WANWÜNKAX 1:5 - OTSAO BAIBEL (BSI)

⁵ Wanwün-kax ibue jepabu je-hwon to janbo lang tamchu laitsing-ngakman mix lomzunle chang ang tsuakle,

WANWÜNKAX 1:5 ပူးပေါင်းရင်းမြစ်များ

WANWÜNKAX 12:1

Je-hwon to mongkünkya mix owawaechu hwom thai pongma ija ngaile wüi fase tsule. Achangle fakya to chiluakya a ongat changle.

WANWÜNKAX 9:9

Jetüi-hwonlangkya khünakbu füi nang chem akaxpuix, ijae hwom sisile jetüi-hwonlangkya mix ang achangüi. Nange otsao khünakbu füi chem akaxpuix ijae hwome tsing-wankya to janbo langkya ang changüi.

1 KORIN 10:15

Kue jetüi hwonlangkyabu ningle akaxpu; ija ku kax bama nange azut ajang tsuaklax.

JOB LAIPEX 34:16

Athax nang jepa jangchang, ku kax apahüi!

JOB LAIPEX 34:10

Hünzom awan-atsingkyabue ku kax apahüi! Khüthak Zang-e thaikya mwot mok ang chami?

JOB LAIPEX 34:34

Tutex füikya khünake changkox-ale thüiüi; ku kax atatkya jepae thüiüi:

2 PUKAX-PANGAO 25:16

Ija kax apale Amaziah-e thüi: “Chemtu makhange kwome nang wanghom zün angkya wangnak-wangshem ang achang daopu? Nange taxakax ngo, kue nang langle awüt langa!” Ajepa kax zak, ikoxlechu chixe ija kax tsuakle tox: “Nange ibu mwot mokkya hia ku zünkax-saikax to na chithale changkya khoma, athaxpi Jowanpa nang mik amüt angkya mongzangwünle tsuakdaoale kue awandaoa.”

WANWÜNKAX 14:6

Je-hwon wanjaile ngokya khünak tuitae otuechu ija münataktsuak, ikoxle je füi lomkya khünake ija ochwon ma atakle.

HWON-NWOT-JAONO 9:11

Kue mama olichu ajangle lax, ija a, ija chaxwannu ma jento momle-momle zikkyabu tix longzi alop tsuakpu le münchang, ilaxle mongchongkya mixe tix zanhok ma anaopu le münchang. Jepabue kop-lole saxpu lechu münchang, tsing füikya mix ahak-aluapu le münchang, ilaxle tsuakkya khünak pangwüi alixachong ang achangpu lechu münchang. Shoma a pangnusa hato azutle hüipu.

TSAITONG-KAXTONG 4:6

Mongongkya füi ijabu kax ma laxle tüilax, ilaxle ija makhange mama mixnokbu hato, hünzom chemtukuxle jetüi-hwonlangkyabu hex, aho ang tsuaküi. Ibu wanlom pangnu bama chemtue hwome atatle changüihex, hwome thüiüi, ‘Ija tüle chongkya jat-li tuita ma jetüi-hwonlangkya huanu changa!’

WANWÜNKAX 8:33

Nang hama chem anwot-anole changpuix ija to apalax. Jetüi-hwonlang lax; ija tha ajaole taxchang.

WANWÜNKAX 9:8

Kax ma chilaxle tüikya khünakbu to otuechu achang ang taxazongzi; ija khokho ma hwome nang to miktsakkya tüiüi. Ikoxlechu nange jetüi-hwonlangkya mix to achangle fakya jangtüi, hwome nang chathua zale changüi.

WANWÜNKAX 18:15

Jetüi-hwonlangkya khünakbu a jento awanle kopsele tsukya hia achwonkya mong füi ngole.

WANWÜNKAX 19:25

Mongngam füikya mix to sikngün ang tom angkya wüi, ikoxtix chemchu chitsing-chiwanle olan to ngokyabue oli tuita awanle laxüi. Nang jetüi-hwonlangkya mix jangchang, zünsaile changpongma nange awanle laxüi.

WANWÜNKAX 21:11

Chichangchizangkya khünak tuitae chemtue sikngün apongpuix, ojao tutex chitüile ngokya khünak tuitae ngaxchu oli tuita awan ang kople. Chix hama chem anwot-anole koxpuix ija makhange jetüi-hwonlangkya mixe tsing-wankya kople.