WANWÜNKAX 14:32 - OTSAO BAIBEL (BSI)

³² Chichangchizangkya khünakbue ma thomle düt angkya a hwom ochax mwot khoma atakpu, ikoxle müikya khünakbu ziakople ngo ang kopkya a hwom to ngao angkya chitüile ngotsuakkya khoma changpu.

WANWÜNKAX 14:32 ပူးပေါင်းရင်းမြစ်များ

2 TIMOTHI 4:18

Üntoxle Jowanpa-e ku chisumüikya pangnu chak tokya azün ilaxle zangkangting wangting to chixe ku sünle kopüi. Fuazangkya a othuithuima chix kux wüi naxchang! Amen.

2 KORIN 5:8

Kwom a mongchyen füi ngopu ilaxle tsangtsa hom ang laxlaxle ngokya dantoxlaxle Jowanpa hom to tomle ngoünse texpu.

MÜNCHUAK-TSAI 23:4

Ku a süzukya zangnaknu akaile lekoxlechu, Jowanpa, ku a münza, chemthüikoxle nang a ku füi tüile. Chun-nyet kiathox hia pünthom füi nange ku kho-awale.

MIKNGÜN-OHÜN 14:13

Ifüima kue zangkangting tokya ija kaxzing atat: “Ija zale koplax: Athax makhange opang Jowanpa thothakya mwottho ma zilaxpuix, hwom mohiman!” “Ija changtomtale! Hwome azong le mokle ngokya mwot tokya nazak ang kopüi; chemthüikoxle hwom mwot hwom füito azui angkya changle.”

PONGWANG LAIPEX 49:18

“Jowanpa, ku a nang khosün hanpak tanle ngopu.

2 KORIN 1:9

Kwom ang mik amüt angkya tsaifün kaxfün tsuakdaongachu le kwom mongto texle hüi. Ikoxle ija a, kwome alüile ma to chichangle zidaokya azüntsuakkya to mongong naxtüi ang ile chang.

WANWÜNKAX 24:16

Thaikya chitüikya khünakbu obithom ma nguakpuix, ibithom ma hwom chatle zole; ikoxlechu chichang-chizangkya khünakbu thama chak to maxle.

MÜNCHUAK-TSAI 37:37

Müikya hia otsao khünakbu to hulax; somdangkya khünakbu ang sixlibu tüile,

JOB LAIPEX 13:15

Ku monghom pangwüi max füima Zang-e ku lang koxpi chemthüi? Kue ku zangwün chix hama wün angkya changale.

1 THESALONIKA 5:3

Otue khünakbue “Pangnu wüi khuakhomle müile tüile”, le thüiüihex, ipong khae allele thama apongle. Sheko tuita hato naongün wokkak allele chemle ngangle hüipuix, ija lailaile ijachu ngangle hüiüi, ilaxle khünakbu azang ang münkopüi.

FILIPI 1:23

Pangnyichi tokhange wüi ku to bele. Ataitox le müikya tsün ma ngo ang, ija tsün dantoxlaxle Khrista füi tomle ngoünse le wüi süchongle thütle;

FILIPI 1:21

Ozün ma ngokya le thüikoxle chem? Ku zongma ija a Khrista changle. Zikya le thüikoxle isisi sümüi.

ROM NOK HATO ZAKYA POL LAIZA 9:22

Zange mokkyachu ija lailaile changpu. Chixe chix mongtsik aho ilaxle ma tsakzong awan ang koxse thüt. Amüt ang achwonle thomkya chix mongtsik pebu füi adu angkya chix monglo.

JUHAN 8:24

Ikhoma kue hünzom ang thüipu, hünzom a ma ochax ma ziüi; chemthüikoxle hünzome ku to ‘Ku a Ku changpu’ le ma-ong tanto hünzom a ma ochax ma zi angkya changle.”

JUHAN 8:21

Anaolechu Jisu-e hwom ang thüi: “Ku a pao angkya changle; hünzome ku lomüi, ikoxlechu hünzom a ma ochax ma zile ngoüi; ku paokya khato hünzom ngui ang münthoüi.”

KAXHO MÜIKYA LUK 2:29

“Jowanpa, nang kaxtsao nange changle thomdaoa, athax nang kax ningle, nang da ku mongsom ma pao ang koxhüi;

WANWÜNKAX 6:15

Ija khokho ma, kaxho-ngaokhomkya chitüitoxle thamae hwom to thule hüiüi, ilaxle hwom a wün ang chimüile thomzün apongle changüi.

MÜNCHUAK-TSAI 58:9

Hwome ija awanüi thoto wüi, hwom a hingzang zütpupule zütle awütüi; za-adünkya chix mongtsik füi Zang-e hwom mütle awütüi hwom ozün ma tüipongma wüi a.

MÜNCHUAK-TSAI 17:15

Ikoxlechu kue nang ngün ang kopüi, chemthüikoxle kue thaikya mwot chimok; üntoxle chemtue ku zopuix, nang womle tüikya mongmüie ku awangle tüiüi.

MÜNCHUAK-TSAI 16:11

Khüzün lom to alyet angkya lomtang nange ku hama ahoüi; nang womle tüikya ma ku mongmüie awang üntoxle othuithuima ku ang mongmüi apüi.

JOB LAIPEX 18:18

Zangngai tokya zangnak fangto ngo ang, Ozün ma ngokya chaxwannu tokya hwom, zangngai tokya zangnak fangto ngo ang jwonle apaoüi.

MÜNCHUAK-TSAI 73:24

Nange adangle fakya füi ku lom azüi ilaxle oshukma nange ku achuakachenle pongle kop angkya changle.

WANWÜNKAX 14:33

Je-hwon a jetüi-hwonlang mix mongjang ma tyale tüile; ongatbue je-hwon bama chemchu müntik.

WANWÜNKAX 5:22

Chichangchizangkya khünakbu ochax a kam thakya tuita changle. Hwom a ma ochax sha ma alüile manle.

WANWÜNKAX 11:5

Küntsao-mongthakya khünak müikya khünak chabüt-lasünkya chitüile ngo ang tomle, ikoxle chichang-chizangkyae alüile ma max angkya atakle.