WANWÜNKAX 11:25 - OTSAO BAIBEL (BSI)

²⁵ Chaktom dale tüikox, jangchangba nang ahak-aluale tüiüi. Mix to fongkox, ikoxtix nang tochu fongüi.

WANWÜNKAX 11:25 ပူးပေါင်းရင်းမြစ်များ

MATHI 5:7

“Mix to chingchakyabu mohiman; Zange hwom to chingchaüi!

ISAIA 32:8

Ikoxlechu achuak-koxle sule tüikya khünake mwot sule mokle ilaxle chem supuix ija bama shingmongle ajongle.

WANWÜNKAX 28:27

Chitüi-chinang khünak ang laxkox, jangchangba nange chemtuechu nuaklom-khüntho le müntüi. Nange chitüi-chinang khünak zongto nang mik achikle jangchang, nang to thuakzom angkya mix huanuma tüiüi.

2 SAMUEL 17:28

Hwome, Dawid hia chix khünakbu hanpak ang, tik-khe, haxtik, nyi-za hia sütlingbu: wonglai, tsaxsa-tula, saxtsom, sax akokya, fialo hia fyalat, nax-ti, müizao tsomti-tün, ilaxle chun hidaole, ibu apüile kox. Dawid hia chix khünakbu faokha to woknuak hia tilan ma tamchu na-juale maxngokya tik.

WANWÜNKAX 3:9

Nang haxtok ma puamünkya kha angkya sümüikya Jowanpa ang to apüile koxle makhange chix achuak-achen kox.

WANWÜNKAX 3:10

Nange ile jangmok thüiningle nang pung a sax füi awangle ngoüi, ilaxle nange athünle thom angkya onüi chitüile nang ang grepti-ju huanuma tüiüi.

WANWÜNKAX 11:24

Khünak züizüie hwom ngun-syen jansuma ashixle ikoxchu hwom sisile ahak-aluale. Züizüia huanuma khünzai, ikoxchu sümax-sümax.

WANWÜNKAX 28:25

Nüfuxe tingtui adünüi wüi. Jowanpa to mongong thomkya wüi nang zongto amüikya.