WANWÜNKAX 10:22 - OTSAO BAIBEL (BSI)

²² Nang hakpa-luapa ang achangkya a Jowanpa mohiman makhange changpu. Azongle mwot mokle changkya tokhange nange sisile tüi-nangkya mix ang achang tsuaküi.

WANWÜNKAX 10:22 ပူးပေါင်းရင်းမြစ်များ

MÜNCHUAK-TSAI 107:38

Chixe chix khünaknu to mohiman, ilaxle hwom ang su-sabu huanuma tüi; ilaxle hwom müizyembu chixe sütsa-sütsale tsa ang tom.

PONGWANG LAIPEX 26:12

Isak-e ija haxtok ma manzai ilaxle ija zangpuapua mawüi, amipongkya to othom hoponge nüile puamün ang kop.

PONGWANG LAIPEX 24:35

Ku hopupa to Jowanpae müimamale mohimanle chix a tuita saxpu-luawang ang achangle tüile. Jowanpae chix ang chun zyembu, zwon zyembu, maihu zyembu, khop hia hunbu, dabu sheko hia lükabu, ut hia mantsakbu pangwüi koxle tüile.

PONGWANG LAIPEX 12:2

Kue nang ang su-sabu huanuma koxüi ilaxle hwom a chongkya jat-li tuita ang achangüi. Kue nang to mohimanüi ilaxle nang fuale wünkya mix ang achangüi, ikoxle nang a mohiman tuita ang achangüi.

MÜNCHUAK-TSAI 37:22

Opang to Jowanpa mohimanle changpuix, chaxwan a hwom kux ang changüi, ikoxlechu opang to thuakzomle changpuix ibu a jwonle asamüi.

WANWÜNKAX 20:21

Nange tuina chemtukux chwonle koppuix, itukux ijae nang zongto chem-mwot münthap.

PONGWANG LAIPEX 13:2

Abram a tüle ahak-aluale tüikya khünak tuita. Chix ma tsom-pom chun, zwon, maihu ibomachu hun hia khopbu huanuma tüikya.

WANWÜNKAX 28:22

Nüfux füikya khünakbu a ahak-alua ang müimamale akhangle, otui-onuake hwom to chemtue hongkhup ma hongüihex hwome müntik.

ZEKARIA 5:4

Jowanpa Khüthak Zang-e thüile, chixe chix othuak-ozom apaoüi, ilaxle ija a ahuxmixbu hia tsaosax lejao atsele zangwünkya pangwüi hom to nopüi. Ija a hwom hombu ma ngoüi ilaxle hwom hombu pünpakle dantoxüi.”

PONGWANG LAIPEX 14:23

kue nang kux chemchu müntüi. Ile changkox tix wüi nange, ‘Abram nang kue ahak-alua ang tomwüi’ le thüi angkya müntüiüi.

JIHUSUA 6:18

Ikoxlechu amüt angkya oli hünzome litutachu chitoxüi; hünzome lax-twonle jangchang thüiningle Israel pom hato thama apüiüi.

1 WANGHOMBU 21:19

Chix hama, ku, Jowanpae ile akaxle le thüikox: ‘Nange khünak langkya boma chix tingtok ngaxchu lax ang hi? Ojong ma Naboth aji to hie chaile changpuix ijong khama wüi nang aji tochu hie chaiüi.’ Ija kax a ku kax changpule chix hama akaxle laxkox.”

PONGWANG LAIPEX 26:13

Jowanpae chix to mohimanle chix a saxpu-luawang ang achang. Ile chix okop-olwot ma süchong-süchongle tüle tüi-nangkya mix ang achang.

TSAITONG-KAXTONG 26:10

Idaile chixe ku ang mohiman koxkya kha angkya Jowanpa hato kue puamün sax apüile koxpu.’ “Ifüima Jowanpa tunthoma ija nua atuaküi ilaxle ikhama chix tong shwomle changüi.

TSAITONG-KAXTONG 28:11

Jowanpae hünzom ang koxüihex-ole hünzom putong hwom füi tsaosaxdaokya haxtok ma hünzom simüi-limüile ngo ang tomüi; tsom-pom wan müile chang ang tomüi ilaxle saxkop-linglole ngo ang tomüi.

2 PUKAX-PANGAO 25:9

Amaziah-e ajepa ma atüi: “Ikoxle kue hwom mün to koxdaokya khopbu a chemle changüi?” Ajepae lan: “Jowanpa nang ang ithak to lyemle kox ang thoüi!”

WANWÜNKAX 8:21

Ku to mongkünkyabu ang tüi-na koxpu, ilaxle hwom homkha tuiza-nakombu füi awang ang tompu.

WANWÜNKAX 14:24

Jetüi-hwonlangkya khünakbu hingho ang tuina kopüi, ikoxle ongatbu a hwom nganguile changkya ma awanle laxüi.

DANEL 1:15

Chemtue hanpak nguile hüipuix, wanghom khwa ma sütmüi-lingma saxlaxle ngokya naosünbu pangnu füi hwom wüi haxkhi-zangsum le müile ngün.

1 PUKAX-PANGAO 4:10

Ikoxle Jabez-e Israel nok Zang to jop: “Zang, ku to mohiman hüi, ilaxle ku ang haxtok huanuma fahüi. Ku füi ngohüi ilaxle ku to kak koxle chang angkya oli thwontsing pangnusa chak tokya ku sünle thom hüi.” Ilaxle chixe chem hanpakma jop puix ija Zang-e chix ang kox.

2 PUKAX-PANGAO 32:27

Wanghompa Hezekiah a huanuma ahak-aluale chang, ilaxle noknusae chix achuak-achenle chang. Chix kux hun, khop, thalix long, ongan müikya münga, di, mama thanu-juapa, ibu pangwüi dan angkya hanpakma chixe pungbu zaile thom.

2 PUKAX-PANGAO 32:29

Ibu chaktua ma, Zang-e chix ang osu-maihu hia chunbu tamchu mama tuinabu huanuma kox, ibu füi chixe tingnubu obibi hex zaile alai.

MÜNCHUAK-TSAI 127:2

Kaile zo ilaxle shenle jiple ozün ma ngo angkya bama, azongle mwot mokle ngokya a obato. Chemthüikoxle chixe mongkünkyabu ang Jowanpa, hwom jiple ngopongma koxle.