WANWÜNKAX 1:31 - OTSAO BAIBEL (BSI)

³¹ Ikhoma hünzome chem kopse hex ija hünzome kop angkya changle, ilaxle hünzom ma mwote alüile okak ang achangüi.

WANWÜNKAX 1:31 ပူးပေါင်းရင်းမြစ်များ

WANWÜNKAX 14:14

Khünak chimüikyabue hwome chem kopse hex ija kopüi. Müikya khünakbu ang hwom mwot müikya khoma müikya hingho tüiüi.

JEREMIA 6:19

Apalax, Chaxwannu! Hwom mongjang mwot pangwüi ama angkya hanpakma kue ibu khünaknu hato thama apüiüi, chemthüikoxle hwome ku hwon-nwot pongle münkop ilaxle ku zangwünbu kax ma münlax.

WANWÜNKAX 22:8

Nange chisukya kaxfün oli saile jangchang, thama nyemle laiüi, ilaxle nange mix to afangle thomkya zakle paoüi.

JOB LAIPEX 4:8

Ochax manzai üntoxle ochax liwüi saikya kue ngünle hüipu; athax ibue chimüikya hia ochax oziak-opua athünle ngopu.

JEREMIA 2:19

Hünzom ochaxe hünzom towüi sikngün fa angkya changpu, ilaxle hünzome ku hato tok ahokyae hünzome wüi thajao kop angkya changpu. Jowanpa hünzom Zang ku awütle toxkya chemtukux khaxkya hex tamchu thaikya hex ija hünzome awanle laxüi, ilaxle hünzom mongong tüikya füi ku ma ngo ang chikople changüi. Ku, Jowanpa Khüthak Zang-e ija akaxdaoa.”

WANWÜNKAX 5:22

Chichangchizangkya khünakbu ochax a kam thakya tuita changle. Hwom a ma ochax sha ma alüile manle.

WANWÜNKAX 5:23

Hwom ma alüile akumathumkya chitüikya khoma hwom mik max angkya laile. Onua tuita chitoxle hwom ongat ang changkyae hwom zuk-kha chito zunle pao angkya changle.

WANWÜNKAX 8:36

Opange ku atak ang chithopuix hwom lailai to thomzünle; owae ku thua anule changpuix chixe zik to luapu.”

WANWÜNKAX 12:14

Nang hingho a nang zangwün hia nang mwot füifüi; nang chem kopsehex ija nange kopüi.

WANWÜNKAX 13:2

Müikya khünakbue hwom zangwün müikya khoma hingho kopüi, ikoxle mixdyen-mixlale tüikya khünakbu a changnong-pünthomle tüisele dingdua zanle.

ISAIA 66:4

Ikhoma kue hwom hato thama apüiüi — hwom a ija thua süzakya changle — chemthüikoxle kue sepongma owaechu chilan chichangba kue chem akaxpuix ija to owaechu chiapa. Hwome ku kax ma chilaxle tüi angkya ikoxle ochax mwot mok angkya mongzangwünle tsuak.”

JEREMIA 14:16

Khünaknu opang hama hwome ija zangwün wünle changdaopuix, hwom chuwüi talailaile mik max ang tomüi. Hwom tompobu a Jerusalem tingjang lomnu to tswonle awütüi, ilaxle hwom mangzu angkya khünak owachu chitüiüi. Ija a hwom pangwüi füi ile changüi: hwom kakonubu füichu, hwom sasün hia sacha hwom füi chuwüi. Kue hwom ang hwom chichangchizangle tüikya tsangthom ang tomüi.”

MÜNCHUAK-TSAI 81:13

Ku khünakbue ku kax ma laxle namtüibae texkox chemning chitüi; hwome ku kax ma laxle kangtüibae texkox chemning chitüi!

JEREMIA 21:14

Nange chem mokdaopuix ija khoma kue nang to sikangünüi. Kue nang wanghom homlo ma münlangüi, ilaxle ija hozui ma tüikya jali pangwüi ija wün füi zokle ashunüi. Ija kax, Jowanpa kue akaxdaoa.”

EZEKEL 22:31

Ikhoma kue ku mongtsik hwom khangkho to awütüi, ilaxle wün lailaile kue hwom, hwome chem mwot tsuakle hüidaopuix, ikhatokya hwom amütüi.” Jowanpa Khüthak Zang-e ija akaxdaoa.