WANWÜNKAX 14:6 - OTSAO BAIBEL (BSI)

⁶ Je-hwon wanjaile ngokya khünak tuitae otuechu ija münataktsuak, ikoxle je füi lomkya khünake ija ochwon ma atakle.

WANWÜNKAX 14:6 ပူးပေါင်းရင်းမြစ်များ

JAKOP 1:5

Ikoxle hünzom khama owawa je-hwon ma okho chinguikya mix jangtüi thüiba, chixe Zang ma ju ang laxkox; chemthüikoxle thaikya lomle chingo homle mongtsukya füi koxkya Zange ija chix ang faüi.

1 KORIN 8:2

Owawae chixe hidaole tsingwanpule jangtex thüiba, chixe chem tsingwanse hex ija chixe ojao matsing ma-awan.

WANWÜNKAX 8:9

Tuitex füikyabu zongto ibu pangwüi tsaothale; müile apuale fadaokyabu zongto ija a tangtho.

JEREMIA 8:9

Hünzom jepabu a zak-kop ang tompu; hwom ang kho asamdaoa ilaxle tsün ma amandaoa. Hwome ku kaxbu chilaxle awüt; ikoxle athax hwom ma chemningkya je-hwon tüile ngo?

ISAIA 8:20

Hünzome ibu kax to lanüi: “Hünzom hama Jowanpae chem anwot-ano puix ija to apalax! Jenu-shipabu zangwün to taxapa — hwom zangwüne hünzom sikngün füi atsaile thom ang münthopu.”

WANWÜNKAX 26:12

Je-hwon chitüi khato jetüi-hwonlangkya mix ningle thütkya khünak tuita füi a mongkho ojao chinguikya anga tuita wüi sümüi.

WANWÜNKAX 18:2

Ongat khünak tuitae, ija oli mae tik laxle ching-ngopuixle ajang ano angkya ojao müntüi; chix mongto thütkya a, chixe chem awanpuix ija aho angkya, ibibi wüi.

WANWÜNKAX 17:24

Jetüi-hwonlangkya khünake je füi mok angkya to hule, ikoxle ongat khünak tuitae malom-malom tokhange owang wangle.

MÜNCHUAK-TSAI 119:18

Nang wanlom ma tüikya ohünotün otsingtsingbu ngünle lax angkya hanpakma, nange ku ang ku mik daple fahüi.

WANWÜNKAX 1:5

Wanwün-kax ibue jepabu je-hwon to janbo lang tamchu laitsing-ngakman mix lomzunle chang ang tsuakle,

WANWÜNKAX 14:5

Mongong tüitsuakkya khünake mike ngünkya otsingtsing kax ngaile, ikoxle mongong angkya chitüikya khünak tuitae othai boma chemchu münngai.

WANWÜNKAX 14:7

Ongat khünakbu füi atsaile ngolax, hwome nang ang anole fa angkya chemchu müntüi.

WANWÜNKAX 24:7

Jekax-jengao a ongatbu zongto tsingle lax ang chithole tüile. Laxli zangwünle changpongma hwome lan angkya oli tuita müntüi.

WANWÜNKAX 8:8

Kue chem akaxpuix pangwüi changkyakya wüi; othai chichangba chichangkya lom to zunle paofang chemchu müntüi.

WANWÜNKAX 15:12

Kax ma chilaxle tüikya khünake chix to achangle fakya laxse müntsu; je-hwon tüikyabu ma hwome otuechu tsaitik-kaxshole münchang.

WANWÜNKAX 17:16

Lainwot-ngaknwot hanpakma ongat khünak tuita hanpakma ngun-syen bakkya ma olüi chemchu müntüi, chemthüikoxle chix ma laxli tutex chemchu müntüi.