WANWÜNKAX 15:11 - OTSAO BAIBEL (BSI)

¹¹ Ikhato chem tüipuix ija Jowanpa ang awan ang chitomle amalume ngaxchu pyenle thom ang müntho; jangchang thüiba keme kem tutex chix thoto chemle khomle thom ang thoüi?

WANWÜNKAX 15:11 ပူးပေါင်းရင်းမြစ်များ

MÜNCHUAK-TSAI 44:21

nange ija chithaile atakdaose, chemthüikoxle nange kwom huxsa mongjangbu awanle.

IBRI 4:13

Zang pomtho ma pyenle thomtho angkya chemchu müntüi; zingkya oli pangwüi chix miksho ma alaile hia ngaitho le tüile. Üntoxle kem pange wüi ma bama akiak-azyakkya chix ang kox angkya changpu.

MÜNCHUAK-TSAI 139:8

Ku dingkho to dongkoxchu, ikhato nang tüi! Kue Sheol to ku jipnui zikoxlechu, ikhatochu nang tüi!

JOB LAIPEX 26:6

Omang chaxwan a Zang zongto khotho-ngaiza tüile; Chix miksho angkya ija chemningkya kahak füichu müntuktho.

2 PUKAX-PANGAO 6:30

hwom zangjop to lankox. Nang ngwotnui zangkho-wangting tokhange hwom to apakox, hwom thaikya alakkox ilaxle hwom to asunkox. Khünak tutex-mongtsang nang tatae awanwüi. Pangnusa füi olom ma mokmole changhüi,

MIKNGÜN-OHÜN 2:23

She füito azuikyabuchu wüi kue langüi, ifüima tix ku a pangnusa küntex mongjang awankya mix changpu le müimüithombue awan ang kopüi. Owae chemle mokdaopuix ima thütle kue hünzom pangnu ang omün achatle faüi.

MIKNGÜN-OHÜN 1:18

Ozün ma tüikya a ku changle! Ku zidaokya ikoxlechu othuithui hanpak ang azangle tüile. Zik hia zikyabu chaxwan thakma apün-ada angkya zong ku ma tüile.

JEREMIA 17:10

Ku, Jowanpae kün-hi-mong lomle ilaxle khünaknu mong wanle anole. Hwom chemle ngopuix ija olom ma kue pangwüi füi asax-amokpu, hwome mokkya mwot füifüile a.”

WANWÜNKAX 27:20

Khünak küntex-mongsung a amalum ningle: othuithuima onui tüile wüi ngo angkya changle.

MÜNCHUAK-TSAI 7:9

Nang a otsao Zang changle üntoxle kwom tutex hia küntsu-monglua kaxfün fale. Chichangchizangkyabue mokkya ochax mwot zak ang tomkox üntoxle sukyabu ang hingho fakox.

1 SAMUEL 16:7

Ikoxle Jowanpae chix ang thüi: “Nange chix pum-tsa hia osün müikya to taxhu. Kue chix münlax, chemthüikoxle kue khünake hukya lailaile kotok to hukya münchang ikoxle kue kün-hi-mong khato hupu.”

JUHAN 21:17

Jisu-e chix ma othom azom lekya machu atüi: “Juna sasün Simon, nange ku to künpuix nyi?” Chixe Jisu to mongkün puix nyi le othom azom ma akaxkya khoma Pitar ang mongtsik dong. Ilaxle chixe Jisu ang thüi: “Jowanpa, kue nang to künle le nange bakle awan ngopu.” Jisu-e chix ang thüi: “Nange ku chunbu tuxkox.”

WANGSHEMBU MWOT 1:24

Ifüima hwome zangjop: “Jowanpa, nange pangnusa mongtex awan ngopu, idaile, Juda owae ma ngwotnui to paoüima oja mwottho danle toxlaxpuix,

MIKNGÜN-OHÜN 9:11

Othong chitüikya tswom nyekya kaxtaimix a hwom wanghom ang tüikya. Chix ang Ibri kax ma Abandon le üntoxle Grik kax ma Apolion (thüikoxle Ama angkya mix) le amün.

WANWÜNKAX 15:10

Nange chem thaipuix ija jangmok thüiningle, nang a huanuma sikngün ang tomüi; nang alüile achangle zingle chihüi thüiningle nang ziüi.

WANWÜNKAX 17:3

Hun hia khopbu a wün füi wanle anopu, ilaxle khünaksa kün-mong a Jowanpae wanpu.