WANWÜNKAX 11:4 - OTSAO BAIBEL (BSI)

⁴ Nange zik apongkya zuma nang ahak-aluale tüikyae chem hwon müntha, ikoxle mong ma thaikya chitüikya khünake ma khüzün sün ang tsuaküi.

WANWÜNKAX 11:4 ပူးပေါင်းရင်းမြစ်များ

WANWÜNKAX 10:2

Chichangchizang lom tokhange nange kopkya tuinae nang ang olüi chemchu münfa, ikoxle sukyae nang khosün ang tsuakle.

ZEFANIA 1:18

Jowanpae chix chabüt-lasün ngünle laxkya nyix, hwom ma tüikya hun hia khopbue ngaxchu hwom khose ang müntho. Chaxwannu komkaile chix mongtsik wün füi bakle amütüi. Chixe chaxwan tok ma ngokya noknusa hato sünto ashuk angkya chaxwan zanghan apüile faüi.

PONGWANG LAIPEX 7:1

Jowanpae Noa ang thüi: “Hünzom kako pangwüi koplaxle khua mongto noplax; chaxwannu tok ma ku mik-hu ma sukya nang tata tix atakle.

EZEKEL 7:19

Hwome hwom hun hia khopbu pangtsa ningle tingjang lomnu to tswonle awütüi, chemthüikoxle Jowanpae chix mongtsik mongma thokle ahüikya chak tokya khop hia hun thalix tuina chemechu hwom khose ang chitho. Hwome ibu athaxpi hwom mongzom amüi hia hwom wok afwot ang twon angkya olom chitüi. Hun hia khopbu hwom ochax lom to alyetpu.

1 TIMOTHI 4:8

Tsangtsa mwotchu tix changpu ikoxlechu chasa mwot sisi hotüichong, chemthüikoxle ijae anyixkya tsün tamchu füichi tsün monyi bama lap faüi.

KAXHO MÜIKYA LUK 12:20

Ikoxle Zange chix ang thüi: ‘Nang a ongat, ajaja wüi nange tsün danle tox angkya changle, üntoxle tuina nange achwonle thomkya ibu a owa kuxka ang achangüi?’”

MATHI 16:26

Khünak tuitae chaxwannu pangnu koptsuak koxlechu ma khüzün amüt le jangchang thüiningle chix ang lap chemtüi? Chemchu müntüi! Khünak ma ma khüzün lüix to kox angkya chemchu müntüi;

ROM NOK HATO ZAKYA POL LAIZA 5:17

Khünak tuita ochax makhange, chix khokho ma hexle zikyae apün ang sütkya otsingtsing changle. Ikoxle mixhuak tuita, Khrista-e mokkya otok to otukux chongkya laipuix! Okhonguikya Zang chingcha ilaxle amuale fakya chix otsao hingho opange kop laxpuix, hwome Khrista ma tsakzong le ozün ma ngo ang kopüi.

WANWÜNKAX 12:28

Otsao a khüzün lomtang changpu; chichang-chizangkya a zikmüt-mangkho lomtang changle.

WANWÜNKAX 6:34

Osing-nüfux tüipongkya tukux kakopa tuita a chemtuechu mongtsik-mongmale münchang; chixe olüix khomkya ma chem othüt müntüi.

JOB LAIPEX 20:28

Zang mongtsik tichen-mualyem ma, Hwom tuinabu komkai olithule shuaküi.

ISAIA 10:3

Zang-e hünzom to zothuple changkya zuma hünzome chem moklaxüi? Chixe tsailo nok tokhange hünzom hato thama apüi ang tomkya zuma hünzome chem moklaxüi? Hünzom to asun angkya lomle hünzom ojong to paolaxüi? Hünzom tuinabu hünzome ojongto khomle thomlaxüi?

EZEKEL 14:14

Ibu mixsün azom, Noa, Danel, üntoxle Job, hwom a ikhato ngole tüikya. Hwome müile tüikyae hwom tsün tata khosünle changüi.” Jowanpa Khüthak Zang-e ija akaxdaoa.