WANWÜNKAX 12:20 - OTSAO BAIBEL (BSI)

²⁰ Chichangchizang mwottho zingle changkyabu a mongtsik-mongma ma bütkop angkya changle, ikoxle müi angkya hanpakma mwot mokkyabue mongmüi kopüi.

WANWÜNKAX 12:20 ပူးပေါင်းရင်းမြစ်များ

MATHI 5:9

“Tumüi mwot mokkyabu mohiman; hwom ang Zang susabu le nyaküi!

IBRI 12:14

Pangnu füi tumüi ang azonglax, chemthüikoxle ija chichang homtoxle owaechu Zang ngün ang münthoüi.

ZEKARIA 6:13

Ija zingle alai angkya tamchu wanghompa münchong kop angkya mix a chix tix changpu. Chixe chix khünaknu thakma apün-awangle changüi. Nguapa tuita chix tüntong tunthoma ajongüi, ilaxle hokhie tumüi hia mongsom ma tomtomle moküi’ le chix hama wünkox.

WANWÜNKAX 12:12

Chichangchizangkya khünakbue lomkya a ochax mwot mok angkya lomle, ikoxle otsao khünakbu a shingmongle ajongle.

ROM NOK HATO ZAKYA POL LAIZA 1:29

Hwom a. Oma, nüfux, ilaxle tata zongto tüikya, iningkya chichang-chizangkyabue awang; miktsak khangsyen, alang ahuak, achax-azan, dyen-ngan, üntoxle mix fün amakyabue amün laxle hwom ngo.

JEREMIA 17:16

Ikoxle, Jowanpa, hwom hato othom-ojo apüi angkya kue otuechu nang mong asa ang müntom; kue hwome thangnak apong angkya to münlua. Jowanpa, nange ija awan ngopu; kue akaxdaoale nange awan ngopu.

2 PUKAX-PANGAO 22:4

Hopa zile paokya füima chix to zünsaile chang angkya okax-okhobu ang wanghompa Ahap homkha khünakbu achang, ibue chix ang Jowanpa zongto ochax lyenle chang ang tom, ilaxle chix athomle adüt.

WANWÜNKAX 12:19

Atsekya ma tsün münlo, ikoxle kaxtsing zangwünkya ma tsünlwot tüile.

WANWÜNKAX 12:21

Otsao khünakbue chem oma münapong, ikoxle chichang-chizangkya hanpakma tingtui boma chemchu müntüi.

MÜNCHUAK-TSAI 119:118

Nang wanlombu kax ma chilaxle tüikyabu pangwüi nange chilaxle awüt; hwome dyenlale atsing-atsangkya mwot laxli chemchu müntüi.

DANEL 11:27

Ifüima ija wanghom anyi tomle fongsax ang tsap tuita ma thungüi, ikoxle hokhi mongtex a oma changüi, ilaxle hokhie tata dyenle changüi. Hwome chem kopse tsupuix, ija hwome chikopüi, chemthüikoxle ile chang angkya hanpak a mahüi.