WANWÜNKAX 10:10 - OTSAO BAIBEL (BSI)

¹⁰ Owawae otsingtsing tsyenle jangtüi thüiningle tingtui dongkya tüiüi, ikoxle owawae ngaithole achang fakya jangtüi thüiningle ija a tumüi mwot mokkya changpu.

WANWÜNKAX 10:10 ပူးပေါင်းရင်းမြစ်များ

MÜNCHUAK-TSAI 35:19

Ibu tselop, ku zanpabue, ku to lütkya wanjai ang taxtom. Chemtsai-chemkax chitüi khato ku to miktsakkyabue ku mongma ngünlaxle mongmüile wanjaikya tüi ang taxtom.

WANWÜNKAX 6:13

Nang dyen angkya hanpakma hwome mike jep, chak-khi füi hile,

3 JUHAN 1:10

Idaile ku nguikya zuma; chixe hwom bama atsele zangwünkya hia kwom ang chichang-chizang kaxma thüikya; ija ma mongzom chimüi laxle chixe tüinaobu wünpwonle chikop ilaxle owawae pongle kopse tsukyabu ngaxchu chixe abax tamchu müimüithom angkya hwom mün atsai ang tom; ibu chix mwot pangnu bama hünzom hama wünüi.

WANWÜNKAX 10:8

Khünzaikya khünakbue anwot-anole koxkya pongle kopüi. Ongat zangwünkya khünakbue thama apongüi.

WANWÜNKAX 18:21

Oja zang nange wündao laxpuix ijae nang khosün ang tsuak chichangba khohang ang tsuak; idaile nang zangwün khoma chem apongpuix ibu nange pongle lax angkya wüi changle.

JOB LAIPEX 15:12

Ikoxle nange mongtsik ashukle kwom to khunle hupu.

WANWÜNKAX 10:14

Jetüi-hwonlangkya khünake tsuakkya pongle tsing-wankya kople, ikoxle chemtue ongat khünake zangwünle changpuix, tingtui a hoxchwon ma tüile.

WANWÜNKAX 16:30

Watyax-zonghakya khünak chingünle taxtüi; hwom ma tutex oma lita tüile.