WANGSHEMBU MWOT 9:42 - OTSAO BAIBEL (BSI)

⁴² Ija zangwün Chopa nok pangnue atat üntoxle khünakbue Jowanpa to ong.

WANGSHEMBU MWOT 9:42 ပူးပေါင်းရင်းမြစ်များ

WANGSHEMBU MWOT 9:35

Lidia hia Sharon tokya khünakbu noke chix ngün, ilaxle hwom Jowanpa hato hüi.

JUHAN 12:11

chemthüikoxle chix khoma hexle Jehudi khünakbue hwom dantoxlaxle Jisu to ong.

JUHAN 11:45

Meri hom to nguile tüikya Jehudi khünakbue ija ohünotün mwot ngünlaxle chix to ong.

WANGSHEMBU MWOT 11:21

Jowanpa tsakzong hwom füi tüikya, ilaxle khünakbue mongong laxle Jowanpa füito azui.

JUHAN 12:44

Ifüima Jisu-e azaxle akax: “Owae ku to onglaxpuix, chixe ku tata to ongkya chichangle ku tsanle ajokya Apa to ongpu;

JUHAN 11:4

Otue Jisu-e ija atatpuix, chixe thüi: “Ija kak a Lazar zongto zik kak münchang, ikoxle Zang fuazang angkya hanpakma; ija makhange Zang Hosa fuazang ang kop angkya hanpakma changpu.”

JIHUSUA 19:46

Mejarkon, üntoxle Rakkon, tamchu Joppa akhople tüikya haxtokbu womle tüikya.

2 PUKAX-PANGAO 2:16

Nange laxsese sedar pün kwome Lebanon haxnu ma daküi. Ibu akungle khalaxle ti ma achwotüi, ilaxle Joppa alople tinu tok to afwotle apüiüi. Imakhange nange ibu a Jerusalem to apüi ang thoüi.”

JONA 1:3

Ikoxle Jona a Jowanpa thoto azwon ang opüi chito mix paole azang ang azong. Chix a Joppa to ngui, ikhato chixe Spain nok to ka angkya khua tuita atak. Chixe otha kox ilaxle ikha angkya khünakbu füi tomle Spain to ka ang achex. Ikhato chix a Jowanpa tuntho angkya paole azangle ngotsuaküile thüt.

WANGSHEMBU MWOT 9:36

Chopa ma Tabitha le amünkya mixcha tuita tüikya, she a mongong mixcha tuita changkya. (Grik kax ma she ang Dorka le amün, thüikoxle müikhi le amün). She e ma hanpak pangnu müikya mwot mok ang tamchu chitüi chinang mix to fong ang ashix.

WANGSHEMBU MWOT 9:38

Chopa a Lidia makhange chemnu le chiatsai le tüikya, ilaxle otue Chopa tokya mongong mixbue Lidia to Pitar nguile tüikya kax koppuix; hwom hato chingchalaxle momle nguihüi ta le Pitar se ang mixsün anyi tsanle akat.

WANGSHEMBU MWOT 9:43

Pitar Chopa ma müikhwon mwot mokkya mixsün Simon le amünkya füi tomle obibi nyix hex nui.

WANGSHEMBU MWOT 10:5

Üntoxle athax a Simon Pitar le amünkya mixsün tuita se ang Chopa to khünak tsanle apaolax.

WANGSHEMBU MWOT 10:8

Hwom hama chemle changpuix ibu wün ilaxle hwom Chopa to mwottsan le apao.

WANGSHEMBU MWOT 11:5

“Ku a Chopa tingnu ma zangjople ngokya, ipongma kue mikngün ohün ngün. Chongkya tsap tuita ningle lituta zongkhing ali ma koplaxle ding tokya juüi kue ngün, ilaxle ija ku zuima zak.

WANGSHEMBU MWOT 11:13

Ibu tüinao hwom azokchu wüi ku füi tomle Kaisaria to paopu, ilaxle kwom pangwüi Kornelia hom to nguipu.