WANWÜNKAX 12:25 - OTSAO BAIBEL (BSI)

²⁵ Abüt-abankyae nang angkya mongmüi pale paoüi, ikoxle chingcha zangwünkyae nang ang pwonla adünüi.

WANWÜNKAX 12:25 ပူးပေါင်းရင်းမြစ်များ

WANWÜNKAX 16:24

Chingcha zangwünbu a nax-ti ningle—le ma tijongle tamchu tsangtsa hanpakma amüikya.

WANWÜNKAX 15:13

Mongmüi pongma khünakbu nyile, ikoxle chemtue hwom mongmale changpuix, hwom ang mongthangle.

WANWÜNKAX 17:22

Mongmüile ngokyae nang tsangtsa fanmüile thomüi. Othuithuima mongsik-ngünlanle ngokya a zaze-zazele zi ang tomkya changpu.

ISAIA 50:4

Kue na-juale maxngokyabu zong adün ang chem akax angkya hex, Jowanpa Khüthak Zang-e ku hama apuadaoa, Chixe ku hama anwot-anole chang angkya apale kop angkya nopfokya to ku ang mongtsukya kox.

WANWÜNKAX 15:23

Otu ma asukhakkya tsaihuak-kaxhuak atakkya a chemtukuxkya mongmüi changpuix!

ZEKARIA 1:13

Mongsom kax füi Jowanpa kaxtaimix kax to lan.

WANWÜNKAX 12:18

Chiajang homle wünkya zangwüne changlo füi tsunkya tukuxle mak-kha ang tsuakle, ikoxle ajang laxle wünkya zangwüne kak amüi ang tsuakle.

WANWÜNKAX 27:9

Ongan müikya müngae pa pongma nang ang mongmüile, ikoxle tingtuie nang mongsom sam ang tomle.

MÜNCHUAK-TSAI 42:11

Ku ang büthüikoxle ipongpongle mongma? Büthüikoxle ku ang ipongpongle mongthangpu? Kue ku mongong Zang ma thomüi, üntoxle anaolechu kue chix achuaküi, ku khosünpa üntoxle ku Zang.

WANWÜNKAX 18:14

Nang kak-lakle changpongma ozün ma ngose tsukya nang mongjange nang zaksyetle thom ang tomkoxlax, ikoxle nange ija amütle jangchang, nang oshuk monghom maxkya ang changpu.

WANWÜNKAX 25:11

Müile wünle angai ang tsuakkya tutex a khop to hun füi osün amüile zingkya ningle changüi.

MÜNCHUAK-TSAI 38:6

Ku mongkat ochax lom to kakya khoma, ku a thule akhündaoa; ku a nyixtungtale mongmaxle sop.

WANWÜNKAX 15:15

Mixshix-zasa khüzün tuita a tamchu chizakle azankya zanhok changpu, ikoxlechu mongmüi khünakbu ang ma tsün füi mongmüikya tüile.

WANWÜNKAX 14:10

Nang mongmüi a nangkux jao; nang mongkak a nangkux jao. Ibu owaechu nang füi tom-hanle lax ang müntho.

WANWÜNKAX 12:26

Otsao khünak a chix zuikhui hanpakma lompa tuita changpu, ikoxle chichang-chizangkya khünak lomtange hwom othai to alyetüi.

WANWÜNKAX 15:30

Nyit-tunzae nang ang mong amüile, ilaxle müikya kaxhoe mongthang amüile.