üntoxle otsao zanglom ang ekya a ija changle: Hwom sikngün pongma zomnu khaxsabu to humekya üntoxle chaxwannu onu-oma chemechu nun-maokya chitüi le malailai to ibu füi atsaile ngo tsuakkya, ibibi changle.
Ikoxlechu chix huanuma mongngamle changkya khoma, mongtsakle changkya khoma, tamchu mongtsik mongma huanuma tüikya khoma, chix a chix chongwang tüntong angkya athai ilaxle chix münchong-ngampai amüt.
Opang zaxzangle tüipuix, opang mongngamle tamchu tsaichong-kaxbongle changpuix, ibu pangwüi, ija nyix a Jowanpae adang daoüi.
Nang a thak to tüle tsuale tüiünbachu, nange puipa-naipa hwom to hume, ilaxle ongam füikyabu nang miksho angkya azwonle azang ang chitho.
Ilailaile hünzom tsünzün thomchu tüichong-mixmüi hwom fang ma ngohüi. Üntoxle hünzom pangwüie, apu-achangle tata thotha ang puinaikya züpak laxhüi; chemthüikoxle Otsao Lai-e akaxle, “Ngamkya mix to Zange abaxle; puinaikya mix ang chingcha koxle.”
Ikhoma Zang-e nang a othuithui hanpak ang olithule amaüi; chixe nang to künle kopüi ilaxle chixe nang homkha angkya nang ahuxle paoüi; chixe nang a ozün ma ngokya haxtok angkya apaoüi. Selah
“Hünzome tomzi füikya longzi-manghua achexle taxchang, chemthüikoxle Jowanpa hünzom Zang-e ija haxtok hünzom ang koxtanto wüi ija longzi ile tanle toxdaoa.
Ochax ma achongkya mix, nang ochax bama nang büthüikoxle tsaichong-kaxbongpu? Chialekya Zang mongong ma oshuk müntüipu.
Jowanpa a ochax tutex thua anule, ikoxle zuikop zangwün füi chix ang mongmüile.
Chixe zomnubu to chisumüile hwon; thanubu to chingcha chitüikya khoma ile chang ang tom.
Ikoxlechu nange ngünle; nange thama hia sikngün ngünle üntoxle jento fong ang achwonle tüile. Fongmix owachu chitüikya khünakbue hwom lualua to nang chak to danle; nange othuithuima mixshix-zasa to fongle hüipu.
ilaxle sukya mwot mok ang awanle koplax. Kaxfün sule facha: afangle thomkya to fongcha hex, zasa-khaxsabu ang süntswon facha hex, zomnubu kho awale kopcha hexle hukoplax.”
hwom a nutüna ilaxle zaoüna. Hwome mokkya ochax mwot ma chem othüt müntüi. Hwome zasa-khaxsabu ang süntswon münfa chichangba afangle thomkyabu hanpakma sukya tsaifün-kaxwün münfa.