WANGSHEMBU MWOT 9:38 - OTSAO BAIBEL (BSI)

³⁸ Chopa a Lidia makhange chemnu le chiatsai le tüikya, ilaxle otue Chopa tokya mongong mixbue Lidia to Pitar nguile tüikya kax koppuix; hwom hato chingchalaxle momle nguihüi ta le Pitar se ang mixsün anyi tsanle akat.

WANGSHEMBU MWOT 9:38 ပူးပေါင်းရင်းမြစ်များ

WANGSHEMBU MWOT 9:36

Chopa ma Tabitha le amünkya mixcha tuita tüikya, she a mongong mixcha tuita changkya. (Grik kax ma she ang Dorka le amün, thüikoxle müikhi le amün). She e ma hanpak pangnu müikya mwot mok ang tamchu chitüi chinang mix to fong ang ashix.

WANGSHEMBU MWOT 11:26

Chixe Sol atakkya zuma, chixe chix Antiok to laxlaxle apaüi. Zangpua atale hokhie tomtomle müimüithom khünakbu füi apong ilaxle othom hama anwot-ano. Jisu füito azuikyabu ang “Khristan” le Antiok ma nyakle wang.

WANGSHEMBU MWOT 9:32

Pitar pangnu khato aham, ilaxle hanpak tuita ma chix Lidia ma tüikya Zang khünakbu wai ang ngui.

JIHUSUA 19:46

Mejarkon, üntoxle Rakkon, tamchu Joppa akhople tüikya haxtokbu womle tüikya.

2 PUKAX-PANGAO 2:16

Nange laxsese sedar pün kwome Lebanon haxnu ma daküi. Ibu akungle khalaxle ti ma achwotüi, ilaxle Joppa alople tinu tok to afwotle apüiüi. Imakhange nange ibu a Jerusalem to apüi ang thoüi.”

IZRA 3:7

Khünaknue long zingpa hia pün zingpa, ibu ang kox ang ngun-syenbu apüile kox, ilaxle Lebanon haxtok tokya sedar pünbu füi alüix ang, süt, grepti-ju, olip münga, ibu Tair hia Sidon tingnubu to apao. Ibu a Joppa to tilom makhange apüi angkya changkya. Ibu pangwüi Parsia nok wanghompa Sairas ma tiksho laxle mok.

JONA 1:3

Ikoxle Jona a Jowanpa thoto azwon ang opüi chito mix paole azang ang azong. Chix a Joppa to ngui, ikhato chixe Spain nok to ka angkya khua tuita atak. Chixe otha kox ilaxle ikha angkya khünakbu füi tomle Spain to ka ang achex. Ikhato chix a Jowanpa tuntho angkya paole azangle ngotsuaküile thüt.

WANGSHEMBU MWOT 9:19

ilaxle chixe fongsax füima, chix ang zong chatle hüi. Onox ma Sol Damaska angkya Jisu wangshembu füi nui.

WANGSHEMBU MWOT 9:42

Ija zangwün Chopa nok pangnue atat üntoxle khünakbue Jowanpa to ong.

WANGSHEMBU MWOT 9:43

Pitar Chopa ma müikhwon mwot mokkya mixsün Simon le amünkya füi tomle obibi nyix hex nui.

WANGSHEMBU MWOT 10:5

Üntoxle athax a Simon Pitar le amünkya mixsün tuita se ang Chopa to khünak tsanle apaolax.

WANGSHEMBU MWOT 10:8

Hwom hama chemle changpuix ibu wün ilaxle hwom Chopa to mwottsan le apao.

WANGSHEMBU MWOT 11:5

“Ku a Chopa tingnu ma zangjople ngokya, ipongma kue mikngün ohün ngün. Chongkya tsap tuita ningle lituta zongkhing ali ma koplaxle ding tokya juüi kue ngün, ilaxle ija ku zuima zak.

WANGSHEMBU MWOT 11:13

Ibu tüinao hwom azokchu wüi ku füi tomle Kaisaria to paopu, ilaxle kwom pangwüi Kornelia hom to nguipu.