WANWÜNKAX 14:18 - OTSAO BAIBEL (BSI)

¹⁸ Chemchu chitikkya khünake ongatbu chem kopsehex ija kopüi, ikoxle tsingzaikya khünakbue hwon-hi-je hingho kopüi.

WANWÜNKAX 14:18 ပူးပေါင်းရင်းမြစ်များ

1 PITAR 1:18

Chemthüikoxle hünzome pupa tsün tokhange kople hüikya obato maxün angkya hünzom khüzün shak ang otha chem thompuix ija hünzome awanpu. Ija a ma ang thokya hun hia jangjong fang chichang;

1 PITAR 5:4

Üntoxle Akhokya Chunnyetpa nguikya zuma, otuechu bile chima angkya nyankya khohom hünzome ataküi.

2 TIMOTHI 4:8

Ilaxle athax a sukya tsün ngole hüikyabu ang kox angkya tholünkya hinghoe ku tanle ngole. Ija hingho a, Jowanpa, sukya kaxfünpae ku ang ija nyix faüi ilaxle ku tata angle münchang ikoxle chix ngai angkya tanle mongkün füi ngokyabu pangnu ang koxüi.

DANEL 12:3

Jetüi-hwonzaikya lompabu a zangdingkho zangngai ma nyanle ngoüi. Ilaxle khünaknu hama sukya mwot mokle ngo ang anwot-anole changdaokya khünakbu a lyettsibu ningle jento nyanle ngoüi.”

JEREMIA 44:17

Kwome moküihexle akaxkya pangwüi kwome moküi. Kwome Zangkangting Baozangchanu ang töbu koxüi, ilaxle she to kwome ju füi liüi; ija a kwome tamchu kwom pupa hwome, kwom wanghom hwom hia lompabue Judah tinglongbu ma tamchu Jerusalem tingjang lomnu to mokle hüikya ningle changüi. Ipongma kwom tüle ahak-aluale ngopu, ilaxle chem tingtui chitüile ngopu.

JEREMIA 16:19

Jowanpa, nang a ku kho-awakya tamchu ku ang tsak-zong koxkya Zang changpu; kue sikngün apongle changpongma nange ku to asun. Haxtua-zangnam tokhange jat-li pangwüi nang hato nguiüi ilaxle thüiüi: “Kwom pupa hwom ang othai baozang, laxli chitüikya chapabu boma chemchu müntüidaoa.

WANWÜNKAX 3:35

Jetüi-hwonlangkya khünakbue achuak-achenkya kopüi, ikoxle ongatbue hwom künmax-mongshankya to janbo langüi.

WANWÜNKAX 14:17

Mongtsik-künwün khünake ongat mwot mokle; jetüi-hwonlangkya mix dangjale ngole.

WANWÜNKAX 14:19

Ochax khünakbue otsao khünakbu tong to puile hwom chingcha lomüi.