WANWÜNKAX 10:7 - OTSAO BAIBEL (BSI)

⁷ Müikya khünakbu a mohiman tuita ang texle ataküi, ikoxle chichang-chizangkyabu a lebama wüi alakle samdaoüi.

WANWÜNKAX 10:7 ပူးပေါင်းရင်းမြစ်များ

MÜNCHUAK-TSAI 112:6

Müikya khünak chemtuechu thaithaxle münchangüi; chix a jento texle atak angkya changle.

KAXHO MÜIKYA LUK 1:48

chemthüikoxle chixe ahixkya, chix da ku texle atak! Athax makhange ku ang pangnusae shomüi chale nyaküi,

MARK 14:9

Kue otsing tomtata akaxpu: Chaxwannu ojong pang khato Kaxho Müikya apukle tsaüi hex, ija mixchae mokkya mwot bama she mün texle atakle lax angkya hanpakma wünüi.”

MÜNCHUAK-TSAI 109:13

Chix sixlibu komkaile zile naxsam, ilaxle mainao hwom tsün to chix mün alakasamle naxchang.

2 PUKAX-PANGAO 24:16

Israel nok hanpakma, Zang hanpakma tamchu Zangshwom-Hom hanpakma chixe mokle hüidaokya mwotbu to e-sekya ningle hwome chix mang a Dawid Tingnu ma wanghom hwom zukting ma akhün.

MÜNCHUAK-TSAI 109:15

Jowanpa hwom ochaxbu texle atakle naxchang, ilaxle hwom a komkaile alakasamle naxchang!

JOB LAIPEX 18:17

Homkha hia tsailo tokya hwom münchong ashukle hüidaoa; athaxpi hwom owaechu texle chiatak.

2 WANGHOMBU 19:34

Ku münchong hia ku dapa Dawid füikya ku tsaotsüt tüikya khoma, kue ija tingnu kho awale kopüi ilaxle sünle kopüi.’”

1 WANGHOMBU 11:36

ikoxlechu kue Solomon sasün ang homjen tuita tüi ang tomüi, ile changkoxle tix wüi, kue ku to shwom angkya hanpakma zünle kopkya tingnu Jerusalem makhange ku dapa sixlie apünle ngo ang kopüi.

HWON-NWOT-JAONO 8:10

Changle, chichang-chizangkya khünakbu akhünkya tamchu hwom zuk-kha to ngokya kue ngünpu, ikoxlechu zuk tokya chatüi lom to, hwome ochax mwot mokle hüikya tingnu ma wüi khünaknue ibu to achuak-achenle. Ija ma laxli chemchu müntüi.

JOB LAIPEX 27:23

Hwom zikle paopongma zongkya zangchei hüile; popak cheinu lekya thoto hwom ngaoma ngaole akhongüi.

JEREMIA 17:13

Jowanpa, nang a Israel nok monghom changle; nang danle toxkyabu pangwüi ang zak-akopüi. Hwom a haxbu ma asaxkya ningle samdaoüi, Jowanpa, titsao jenkya tümik, hwome nang danle toxkya khokho ma.

2 PUKAX-PANGAO 32:33

Hezekiah a zile pao, ilaxle chix mang a wanghom hwom zukting okhochi kao ma akhün. Chix zipongma Judah hia Jerusalem ma ngokya khünakbue müimamale achuak-achenle chang. Chix sasün Manasseh a chix man ma wanghom ang achang.

JOB LAIPEX 24:20

Athax chix a honue ngaxchu texle chiatak; chix a chongbue saxkya pohua tuita ningle amadaoa.

MÜNCHUAK-TSAI 34:16

Ikoxlechu ochax mwot mokkyabu chixe abaxle, ikhoma chemtue hwom zipuix, hwom a lebama wüi alakle asamle.

WANWÜNKAX 22:1

Mün müikya hia huanuma tüinangkya nyi opupu laxüile nang ang zün ang jangtom, mün müikya wüi tazün.

ISAIA 14:22

Jowanpa Khüthak Zang-e thüile: “Kue Babilon to singüi ilaxle ija amaüi. Kue chemchu müntox: naosom tuita müntox, ozün ma tuita müntox. Jowanpa, kue ija akaxdaoa.

MÜNCHUAK-TSAI 34:17

Otsao khünakbue Jowanpa nyakpongma chixe atatle; hwom tingtui pangnu chak tokya chixe hwom khangkhosünle.

MÜNCHUAK-TSAI 41:5

Ku zanpabue ku bama chisumüile tüikya kax akaxle. Hwome ku a naxzikox alakle asamdao angle thütle.