WANWÜNKAX 13:13 - OTSAO BAIBEL (BSI)

¹³ Nange müikya zünkax-saikax to chiapa, nange sikngün angkya lompu; ija kax ma laxle tüilax jangchangba nang kho azangpu.

WANWÜNKAX 13:13 ပူးပေါင်းရင်းမြစ်များ

HUAKE LAIPEX 15:31

chemthüikoxle chixe Jowanpa kax ma chilaxle tüi tamchu chaktung ma wanlom tuita lyenle ama. Chix mik maxkya bama owamachu tsaitox-kaxfe angkya müntüi.

2 JUHAN 1:8

Nange chem hanpakma mokle ngopuix, ija chiamütle hingho okhonguile kop angkya hanpakma mik-hingle ngolax.

2 PUKAX-PANGAO 36:16

Oshuk-shuk ma chix khünaknu füi tsikkya Jowanpa mongtsik thoto hwom azangle pao ang chithole machang tanto hwome Zang kaxhomixbu chanyi wanjai, chix kax ajao ilaxle ajebu adale chang.

MÜNCHUAK-TSAI 119:165

Nang wanlom to mongkünkyabu ma okhonguile kuimüi-zangmakya tüile, ilaxle hwom adüt angkya chemchu müntüi.

EZEKEL 20:13

Ikoxle sak-hax to ngaxchu hwome ngaithole ku kax ma chilaxle angam. Hwome ku wanlombu pünle awüt ilaxle ku kaxtombu kax ma chilaxle tüi; ibu tole jangchang thüikoxle hwom pangwüi ang khüzün tüisepa. Sak-hax ikhato wüi kue hwom ang ku mongtsik janzüi komkaile apong ang tom angkya tamchu olithule hwom amüt angkya ku achwonle tüikya.

MÜNCHUAK-TSAI 19:11

Ibue, ku, nang dapa ang tsing-wankya koxle; Ibu kax ma laxle tüikya khoma ku to mohimanle.

EZEKEL 20:16

Hwome ku kaxtombu chilaxle awüt, ku wanlombu amale awüt, ilaxle Sabath nyix tsaolyenle chang ilaxle hwome hwom chapabu to shwomkya wüi amüikya ang lax, ikhokho ma kue tsaotsüt angkya laipu.

EZEKEL 20:24

Hwome ku kaxtombu chilaxle awüt, ku wanlombu pünle ama, Sabath nyix tsaolyenle chang, ilaxle hopu-hopa hwome thothale hüikya chapabu to hwome shwom, ile changkya khoma kue ija ile mok.

ISAIA 66:2

Zangfang a ku jaoe zingle alaikya changpu! Puinaikya füi tamchu künlop-monglüi laxle, opange ku thuaza tamchu kax ma laxle tüilaxpuix, ibu füi ku ang mongzom müikya tüile.

WANWÜNKAX 13:21

Pangnu lom towüi tingtuie ochax khünakbu mantole, ikoxle otsao khünakbue hingho müikya oli kopüi.

WANWÜNKAX 1:25

Kue adangle fakya pangwüi hünzome ahai ilaxle kue hünzom achangle fa ang chitom.

MÜNCHUAK-TSAI 115:13

Chix achuak-achenle tüikya pangnusa to chixe mohimanüi, chongkya hixkya pangnusa to tomwüi.

KAXHO MÜIKYA LUK 16:31

Üntoxle Abrahame chix ang thüi: ‘Hwome Mosa hia ajebu kax ma chilaxba, zidaokya mix chatle nguikoxlechu hwome münongüi.’”

MALAKI 3:16

Ifüima Jowanpa thua zale ngokya khünakbue tata füi zangwün, ilaxle Jowanpae hwom zangwün to apa üntoxle ija atatle lax. Chix mikngün ma, zale thomkya laipex tuita ma, Jowanpa chathua zale tüikya hia chix to achuak-achenle tüikyabu zale kop.

MATHI 5:12

Mongmüilax; chemthüikoxle zangkangting to hünzom ang hingho tüihule. Hünzom thotokya ajebu tochu hwome ile wüi zothuppu.

JEREMIA 43:2

Ifüima Hoshaiah sasün Azariah hia Kareah sasün Johanan ilaxle kax ma chilaxle tüikya khünaknue ku hama akax: “Nang a atse ngole. Kwom Ijip nok to kale chingo angkya hanpakma kwom füi akax ang Jowanpae ahüikya münchang.

IZRA 10:3

Athax kwome Zang tunthoma ibu shekobu hia naosom apao angkya shingmongle tsaotsüt angkya changle. Nang üntoxle Zang kaxtom kax ma laxle tüikyabue kwom ang adangle fakya kwome moküi. Zang Wanlom ma chemle tüipuix ile kwome moküi.

LAIPAO 9:20

Jowanpae chempangle akax daolaxpuix ibu hanpakma wangshembu züizüi za ilaxle hwome hwom dabu hia müibu lox-o fangto adün.

WANWÜNKAX 13:12

Chemtue monghom thule akhünpuix, mong thule akhünpu, ikoxle ile changle hüi angkya mongtexe nang ang mong amüile.

WANWÜNKAX 19:16

Zang wanlombu otya ma thomlax ikoxtix nang tsünlole ngoüi; nange ibu tha-ajaole jangchang, nang ziüi.

MÜNCHUAK-TSAI 19:12

Kem owaechu ma thaikyabu mae alüile ngün ang müntho; Jowanpa, thaikya khomle thomkyabu chak tokya ku azünhüi!

WANWÜNKAX 16:20

Nang hama chem anwot-anole fapuix ija to mongkoxlax, jangchangba nange tho-lünle changüi; Jowanpa to mongongkya tüilax, jangchangba nang mongmüile ngoüi.