WANWÜNKAX 1:32 - OTSAO BAIBEL (BSI)

³² Jali lople hüidaokya khünakbue ku je-hwon chilaxle changkya khoma hwom mik max angkya ataküi. Ongat khünakbu a ija to mongkoxle chitüikya khoma thama apongle maxüi.

WANWÜNKAX 1:32 ပူးပေါင်းရင်းမြစ်များ

IBRI 12:25

Kaxzexkya mix kax ma chilaxle chitüi angkya bama hünzom likhün lax, chemthüikoxle chaxwannu ma likhün angkya kax owae zexpuix, ija kax ma chilaxkyabu ngaxchu paole azang ang chitho, jangchangba zangkangting tokhange kaxkhün zexkya mix thüntho angkya tomning chemle paole azang thoüi!

WANWÜNKAX 8:36

Opange ku atak ang chithopuix hwom lailai to thomzünle; owae ku thua anule changpuix chixe zik to luapu.”

JUHAN 3:36

Hosa to mongongkya khünak ma oshuk chitüikya khüzün tüile; owae Hosa kax ma chilax puix, chix ma khüzün müntüi; ikoxle Zang mongtsik chix füi ngoüi.”

JEREMIA 2:19

Hünzom ochaxe hünzom towüi sikngün fa angkya changpu, ilaxle hünzome ku hato tok ahokyae hünzome wüi thajao kop angkya changpu. Jowanpa hünzom Zang ku awütle toxkya chemtukux khaxkya hex tamchu thaikya hex ija hünzome awanle laxüi, ilaxle hünzom mongong tüikya füi ku ma ngo ang chikople changüi. Ku, Jowanpa Khüthak Zang-e ija akaxdaoa.”

IBRI 12:8

Naosom pangnu akumathumkya olom ma hünzom zünsaikya olom chitüi thüikoxle, hünzom a sa tsingtsing chichangkya samuabu changle.

MÜNCHUAK-TSAI 69:22

Hwom fongkhate hwom thama ang naxtom; hwom huxsa fongkhate hwom athomle naxadüt.

JAKOP 5:5

Chaxwannu ma hünzom tsün mongtex ma shale tamchu pwonla tungtung le ngo. Lang angkya nyix, hünzom mongzom ma müile saxlaxle nut le ngui.

WANWÜNKAX 1:22

“Ongat khünakbu! Hünzom ongat ma chemtukux okuilole ngose tsupu? Je-hwon wanjaikya ma hünzom ang mong chemtukux müingolaxüi? Hünzome otuechu tsing-wanle münchangtox pia?

WANWÜNKAX 5:22

Chichangchizangkya khünakbu ochax a kam thakya tuita changle. Hwom a ma ochax sha ma alüile manle.

WANWÜNKAX 8:5

Nang mazia hexnyi? Zia angkya awan koplax. Nang ongat hexnyi? Khangka zai angkya awan koplax.

ISAIA 66:4

Ikhoma kue hwom hato thama apüiüi — hwom a ija thua süzakya changle — chemthüikoxle kue sepongma owaechu chilan chichangba kue chem akaxpuix ija to owaechu chiapa. Hwome ku kax ma chilaxle tüi angkya ikoxle ochax mwot mok angkya mongzangwünle tsuak.”

TSAITONG-KAXTONG 28:17

“Jowanpae tsaxsa-hikha tamchu ibu makhange amyet-akhomle changkya pangwüi to thuakzomle changüi.

WANWÜNKAX 2:18

Nang she homlom chito paole jangchang thüiningle ziklom tole lengokya ang changpu. Ikhato paokya a ama-lum pandongkya ang changpu.

WANWÜNKAX 9:18

She kax ma laxkyabue she hom to anguingui a mik max angkya atakle le chitik. Opang nopdao laxpuix ibu a amalumting to zudakle ngoüna le chitik.

WANWÜNKAX 10:21

Müikya khünak zangwünbu füi khünakbue olap kopüi, ikoxle ongat makhange nange ma alüile lang ang thoüi.

WANWÜNKAX 14:16

Jetüi-hwonlangkya khünakbu a sikngün füi atsaile ngo angkya bama mik-hingle, ikoxle ongatbu a chem aju-ajangkya chitüile thüile mokle awütle.

AMOS 6:1

Zaion ma tokdomdale ngokya khünakbu, tamchu Samaria haxnubu ma chaza angkya chemchu müntüile ngokyabu, onok chongkya Israel haxtok ma chongkya lompabu, opang hato Israel homkhabu asunhüile nguipuix, ibu maxsax!