WANWÜNKAX 13:6 - OTSAO BAIBEL (BSI)

⁶ Otsaoe chem oma chitikkyabu kho awale; chichangchizangle tüikya a ochax khünakbu hanpakma hwom athomle adüt angkya olom changpu.

WANWÜNKAX 13:6 ပူးပေါင်းရင်းမြစ်များ

WANWÜNKAX 11:3

Nang müikya mix jangchang, nang lom a mongtsaokyae zunpu. Mongong angkya chitüikya khünakbu a hwom mong chitsaokyae amütpu.

WANWÜNKAX 21:12

Zang, owa otsao hex, chixe chichang-chizangkya homkha to chempang changpuix ija awanle, ilaxle chichang-chizangkya khünak chixe thomle düt ang tomüi.

MÜNCHUAK-TSAI 140:11

Changnong pünthomle tüikyabu mwot otuechu oza laile chang ang taxtom; chakmok-janlangle tüikyabu hwom ochaxe zaze-zazele hwom-ha alople naxchang!

MÜNCHUAK-TSAI 26:1

Jowanpa, ija bama kue chemchu müntik koxa, le ngaifa, chemthüikoxle kue chem supuix ija mokwüi ilaxle komkaile mongong thompu.

MÜNCHUAK-TSAI 25:21

Nang a müikya tamchu sukya, nange ku khosünle thom hüi, chemthüikoxle kue nang to mongongpu.

MÜNCHUAK-TSAI 15:2

Opange pangnu lom ma Zang kax ma laxle tüipuix üntoxle othuithuima changkya mwot mokle tüipuix, opang zangwün sule tamchu mongkoxle tüipuix,

WANWÜNKAX 5:22

Chichangchizangkya khünakbu ochax a kam thakya tuita changle. Hwom a ma ochax sha ma alüile manle.

2 PUKAX-PANGAO 28:23

Chix to lütle changkya Siria nok baozangbu ang chixe töbu koxle chang. Chixe thüi: “Siria nok baozangbue Siria nok wanghompa to asunle, iningle kue chu töbu koxle jangchang, hwome ku tochu asunle changüi.” Ijae chix tamchu chix wangting hato thama apüi.

MÜNCHUAK-TSAI 119:1

Thaikya chitüile Jowanpa wanlom fang ma ngotsuak puix, ibu khüzün a mohiman changpu.

WANWÜNKAX 10:29

Chithaikya khünakbu to Jowanpae ziakop thomle, ikoxle thaile mokkyabu amütle.

WANWÜNKAX 11:20

Jowanpae tutex chichangchizangle tüikyabu thua anule, ikoxle sukya mwot mokkyabu to mongkünle.

1 WANGHOMBU 1:52

Solomon lan: “Chix ma thaikya ojao chitüi thüiningle chix khang angkya khopa tuita to müntwon; ikoxle chix ile chitüi, jangthüiba chix a lang angkya jao changpu.”

1 WANGHOMBU 13:34

Ija ochaxe chix hato tamchu chix wangting hato olithule otam amüt angkya thama ahüi.