WANGSHEMBU MWOT 9:36 - OTSAO BAIBEL (BSI)

³⁶ Chopa ma Tabitha le amünkya mixcha tuita tüikya, she a mongong mixcha tuita changkya. (Grik kax ma she ang Dorka le amün, thüikoxle müikhi le amün). She e ma hanpak pangnu müikya mwot mok ang tamchu chitüi chinang mix to fong ang ashix.

WANGSHEMBU MWOT 9:36 ပူးပေါင်းရင်းမြစ်များ

TITA 3:8

Ija kax a otsing tomtata changle. Ija bama nange onüi khünzule namwünbae le kue texpu, ikoxletix opange Zang to mongong laxpuix hwome müikya tamchu nok zongto wüi mwot ma hüikya müikya mwot mok ang hanpak fa angkya bama hwom mong ma kakle texüi.

TITA 2:7

Pangnu lom ma wüi nang a müikya zanglom saikha müile ahokya olom tuita ang chang angkya changpu. Nang hwon-nwot bama mongkoxkya tamchu khünzukya tüilax.

2 PUKAX-PANGAO 2:16

Nange laxsese sedar pün kwome Lebanon haxnu ma daküi. Ibu akungle khalaxle ti ma achwotüi, ilaxle Joppa alople tinu tok to afwotle apüiüi. Imakhange nange ibu a Jerusalem to apüi ang thoüi.”

IBRI 13:21

Chix mongtex mwot mok ang mongsom Zange hünzom hanpakma laxli müikya oli pangnu füi angui awangle naxfa, tamchu Khrista makhange chixe chix mong amüi angkya oli kem ma naxmok. Üntoxle othuithuima Khrista ang fuazangkya naxchang! Amen.

JAKOP 1:27

Zang kem Hopae, changkya üntoxle otsao zanglom ang ekya a ija changle: Hwom sikngün pongma zomnu khaxsabu to humekya üntoxle chaxwannu onu-oma chemechu nun-maokya chitüi le malailai to ibu füi atsaile ngo tsuakkya, ibibi changle.

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

EFISIA 2:10

Kem chemle tüipuix ija a Zang chakzing changle, ilaxle Khrista ma kem notom makhange chixe kem müikya mwot mokle ozün ma ngo ang zingpu. Ija a, kem Ija ma aham angkya hexo le Zange acha achwonle thomdaokya changle.

WANGSHEMBU MWOT 10:31

üntoxle chixe thüi: ‘Kornelia, Zange nang zangjop atatdaoa, ilaxle nang chingcha mwotchu ngünle laxdaoa.

IZRA 3:7

Khünaknue long zingpa hia pün zingpa, ibu ang kox ang ngun-syenbu apüile kox, ilaxle Lebanon haxtok tokya sedar pünbu füi alüix ang, süt, grepti-ju, olip münga, ibu Tair hia Sidon tingnubu to apao. Ibu a Joppa to tilom makhange apüi angkya changkya. Ibu pangwüi Parsia nok wanghompa Sairas ma tiksho laxle mok.

1 TIMOTHI 5:10

ilaxle müikya mwot mokkya khoma münmüi koplaxle tüikya mixnu tuita, owae masu masa müile atsünpuix, hom ma mixwünbu pongle koppuix, ma üitho khristanbu hato hwom tong to jokya mwot mokle ahopuix, ilaxle ma alüile müikya mwot to khünzule ngopuix, iningkya mixcha tix zomnu khato ema laxkox.

1 THESALONIKA 4:10

Changle, otsing tomtata ma Mesidonia angkya tüinao hwom to ile hume daoa. Idaile tüinaohom, kwome hünzom ang ifüi sütsexle mok hüi thüipu.

FILIPI 1:11

Zang fuazang hia achuak achenkya tüi angkya hanpakma, Khrista-e tix alai tho angkya otsingtsing müikya olie hünzom tsün awangle ngohüi.

JUHAN 15:8

Hünzom ma tüle oziak ziakkya makhange Apa fuazang ang tomle; ile hünzom a ku wangshembu ang achangle.

JUHAN 15:5

“Ku a hopupa ilaxle hünzom a pünkangbu changle; owa ku ma ngopuix tamchu ku owa ma ngopuix, ija khünake huanuma oziak ziaküi; chemthüikoxle ku füi atsai laxle hünzome chemchu mok ang müntho.

JONA 1:3

Ikoxle Jona a Jowanpa thoto azwon ang opüi chito mix paole azang ang azong. Chix a Joppa to ngui, ikhato chixe Spain nok to ka angkya khua tuita atak. Chixe otha kox ilaxle ikha angkya khünakbu füi tomle Spain to ka ang achex. Ikhato chix a Jowanpa tuntho angkya paole azangle ngotsuaküile thüt.

WANWÜNKAX 5:19

She a khisa lailaile osün müiwüi müile tüile. She künkak-mongküne nang mong amüile naxthom; she-e she mongkün füi nang ziakople thom ang tomkox.

JIHUSUA 19:46

Mejarkon, üntoxle Rakkon, tamchu Joppa akhople tüikya haxtokbu womle tüikya.

KOLOSI 1:10

Ifüima hünzome chix mong amüi angkyakya mokle Jowanpa mongtex ma ngo ang thoüi. Hünzome tsün ma müikya mwot pangnu li mokle alai ilaxle hünzom Zang tsingwankya ma tsongüi.

TSAITAX-NGAONÜI 8:14

Ku hato oman, ku mongkün, khisa-zongmüi ningle, otex-tsyapibu nyemle tüikya haxnubu to khipongsa tuita ningle.

TSAITAX-NGAONÜI 3:5

Jerusalem angkya mixcha hwome tsaohüi; oham tsuakkya müikhi müijaxbu mün lünlaxle hünzome kukhi mongkün to münpoxpuo le.

TSAITAX-NGAONÜI 2:9

Ku mowünpa khisa-zongmüi lailaile müi, tamchu tuita müijaxsa ningle. Ekhato chix katuk tokna ma ajong. Chixe thangmik makhange awile hu tamchu kamik makhange khinle hu.

WANGSHEMBU MWOT 9:38

Chopa a Lidia makhange chemnu le chiatsai le tüikya, ilaxle otue Chopa tokya mongong mixbue Lidia to Pitar nguile tüikya kax koppuix; hwom hato chingchalaxle momle nguihüi ta le Pitar se ang mixsün anyi tsanle akat.

WANGSHEMBU MWOT 9:42

Ija zangwün Chopa nok pangnue atat üntoxle khünakbue Jowanpa to ong.

WANGSHEMBU MWOT 10:8

Hwom hama chemle changpuix ibu wün ilaxle hwom Chopa to mwottsan le apao.

WANGSHEMBU MWOT 10:23

Pitar-e ibu khünak hommong to sele dün ilaxle ija ja wünpom ang kox. Ofüi nyix chix achwon laxle hwom füi tomle pao; ilaxle Chopa angkya tüinao tuita anyi chix füi tomle laxlax tox.

WANGSHEMBU MWOT 11:5

“Ku a Chopa tingnu ma zangjople ngokya, ipongma kue mikngün ohün ngün. Chongkya tsap tuita ningle lituta zongkhing ali ma koplaxle ding tokya juüi kue ngün, ilaxle ija ku zuima zak.

WANGSHEMBU MWOT 11:13

Ibu tüinao hwom azokchu wüi ku füi tomle Kaisaria to paopu, ilaxle kwom pangwüi Kornelia hom to nguipu.

MATHI 25:17

Ija ningle hajat anyi kopkya mixsünechu wüi hajat anyi onüi alai.