WANWÜNKAX 12:8 - OTSAO BAIBEL (BSI)

⁸ Nang jetüi-hwonlang mix tuita jangchang thüiba, nang achuak-achenle changüi; nang a tuita ongat jangchang, khünaknue nang to asongle huüi.

WANWÜNKAX 12:8 ပူးပေါင်းရင်းမြစ်များ

2 KORIN 10:18

Chemthüikoxle khünak tuita ang müile le thüi angkya a, chixe alüile ma müile le thütkya khoma münchang, ikoxle Jowanpa-e müile le thüikya matix changüi.

1 KORIN 4:5

Idaile asukhakle otu nguile mahüi tanto hünzome owa angchu kaxfün taxfa. Jowanpa mangui tanto oshuk kaxfün bama tanngo angkya changle. Chixe zangnak khato pyenle thomkya jali zangngai to alaiüi ilaxle khünak mong angkya huxsa mongjang otok to angaiüi. Üntoxle mae kopsese münchong Zang tokhange pangnusae wüi kopüi.

WANGSHEMBU MWOT 12:23

Ifüi tomle kaxtaimixe Herod to hongle anguak, chemthüikoxle chixe Zang chathua zakya chitüi. Chix a chonge sax ilaxle zi.

KAXHO MÜIKYA LUK 16:8

Üntoxle hopunue iningkya huxtsing-loptsang mwot khoma chix da mün achuak; chemthüikoxle zangngai tokya khünakbu füi zangnak tokya khünakbue wüi matsyem madang tu ma huxtsing-loptsang mwot makhange tata to kho-jo ang onüi awanle.”

DANEL 12:2

Opangsa ami wüi zile paodaopuix ibu chuwüi azangle ngoüi; züizüie oshuk chitüikya khüzün koplaxle mongmüi atungle ngoüi, ilaxle mamabu a oshuk chitüikya sikngün ma zolitle ngoüi.

WANWÜNKAX 5:23

Hwom ma alüile akumathumkya chitüikya khoma hwom mik max angkya laile. Onua tuita chitoxle hwom ongat ang changkyae hwom zuk-kha chito zunle pao angkya changle.

WANWÜNKAX 3:35

Jetüi-hwonlangkya khünakbue achuak-achenkya kopüi, ikoxle ongatbue hwom künmax-mongshankya to janbo langüi.

WANWÜNKAX 1:26

Ikhoma chemtue hünzom füi tingtui apongle changüihex, kue hünzom chanyile changüi. Thamae hünzom khang to hongle changpongma kue hünzom wanjaiüi:

MÜNCHUAK-TSAI 132:18

Chix zanpabu to kue zak-kop-thajao füi awunle koxüi, ikoxlechu chix wangting a ahak-aluale tamchu zaxzangle changüi.”

PONGWANG LAIPEX 41:39

Wanghompa-e Jusep ang thüi: “Zang-e nang hama ibibile ahole fa füima chatle nang lailaikya jetüi-hwonlangkya mix owa tamtüiüi.

1 SAMUEL 25:17

Ija bama tamchatle ajangle anohu ilaxle chemle mokkoxle müi angkya oli hex thütle anohu. Ija a kem hopupa hia chix kako-homkha hwom hanpakma tuita thama ang chuwüi chang koxlax. Chix a müimamale müima-mixma jao changpu ilaxle owa zangwün tochu chiapakya jat!”

1 SAMUEL 18:30

Filistia nok süpahibu nguilaxle azanüi ikoxlechu azankya foto Sol süpahibu füi Dawid-e wüi tüle tho. Ikhoma Dawid mün a sisile zangle pao.

1 SAMUEL 16:18

Chix to hume ang ngokya khama mixsün tuitae thüi: “Bethlehem to Jesse sasün tüle tsaiman mix tuita tüipu. Chix a tuita mongchen füikya mixchu changpu, chix-sün chix-jo tüle müile. Chix a tuita müikya süpahi tamchu tsai manmix changle. Jowanpa chu chix füi tüile.”

1 SAMUEL 13:13

Samuel-e lan: “Ile mokkya ija a ongat mwot. Nange Jowanpa nang Zang-e koxkya kaxtom kax ma münlax. Nange chix kax ma laxkoxba, nange tamchu nangsix-nangli hwome Israel nok thakma jento apün-awangle ngose.

HWON-NWOT-JAONO 8:1

Tütalichu, ija chem hexle jepae tix tikle laxpu. Je-hwone hwom nyi ang tomle ilaxle hwom thünza angkya mongma max ang tomle.

WANWÜNKAX 12:7

Chichangchizangkya khünakbue hwom thomle düt angkya atakle ilaxle osix-oli chemchu müntox, ikoxle otsao khünakbu homkha a kuimüi-zangmüile wüi ngole.

WANWÜNKAX 12:9

Owawa achongkya ang achang üntoxle woknuak ma ngokya füi tun hia chak apongkya chizakle ngokya zangjang khünak wüi sümüi.

WANWÜNKAX 29:27

Otsaobue chitsaokya thua anule, ija ningle chitsaokyabue chu otsao to anule.

ISAIA 19:14

Jowanpae othai lom apuale fa angkya hwom ang kho asamle kox. Ija khokho ma, Ijip noke pangwüi othaithai mok ilaxle jutok mix chix fat ding ma alüile jiple ngokya ningle mixshixle ngün ang tom.

1 SAMUEL 2:30

Ku, Jowanpa, Israel nok Zang-e ledaokya ma hünzom homkhae ngua mwot mokle ku thotha angkya hex-ole tsaokya changpu. Ikoxle athax kue thüipu, kue ija tsaotsüt münthom ngoüi! Itülüi, opange ku achuak-achenle changpuix, kue hwom achuaküi, ilaxle ku wünhaile changkyabu to kue e-ma chilaxle hupu.