WANWÜNKAX 10:19 - OTSAO BAIBEL (BSI)

¹⁹ Nange zang chemtukux wünpuix, itukuxle nange ochax lyen angkya chwonpai ma tüile. Nang jetüi-tüikya khünak jangchang, nang a dangle ngoüi.

WANWÜNKAX 10:19 ပူးပေါင်းရင်းမြစ်များ

JAKOP 3:2

Kem othuithuima thaihompu. Ikoxle ojao chithaile zangwünkya khünak jangtüi thüikoxle, chix okhonguikya mix tamchu chix tsangtsa komle akumathum ang thokya mix changle.

JAKOP 1:19

Ku mongkün tüinaohom, ija texle ataklax! Apa ang pangnusa wüi mom angkya changle, ikoxchu zangwün ang hia mongtsik ang zaxhun ma changkoxtix müiüi.

HWON-NWOT-JAONO 5:3

Nang chemtukux khosamüihex, itukuxle nang ang wünmang maüi, ilaxle nange zang chemtukux wünpuix, itukuxle nange ongat kaxbu akaxle changüi.

MÜNCHUAK-TSAI 39:1

Kue thüi: “Kue chem mokpuix khünkhikhile moküi, ku le makhange ku ochax to düt ang müntomüi; Ochax khünakbu ku zui ma tüipongma kue chemchu münakax.”

WANWÜNKAX 18:21

Oja zang nange wündao laxpuix ijae nang khosün ang tsuak chichangba khohang ang tsuak; idaile nang zangwün khoma chem apongpuix ibu nange pongle lax angkya wüi changle.

HWON-NWOT-JAONO 5:2

Nange akaxüi thoto ajangle koplax, ilaxle Zang pomtho ma tütali jansuma tsaosaxle taxchang. Chix a zangkangting to ilaxle nang a chaxwannu ma, idaile nange akaxse boma onüi akaxle taxchang.

WANWÜNKAX 11:12

Mix tha ajaole akaxkya a ongat changpu. Nang tuita awankya mix jangchang, nang dangle ngoüi.

WANWÜNKAX 11:13

Khualop mix owatochu huxsa zangwün bama mongong angkya müntüi, ikoxle owawa mongong koxle asule tüikya khünak to nange chalom ang tsuak.

WANWÜNKAX 12:23

Jetüikya khünakbu a mae awankya bama dangle ngole, ikoxle ongat khünakbue hwom mongkho chinguikya apukle.

HWON-NWOT-JAONO 5:1

Zangshwom-Hom to nguikya bama khünzailax. Ikhato, chisukya hia sukya nyi ba süile awang ang chithokya ongat khünak tuita ningle tö koxkya füi tütali olom tsingle lax ang nguikya wüi tüichong.