WANWÜNKAX 13:12 - OTSAO BAIBEL (BSI)

¹² Chemtue monghom thule akhünpuix, mong thule akhünpu, ikoxle ile changle hüi angkya mongtexe nang ang mong amüile.

WANWÜNKAX 13:12 ပူးပေါင်းရင်းမြစ်များ

JUHAN 16:22

Ija lailaile athax a hünzom hanpakma mongma tüile; ikoxlechu kue hünzom chatle ngün ang kopüi, ija pongma hünzom ang mongmüi hüiüi, ija mongmüi a hünzom angkya owaechu pale pao ang chithoüi.

WANWÜNKAX 13:19

Nange laxsele lomkya ataktsuakkya chemtukux müipuix! Ongat khünakbue ochax tokya münchatpule angamle.

WANWÜNKAX 3:18

Jetüi-hwonlangkya mix ang achangkya a mongmüi mix changpu; je-hwone hwom ang khüzün faüi.

MÜNCHUAK-TSAI 17:15

Ikoxlechu kue nang ngün ang kopüi, chemthüikoxle kue thaikya mwot chimok; üntoxle chemtue ku zopuix, nang womle tüikya mongmüie ku awangle tüiüi.

WANWÜNKAX 11:30

Otsaoe khüzün fale, changnong-pünthomle tüikyae ija paole.

MÜNCHUAK-TSAI 69:3

Fong angkya nyakle akhongkyakyae ku zongshole maxündai, Ilaxle ku dingdua a zanle maxngole. Nang nguilaxle ku khosünle kop angkya hanpakma kue nang tanle hungopu.

MÜNCHUAK-TSAI 143:7

Jowanpa, athax ku to lanhüi! Kue ku monghom pangwüi asamdaoa. Nang ku thoto khünle taxngo, chichangba ku a amalum to ledaokyabu khato ngo angkya changüi.

PONGWANG LAIPEX 46:30

Jakop-e Jusep ang thüi: “Kue nang ngün ang kopdaoa tamchu nang haxmüi-zangmale ozün ma tüikya ngünle laxdaoa; athaxpi ku zikoxchu mong münhi.”

TSAITAX-NGAONÜI 5:8

Jerusalem angkya shekobu, tsaotsüt-hu, hünzome ku mowünpa jangngünba, hünzome chix hama, chix sung chix zaokyae ku ashole maxngokya chix hama wünüihex-ole.

MIKNGÜN-OHÜN 22:2

khüzün ti shuajen kaxtaimixe ku hama aho. Shuajen atale pangnyi chikao ma khüzün pün tüikya. Ija pün lyetjang to tampong, zanglao to othom bün anyi pongma ziak; ilaxle ija pünchakbu a chaxwannu kak amüi angkya hanpak ang twon.

MIKNGÜN-OHÜN 2:7

“Na azaizaie müimüithombu füi chasae wünkya zangwün to apalax! “Zang tsawat khama nyemle tüikya khüzün pün angkya oziak, opange tholün daolaxpuix, kue hwom ang sax ang tomüi.

WANWÜNKAX 13:11

Nange tuina chemtukuxle chwonpai ma kople laxpuix, itukuxle chwonle nange ija amütdaoüi. Nange chemtukuxle thang laxle ija atakle laxpuix, itukuxle nang ang tuina sülui le tüiüi.

WANWÜNKAX 13:13

Nange müikya zünkax-saikax to chiapa, nange sikngün angkya lompu; ija kax ma laxle tüilax jangchangba nang kho azangpu.

NEHEMIA 2:2

ikhoma chixe atüi: “Nang büthüikoxle mongma ngokya ningle ngünpu? Nang kaklakbu lün ang chichang, ija a lita mongma wüi changpu.” Ku ang mongzangwünkya huanu changkya