WANWÜNKAX 10:18 - OTSAO BAIBEL (BSI)

¹⁸ Miktsak khomle thomkya khünak pangwüi tselopbu changpu. Khualop-zangwün atsatle changkyabu a ongatbu changpu.

WANWÜNKAX 10:18 ပူးပေါင်းရင်းမြစ်များ

MÜNCHUAK-TSAI 55:21

Chix zangwünbu a müizao füi ngaxchu fi-fole, ikoxlechu chix mongkha to miktsakkya tüile; chix zangwünbu a münga füi ngaxchu alyakle tüikya, ikoxlechu ibue daxcha füi zütkya ningle zütle.

MÜNCHUAK-TSAI 15:3

üntoxle owae mix to kaxma chithüipuix. Hwome ma zuikhui zongto thaikya chimok chichangthüiba tomzi bama khualople chichang.

2 SAMUEL 3:27

Chemtue Abnar Hebron to nguipuix, Joap-e pan nuakfüi to paolaxle chixe chongkya huxsa zangwün ang thüikya ningle aho, ilaxle ikhato chixe wok ma tople lang. Ile chixe Joap honao Asahel langkya khoma chix chuwüi lang.

MÜNCHUAK-TSAI 101:5

Huxsa ma tomzi zongto chichangle tüikya mix kue amütüi. Miktsak hia mongngam füikya khünak füi ku adu ang münthoüi.

MÜNCHUAK-TSAI 50:20

Hünzom a ma-mixbu ma kaxhux-fe ang othuithuima chwonle ngopu, hwom ma thaikya lomle atak angkya hanpakma a.

MÜNCHUAK-TSAI 12:2

Hwom pangwüi tata zongto atse;

MÜNCHUAK-TSAI 5:9

Ku zanpabu kax to chemtuechu mongong fang münchang; hwome zia ama angkya tata lomle. Hwom zangwün a jonai ma, zamzale münchang, mik-amüt hia khualop zangwüne awangle tüile.

1 SAMUEL 18:29

Ikhoma sisile chix Dawid thua za ilaxle chix mazi-mazile Dawid zongto zanpa ang ngo.

LAIPAO 23:1

“Nange kaxthai zangwünbu taxapuk, tamchu mikngün kaxkhi othai koxlaxle chisukya mix to fongle taxchang.

JEREMIA 9:4

Ma zuikhuibu zongto pangnusasa wüi mik-hingle ngo angkya changpu, ilaxle haxnu-homsa to owaechu mongong angkya müntüi; chemthüikoxle mamixbu chuwüi pangwüi Jakop lailaile mix dyenle tüile, ilaxle pangnusasae wüi ma zuikhuibu ajao-ahaile changle.

LIWI 19:16

Owawa bato khualople taxchang, ilaxle owawa a chix khüzün hanpakma kaxfün khwa ma tüipongma, nang zangwüne chix to kaxjua fongtsuak angkya olom jangtüi thüiningle ija akaxle laxkox. Ku a Jowanpa hünzom Zang changle.

JEREMIA 6:28

Hwom a khop hia jan ningle tsakle tüikya mongwüi khüi tangtangle alün-aloxle tüikyabu changle. Hwom pangwüi khuafaole ahamkya hia za-amanle ngokya füi komkaile amadaoa.