WANWÜNKAX 1:23 - OTSAO BAIBEL (BSI)

²³ Kue hünzom to sale changpongma apakoplax; kue hünzom ang müikya olom adangle fafang ilaxle ku je-hwon hünzom füi tom-hanle changfang.

WANWÜNKAX 1:23 ပူးပေါင်းရင်းမြစ်များ

EZEKEL 33:11

Hwom hama, ku a mongao chitüikya ozün ma ngokya Jowanpa Khüthak Zang changpu, ochax khünakbu max-samkya to ku mong münmüi. Itülüi kue hwom a, ochax mwotbu dantoxlaxle ozün ma ngokya ngünse tsule. Israel nok, hünzome mokle hüikya ma ochax mwot zakün. Hünzom zise büthüikoxle tsupu?

WANGSHEMBU MWOT 3:19

Idaile ochax tokya mong chatlax, ilaxle Zang hato hüilax, ikoxletix chixe hünzom ochaxbu fwotle awüt faüi.

JOEL 2:28

“Ifüima kue ku Chasa pangnusa ang thokle koxüi; hünzom sasün hia sacha hwome ku kaxho apuküi; hünzom zunu-zupabue wünmangbu ngünüi, ilaxle hünzom tsünzünbue mikza wünmangbu ngünüi.

ISAIA 32:15

Ikoxle Zang-e tamchatle kem hato chix chasa ajoüi. Awütle thomkya haxtok haxzao füikya haxtok ang changüi, ilaxle haxtok ma tüle-tüle puamünüi.

WANGSHEMBU MWOT 26:20

Hwom ochaxbu tokya mong chatle Zang hato hüi angkya wüi changle üntoxle mong chatüna le ahokya mwotli mok angkya changle.

KAXHO MÜIKYA LUK 11:13

Itukux hünzom chimüikox ngaxchu, hünzome masumasabu ang amüimüi kox ang awanle; hünzom Zangkangting Hopae chix ma jukyabu ang Otsao Chasa chifale büle tüiüi?”

ZEKARIA 12:10

“Dawid sixli hia Jerusalem ma ngokya khünaknu kue chingcha hia zangjop chasae awangle chang ang tomüi. Owa hwome tople langdaopuix, hwome chix to hu, ilaxle sasün tuita wüi zikya nao mangtsakya lailaile hwome chix mangtsale changüi. Somwang nao zile paokya kako to mangtsapupu le hwome mongmaxle mangtsaüi.

WANWÜNKAX 12:1

Je-hwon to mongkünkya mix owawaechu hwom thai pongma ija ngaile wüi fase tsule. Achangle fakya to chiluakya a ongat changle.

ISAIA 45:8

Zangdingkho tokhange zangwat ningle kue lütkya ahüipu; ija pongle kop ang chaxwannu kadapüi ilaxle mongtex pan-dankya hia sukya kaxfün puale laiüi. Ku, Jowanpae, ija ile chang ang tomüi.”

WANWÜNKAX 29:1

Nang achangle fakya foto nang sisile mongtsakle jangchang, nyixta nang thule asumüi ifüima amikya hato tamchichat toxüi.

WANWÜNKAX 10:17

Hwom to achangle fapongma apakya khünakbu ozün ma ngoüi, ikoxle hwom thaikya to thaidaokox-ale chithüi tsuakkya khünak thama ma tüile.

MÜNCHUAK-TSAI 145:1

Kue nang chongkya zang fuaüi, ku Zang üntoxle ku wanghom; oshuk chitüile kue nang ang münchong faüi.

HOSIA 14:1

Hünzom Israel khünaknu, Jowanpa hünzom Zang hato chat-hüi. Hünzome ochaxe hünzom asua ang tamchu ati ang tomle.

JEREMIA 3:14

“Mongong chitüikya khünakbu, chatlax; hünzom a ku kux changle. Kue hünzom kha angkya tingnu foto khünak tuipong, saxthom foto khünak tuipongle laxüi ilaxle hünzom a kue Zaion Haxnu to chatle apüiüi.

WANWÜNKAX 1:30

Hünzome chemtuechu kue adangle fakya laxse chitsu chichangba kue hünzom achangle fapongma ija to na chitha.

WANWÜNKAX 6:23

Adangle fakya ibu a wünnyan changle; achangle fakya ibue nang chemle ngokox müiüi ija anwot-anole fa ang tsuak.

WANWÜNKAX 1:25

Kue adangle fakya pangwüi hünzome ahai ilaxle kue hünzom achangle fa ang chitom.

JUHAN 7:39

Ikoxle chixe ija Otsao Chasa, chix to ongkyabue pongle kop ang kox angkya bama akaxkya changle; chemthüikoxle ipong wane Otsao Chasa mafa chemthüikoxle Jisu a fuazangle nwonle madün.

JOEL 2:27

Ifüima, Israel, hünzome ku hünzom khama tüikya awanle laxüi; ku a Jowanpa hünzom Zang changpu, ku boma Zang mama tam-müntüi, le hünzome tsingle laxüi. Ku khünakbu chatle thajao wünhaile chang ang müntom.

JOEL 3:1

Jowanpae thüile: “Ija tuk ma kue Judah hia Jerusalem tamchatle ahak-alua ang tomüi.