WANWÜNKAX 14:14 - OTSAO BAIBEL (BSI)

¹⁴ Khünak chimüikyabue hwome chem kopse hex ija kopüi. Müikya khünakbu ang hwom mwot müikya khoma müikya hingho tüiüi.

WANWÜNKAX 14:14 ပူးပေါင်းရင်းမြစ်များ

GALATIA 6:8

Chixe müi-hi-aji tsuluakya haxtok ma ali akanle jangchangba, ikha angkya chixe mikmüt puamün afoxüi; ikoxle chixe chasa haxtok ma ali akanle jangchang thüiba, chasa angkya chixe oshuk chitüikya tsün khüzün zütle afox ang ataküi.

WANWÜNKAX 12:14

Nang hingho a nang zangwün hia nang mwot füifüi; nang chem kopsehex ija nange kopüi.

IBRI 3:12

Mongong ma üithohom, ozün ma ngokya Zang füi anongle pao tang hünzom khama owachu chichang-chizangkya kün-mong hia mongong chitüi homle chichang angkya bama likhün lax.

JEREMIA 8:5

Jangchangba, ku khünaknu, chemthüikoxle hünzom ku hato ojao tamchichatle tok ahole paopu? Hünzom a hünzom chapabu füi mongkün shingmongle chang ilaxle ku hato anongle münchatpule angam.

GALATIA 6:4

Pangnusasae wüi mae mokkya mwot chimüi hia müipuix ajangle huno angkya changle. Chixe müikya mwot mokdaokya jangchang thüiba, owawae mokdaokya füi tamchiapyen ngo homle, mae mokdaokya bama chix zongdong ang tsuak.

JUHAN 4:14

Ikoxle opange kue fakya ti linglaxüi hex, ibu ang ti tamchatle münlanüi; ikoxle kue chix ang fakya ti a, chix ma otuechu chizople fuakle lai ngokya timik ang achangüi.”

JEREMIA 2:19

Hünzom ochaxe hünzom towüi sikngün fa angkya changpu, ilaxle hünzome ku hato tok ahokyae hünzome wüi thajao kop angkya changpu. Jowanpa hünzom Zang ku awütle toxkya chemtukux khaxkya hex tamchu thaikya hex ija hünzome awanle laxüi, ilaxle hünzom mongong tüikya füi ku ma ngo ang chikople changüi. Ku, Jowanpa Khüthak Zang-e ija akaxdaoa.”

ZEFANIA 1:6

Opange ku hato tok ahopuix ilaxle ku füito azuile chichangpuix, opang ku hato chihüipuix tamchu ku ang lom azuihüi le chithüipuix, ibu pangwüi kue amaüi.”

JEREMIA 17:5

Jowanpae thüi: “Ku hato tok ahokyabu zile maxün angkya khünak to hwome mongong thomle changkyabu pangwüi kue ahaile changüi.

WANWÜNKAX 14:10

Nang mongmüi a nangkux jao; nang mongkak a nangkux jao. Ibu owaechu nang füi tom-hanle lax ang müntho.

2 KORIN 1:12

Kwom mongngam a: Ija chaxwannu ma kwom tsün, tamnüilechu hünzom füi asyen-abuikya bama, khünak hwon-je makhange chichangle Zang chingcha tsakzong makkange, Zange fakya ngaitho hia zaxhune azuilaxle saxmokle hüidaoa le kwom khangka ma tsaotha le awandaoa.

HOSIA 4:16

Israel khünakbu a mansabu lailaile mongwüi batuk le. Wundom to chun tuxkya ningle kue hwom chemle tuxthoüi?

EZEKEL 22:31

Ikhoma kue ku mongtsik hwom khangkho to awütüi, ilaxle wün lailaile kue hwom, hwome chem mwot tsuakle hüidaopuix, ikhatokya hwom amütüi.” Jowanpa Khüthak Zang-e ija akaxdaoa.

MÜNCHUAK-TSAI 109:17

Chixe thuak-zomkya to mongkünle: chix wüi othuak-ozom ang naxchang! Chixe mohiman koxkya thua anule: chix ang owaechu mohiman chikoxle naxchang!

WANWÜNKAX 9:12

Jetüi-hwonlangle jangchang thüiningle olüi kop angkya mix ang nang changüi, ikoxle ija chilaxle jangchang thüiningle sikngün apongkya mix ang nang changüi.

WANWÜNKAX 12:21

Otsao khünakbue chem oma münapong, ikoxle chichang-chizangkya hanpakma tingtui boma chemchu müntüi.

WANWÜNKAX 14:15

Ongat khünake chemningkya tochu ongüi; khünzaikya khünakbue hwom chikap to hungale ahamüi.

WANWÜNKAX 18:20

Nange zang chemle wünpuix ibu füitix nang ozün ma ngo angkya changle.