WANWÜNKAX 13:4 - OTSAO BAIBEL (BSI)

⁴ Zaxkak mixe tütali laxsele chemtukux chu sungle naxtüi, chixe ija chemtuechu münkop. Azongle mokkya khünake chixe alomlom pangwüi atak tsuaküi.

WANWÜNKAX 13:4 ပူးပေါင်းရင်းမြစ်များ

WANWÜNKAX 12:24

Azongle mwot mokkyae nang ang tsak-zong koxüi; zaxkak-mongdomkyae nang da ang achangüi.

WANWÜNKAX 12:11

Azongle mwot mokkya manzai mix ang süt okhonguile tüiüi, ikoxle chemchu chichang angkya to hanpak alyetle changkya a ongat changpu.

WANWÜNKAX 10:4

Zaxkake nang chitüi-chinang khünak ang achangüi, ikoxle azongle mwot mokkyae nang saxpu-luawang ang achangüi.

WANWÜNKAX 11:25

Chaktom dale tüikox, jangchangba nang ahak-aluale tüiüi. Mix to fongkox, ikoxtix nang tochu fongüi.

WANWÜNKAX 28:25

Nüfuxe tingtui adünüi wüi. Jowanpa to mongong thomkya wüi nang zongto amüikya.

IBRI 6:11

Hünzom pangnusasae wüi ma küntsu monglua oshuk alople thom angkya kwom mongtex, ikoxle tix hünzome monghom ngokya oli changle naxhüi fa ang,

JUHAN 6:27

Male paoün angkya süt hanpakma mwot taxmok, ikoxle oshuk chitüikya tsün füi tomwüi ngo angkya süt hanpakma moklax. Ija süt a Khünak Hosae tix hünzom ang koxüi; chemthüikoxle Hopa Zange chix ma münwan shin tople fadaoa.”

WANWÜNKAX 8:34

Opange ku kax ma laxpuix: opang nyixfokya to ku hom zünkai ma ku hom fülom nyele ngopuix, hwom mongmüile ngoüi.

ISAIA 58:11

Ilaxle kue hünzom jento azuiüi ilaxle müikya oli pangwüi füi hünzom ang mongzom müi ang tomüi. Kue hünzom a tsak-zongle tamchu müimüi-zangngaile ngo ang tomüi. Hünzom a ti okhonguile tüikya tsawatkha lailaile changüi, tamchu zople chipaokya shuasa jajen ningle changüi.

WANWÜNKAX 26:13

Zaxkak mix homkha angkya otuechu chilaile büthüikoxle changpuix? Hwom ang mailangbu thua za angkya chemtüikya?

MÜNCHUAK-TSAI 92:14

ojae ipong azukoxle ngaxchu oziak otia ma wüi ziakle ngopuix ilaxle oja othuithuima hingshe le tamchu otsing mongle tüipuix.

HUAKE LAIPEX 23:10

Israel nok sixli hwom a haxbu lailaile: Hwom a akiak ang jao chithole tüile. Kue ku hanpak Zang khünakbu lailaile ahom ang tomhüi; Otsao khünak tuita ningle ku mongsom ma zi ang tomhüi.”

WANWÜNKAX 6:6

Zaxkak mixbue tsükhi-tsiksabu ngokya zanglom makhange mwotlom awanle kop angkya oli.

WANWÜNKAX 12:27

Nang aole jangchang thüiba, nange chem lompuix, ija nange otuechu kop ang müntho, ikoxle nange azongle mokle jangchang, nange shomüi apongüi.

WANWÜNKAX 13:3

Nange chem zangwünpuix ija bama khünzailax ilaxle nang khüzün awale koplax. Füitui texkya chitüile zangwünkya khünake ma max angkya atakle.

WANWÜNKAX 13:5

Chithaikya khünake atsekya thua anule, ikoxle chichang-chizangkya khünakbu zangwün a zakkop ashukle tamchu chingcha jao chitüile changle.

WANWÜNKAX 20:4

Manzai tue thomo-manzaise chitsukya manzai mixe puamün tuk ma züt angkya chemchu müntüiüi.

WANWÜNKAX 21:5

Olom ziakople müile zinglax jangchangba nang a huanuma tüinangle changüi; ikoxle nange lebama wüi chakjule jangchang thüiningle nang ang otuechu okhonguile müntüitoxüi.

WANWÜNKAX 21:25

Mwt münmokpule angamkya zaxkak mixe ma alüile lang ngopu;

PONGWANG LAIPEX 26:32

Ija nyixkha wüio le Isak dabue hwome tüküi thole alaikya apua. Hwome thüi: “Kwome ti atakdaoa.”

JIHUSUA 7:3

hwom Jihusua hato kaxwün wangle thüi: “Ai tingnu tingtak ang pangwüi chika koxchu müiüi. Hajat anyi hia azom tokhange akatlax. Ikhato azan ang süpahi bakle taxkatngozi; ija a aluile chongkya tingnu münchang.”

WANWÜNKAX 24:30

Zaxkak mix angapa hwom haxtok, saxthwomkya hia grep alaikya zangdom akaile ku lenodaoa.

WANWÜNKAX 24:31

Ibu a kongbüi-zu hia hingzange alum laxle tüile. Ibu akhople zaile tüikya long katuk komkaile nguakdaoa.

TSAITAX-NGAONÜI 5:3

Kue nyi-za komle sikdaoa; kue nyi-za chatle omalax ang laxngo angkya? Kue ku cha sodaoa; kue ibu omalax ang anaküi?