WANWÜNKAX 14:11 - OTSAO BAIBEL (BSI)

¹¹ Ochax mwot mokle ngokya khünak hom-hax pünle ama füima chuwüi müikya khünak hom-hax a ajong lüwüi ngoüi.

WANWÜNKAX 14:11 ပူးပေါင်းရင်းမြစ်များ

WANWÜNKAX 3:33

Chichangchizangle tüikyabu homkha to Jowanpae thuakzomkya koxle, ikoxle otsao khünakbu homkha to mohiman koxle.

WANWÜNKAX 12:7

Chichangchizangkya khünakbue hwom thomle düt angkya atakle ilaxle osix-oli chemchu müntox, ikoxle otsao khünakbu homkha a kuimüi-zangmüile wüi ngole.

ZEKARIA 5:4

Jowanpa Khüthak Zang-e thüile, chixe chix othuak-ozom apaoüi, ilaxle ija a ahuxmixbu hia tsaosax lejao atsele zangwünkya pangwüi hom to nopüi. Ija a hwom hombu ma ngoüi ilaxle hwom hombu pünpakle dantoxüi.”

WANWÜNKAX 21:12

Zang, owa otsao hex, chixe chichang-chizangkya homkha to chempang changpuix ija awanle, ilaxle chichang-chizangkya khünak chixe thomle düt ang tomüi.

JOB LAIPEX 21:28

Hünzome atüile: “Khünak owae ochax mwot mokle ngo? Ija alixachong hom-pungbu athax omaün?”

WANWÜNKAX 21:20

Jetüi-hwonlangkya khünakbu a tüinangle tamchu mongtex ma ngo ang kople, ikoxle ongat khünakbue ongun-osyen chemtukux chwonpaile koppuix itukuxle lebama baktsuakle.

WANWÜNKAX 11:28

Ma tuina to mongong laxle ngokyabu a tso-hi-wa zit ma pünchak dütle paokya ningle changüi, ikoxle otsao khünakbu a zangtso pünchak mua müikya ningle changüi.

JOB LAIPEX 8:15

Ija makzi ma hwom ate-koxle, hwom koptho ang chami? Zu ang laxle ija ma atwotkoxle, ijae hwom ajongtho ang chami?”

MÜNCHUAK-TSAI 128:3

Nang kakonu a homkha ma tuita owan müile ziakkya grep zu ningle changüi, ilaxle nang naosombu a nang tsap chitong akhople owan müikya olip pünsabu ningle changüi.

JOB LAIPEX 18:21

Ija a, Zang zongto chem angchu chichangle tüikyabu, ochax khünakbue apongkya shoma changle.

JOB LAIPEX 15:34

Zang chitüikya khünak ang otuechu osix-oli müntüiüi; Mix dyen-nganlaxle zaile alaikya hom wün to shunüi.

JOB LAIPEX 8:6

Otsingtomta ma sule hia tsaole jangchang, Zang nguilaxle nang to fongle naxchang, Nang hingho ang nang homkha pangwüi achat naxkox.

WANWÜNKAX 15:25

Jowanpa e künngam-mongngam füikya khünak homkha tupang pünüi, ikoxlechu zomnu tuita tuina kho chixe awale kopüi.

JOB LAIPEX 8:22

Ikoxlechu hünzom thua anukyabu hato chixe mongma apüikoxüi, chichangchizangkyabu hom a max ang tomüi.

MÜNCHUAK-TSAI 37:10

Chichangchizangkyabu a lebama wüi samünüi; nange hwom lomkoxlax, ikoxlechu hwom a münatak;