WANWÜNKAX 11:20 - OTSAO BAIBEL (BSI)

²⁰ Jowanpae tutex chichangchizangle tüikyabu thua anule, ikoxle sukya mwot mokkyabu to mongkünle.

WANWÜNKAX 11:20 ပူးပေါင်းရင်းမြစ်များ

MÜNCHUAK-TSAI 119:1

Thaikya chitüile Jowanpa wanlom fang ma ngotsuak puix, ibu khüzün a mohiman changpu.

1 PUKAX-PANGAO 29:17

Nange pangnusa kün-mongto thwontsing ilaxle khünak opang thajao wünhai chitüile tüilaxpuix, ibu füi nang mongzom müikya kue awanpu. Sukya hia mongkoxkya makhange ibu pangwüi kue nang chak to danpu, ilaxle ikhama tüikya nang khünaknu ibu tö chemtukux mongmüi atungle asox ngotüipuix, ija kue ngün ang kople.

WANWÜNKAX 21:29

Otsao khünakbu ma hanpakma atsingshole awan ngopu; chichang-chizangkya khünake otukux tsuak puixle atsing angkya wüi.

WANWÜNKAX 6:14

ipongma chimüikya hwom tutex ma chichang-chizangkya mwottho zing, ilaxle pangnu chito wüi cheile tingtui adün.

WANWÜNKAX 16:17

Müikya khünakbu a ochax tsiakle toxkya lomtang ma ahamle; idaile nang ochito lepuix ija to müile hukoplax: ija ma nang azang ang tsuak.

WANWÜNKAX 15:8

Müikya khünakbue zangjop pongma Jowanpa ang mongmüile, ikoxle chichang-chizangkya khünakbue chix hato tö apüikyabu thua chix anule.

WANWÜNKAX 13:6

Otsaoe chem oma chitikkyabu kho awale; chichangchizangle tüikya a ochax khünakbu hanpakma hwom athomle adüt angkya olom changpu.

WANWÜNKAX 12:22

Jowanpae atsele zangwünkyabu thua anule, ikoxle mae akax daokya ningle moktsuakkyabu füi chix ang mongmüile.

WANWÜNKAX 9:7

Nange kax ma chilaxkya khünakbu achangle fa ang jang azong, nang thajaokya tüiüi. Nange ochax khünakbu to sa-male jangchang, nange mongma kopüi wüi.

WANWÜNKAX 8:13

Jowanpa chathua zakya a ochax thua anukya changpu; kue kün-ngam mongngam hia tsaichong-kaxbongle tüikya thua anule, chichang-chizangkya zangwünbu hia othai lomtangbu thua ku anule.

MÜNCHUAK-TSAI 140:13

Otsao khünakbue nang ang münchong fa angkya atsingsho; ilaxle sukya khünakbu a nang womkya ma ngoüi.

MÜNCHUAK-TSAI 51:6

Mongkoxkya hia otsingtsing a nange lomkya changle; nang je-hwone ku khangka awang fale.

MÜNCHUAK-TSAI 11:7

Jowanpa a otsao üntoxle müikya mwot to mongkünle; ibu mwotmüi mokkyabu chix womle tüikya khama ngoüi.

MÜNCHUAK-TSAI 101:4

Ku a loploplüile münchangüi, ilaxle ochax füi tomsax-tommokkya müntüiüi.

WANWÜNKAX 3:32

chemthüikoxle chichang-chizangkya mwot mokle ngokyabu thua Jowanpa anule, ikoxlechu otsao khünakbu to chixe mongong-chalomkya tüile.

WANWÜNKAX 11:21

Ochax khünakbu to sikngün kox angkya nange tsingle ngopu, ikoxlechu otsao khünakbu a paole azang tsuaküi.

WANWÜNKAX 14:9

Ongat khünakbue ochax bama chemle chu müntex, ikoxle müikya khünakbue thailak tüitsuak angkya olom lomle.

WANWÜNKAX 15:26

Jowanpa a ochax tutex thua anule, ikoxle zuikop zangwün füi chix ang mongmüile.