WANWÜNKAX 1:28 - OTSAO BAIBEL (BSI)

²⁸ Ipongma hünzome je-hwon to nyaküi, ikoxlechu kue münlanüi. Hünzome ku pangnu chito lomüi, ikoxlechu hünzome ku münatak.

WANWÜNKAX 1:28 ပူးပေါင်းရင်းမြစ်များ

MIKA 3:4

Hünzome Jowanpa to nyakle akhong angkya hanpak hüile ngole, ikoxlechu chixe hünzom to apaüi münchang. Chixe hünzom zangjop to münlanüi, chemthüikoxle hünzome ochax mwot mokdaoa.

JAKOP 4:3

Üntoxle hünzome jupongma ibu hünzome chikop, chemthüikoxle hünzom tutexbu a chimüi; jukya oli hünzom mongzom ma müi angkya olom ma twon ang hünzome jukoxle.

ZEKARIA 7:13

Kue akax pongma hwome ku kax to na chitha, ikhoma hwome zangjop pongma kue chilan.

JEREMIA 11:11

Ikhoma, athax ku, Jowanpae hwom hato thama ahüi angkya kaxkhün koxpu, ilaxle hwom a azang ang münthopu. Ilaxle chemtue hwome ku hato ozing alaile, hwom to fong angkya akhongle changüihex, kue ija to ojao münapa.

ISAIA 1:15

“Chemtue hünzome zangjop ang hünzom chak nwonle changpuix, kue hünzom to ojao münhu. Hünzome obukux wüi jopkoxlax, kue münapa chemthüikoxle hünzom chakbu a ajie awangle tüile.

JOB LAIPEX 27:9

Sikngün hüikya zuma, Zang-e, hwom sopkya zing to apaüi lea?

JEREMIA 14:12

Hwome chisax-chilingle atsaole zangjop koxle ngaxchu, hwome asun hüile sopkya zing to kue na müntha; ilaxle hwome ku ang zokle ashunkya to hia saxziak to, ibu koxle changkoxchu, ku ang hwom füi otuechu mong münmüi. Itülüi, kue zanhok ma tamchu woknuak hia kak-lak ma hwom mik max ang tomüi.”

MÜNCHUAK-TSAI 18:41

Fong angkya lomle hwom soppu, ikoxlechu hwom kho owaechu chisünpu; hwome Jowanpa to nyakkoxlechu chixe chilanpu.

EZEKEL 8:18

Hwome ku mongtsik janzüi bakle awan ang kop angkya changle. Kue hwom to münshan chichangba chingcha ahole münchangüi. Hwome tsuakkya tukuxle akhongle ku to jopüi, ikoxlechu kue hwom zangjop to münapaüi.”

JOB LAIPEX 35:12

Hwom to asunhüile hwom sople, ikoxlechu Zang-e hwom to münlan; chemthüikoxle hwom ma mongngam hia chichang-chizangkya mong tüile.

1 SAMUEL 8:18

Chemtue ibu ile changle hüiüihex, hünzome hünzom wanghompa bama kaxthup-ngaotünle kaxma faüi. Ikoxlechu wanghom a hünzome mongtsu laxle lomle laxkya daile hünzom kaxhün-ngaotün to Jowanpae na chithale changüi.”

WANWÜNKAX 8:17

Kue ku to mongkünkyabu to mongkünle; opange ku lompuix ibue ku ataktsuaküi.

PONGWANG LAIPEX 6:3

Ifüima Jowanpae thüi: “Kue khünakbu a chizi-chimaxle ngo ang müntomüi; hwom a zi angkya changle. Athax makhange hwom a zanglao 120 tok to kaile owachu tsünlole münngoüi.”

HOSIA 5:15

“Hwom ochax khoma okhonguile hwome sikngün apongle machang tanto tamchu ku lomle mangui tanto kue ku khünaknu awütle thomüi. Hwom sikngün tokhange ngaxchu hwome ku lom ang cha.”

MÜNCHUAK-TSAI 66:18

Kue ku ochaxbu ajao-ahaile jangchangdaoba, Jowanpa-e ku to münapase.

WANWÜNKAX 15:29

Müikya khünakbue zangjop pongma Jowanpa e nathale, ikoxle ochax khünakbu to chixe nathakya müntüi.

TSAITAX-NGAONÜI 5:6

Kue ku mongkün hanpakma ka daple kox, ikoxle chix a chatünle bang. Kue chix zangwünsa atat-sele chemtukux anoppuix! Kue chix lomle huno, ikoxle chix a chiataktsuak; kue chix nyak, ikoxle chix chitsa.

HOSIA 5:6

Hwome Jowanpa ang tö kox ang hwome chun hia maihubu apüile, ikoxlechu ijae hwom fün amüikyakha müntüi. Hwome chix chiataktsuak, chemthüikoxle chixe hwom dantox daokoxle.

TSAITONG-KAXTONG 1:45

Ikhoma hünzom to fong angkya hanpakma Jowanpa sele hünzom akhongpu, ikoxlechu chixe hünzom chito na ojao chitha chichangba hünzom to mong ojao chikox.

MÜNCHUAK-TSAI 18:42

Kue hwom zutle akhixpu, ikhoma hwom zangwin to jeple paokya haxbu ang achangpu. Lomnutang tokya haxthom to nakpupule kue hwom to nakpu.

AMOS 8:12

Mediterenian tinu makhange Omang tinu alople khünaknu samle ahamüi ilaxle shuakux chitokhange handünchi alople anguile ahamüi. Jowanpa lomle hwome pangnu chito lomle huüi, ikoxle hwome ija münataküi.