WANGSHEMBU MWOT 9:35 - OTSAO BAIBEL (BSI)

³⁵ Lidia hia Sharon tokya khünakbu noke chix ngün, ilaxle hwom Jowanpa hato hüi.

WANGSHEMBU MWOT 9:35 ပူးပေါင်းရင်းမြစ်များ

WANGSHEMBU MWOT 11:21

Jowanpa tsakzong hwom füi tüikya, ilaxle khünakbue mongong laxle Jowanpa füito azui.

WANGSHEMBU MWOT 9:42

Ija zangwün Chopa nok pangnue atat üntoxle khünakbue Jowanpa to ong.

1 PUKAX-PANGAO 5:16

Hwom a Bashan hia Gilid haxsüt Sahrun chaxwan to tüikya tingnubu hia müi fumtsüt nui, ibu to ngo. (

ISAIA 35:2

Mongmüi atungle sak-haxe tsai ngaole akhongüi; ija a Lebanon Haxnu tukuxle osün müiüi Karmel hia Sharon nyi haxtok ningle haxzao füi tüiüi. Jowanpa ahak-aluakya noknusae ngünle laxüi, chix chuak-chongkya hia tsak-zong ngünle laxüi.

2 KORIN 3:16

“Chix Jowanpa hato chatkya zuma, chix angkya thünkhung nyi awütle kox”, le Mosa bama zakya Otsao Lai kax tüikya ningle, Ija thünkhung nyi awüt ang thoüi.

MÜNCHUAK-TSAI 22:27

Chaxwan angkya pangnu jat-lie Jowanpa texle ataküi. Chaxwan pangnu chitokhange hwom chix hato chatüi; pangnu jat-lie chix tongshwomle changüi.

WANGSHEMBU MWOT 19:20

Ipongpong zongle Jowanpa kax putsa ilaxle oshing mongle tsong ang süt

WANGSHEMBU MWOT 19:10

Ile nuikya zanglao anyi hom, idaile ijongkha Asia haxtok ma ngokya Jehudi khünaknu hia mixnok pangnue wüi Jowanpa kax atat ang kop.

WANGSHEMBU MWOT 15:19

“Idaile ku mongtex ma a keme khristan ang achangle hüikya mixnok tüinao hwom atsang koxle münmüiüi.

WANGSHEMBU MWOT 6:7

Idaile Zang kax a thuithui le apukle atsat. Jisu man tokyabu Jerusalem ma sütsa-sütsale tsale, üntoxle nguapabu kha angkyachu Kaxho Müikya pongle kopmix huanuma lai.

WANGSHEMBU MWOT 4:4

Ikoxlechu ija kaxho atatkyabu khama ija to ongkyabu tüle lai; üntoxle ongkya khünakbu mixhuak hajat aga tukux ang achangle tsa.

HOSIA 14:2

Jowanpa hato chat-hüi, ilaxle ija zangjop a chix hato apüile koxkya tö ang achang kox: “Kwom ochaxbu thailak tüihüi ilaxle kwom zangjop pongle kop-hüi, ilaxle kwome tsaosax daokya ningle kwome nang achuaküi.

HOSIA 12:6

Idaile athax, Jakop su-sa hwom, Zang to mongong tüilax ilaxle chix hato chatlax. Mongkoxle chix thothalax ilaxle sukya kaxfün ma ngolax, ilaxle hünzom Zang-e mok angkya to adule tanlax.

MANGSOP 3:40

Keme kem lomtangbu ajangle anohax ilaxle Jowanpa hato chat-hax.

ISAIA 66:8

Ija ningkya ngünkya mix tamchu atatkya mix owawa tüicha? Chaxwan onok tuita nyixtakya fang ma puxkya nok tüicha? Chaxwannu nok tamchatle puxüi thoma Zaion a okuilole sikngün ngo angkya münchang.

ISAIA 65:10

Hwome ku to shwomüi ilaxle hwom chun hia osu-maihubu hannopchi angkya Sharon Haxsha ma tamchu handünchi angkya Sikngün Haxsha ma fum tsüt ang tomüi.

ISAIA 33:9

Haxtok a owachu chingole ngat-to dantoxdaoa. Lebanon angkya faonu kohwon ang changdaoa. Haxzao füikya Sharon haxsha a sak-hax ang changdaoa, ilaxle Bashan ma tamchu Karmel Haxnu ma pün ang pünchakbu dütle.

ISAIA 31:6

Jowanpae thüile: “Israel khünaknu, hünzome ku zongto ochax lyendaoa ilaxle ku füi alünle ajongle. Ikoxle athax, ku hato anongle chat-hüi!

MÜNCHUAK-TSAI 110:3

Nange nang zanpabu füi azankya nyix, nang khünakbu a ma mongtsu to laiüi. Anopningkya nyenti ningle nang naosünbu nang hato otsao haxnukho to nguiüi.

TSAITONG-KAXTONG 4:30

Chemtue hünzome sikngün apong ilaxle ibu pangnu changle hüipuix, ifüimatix hünzom Jowanpa hato chatüi ilaxle chix kax ma laxle tüiüi.

JOEL 2:13

Nang mongtsik-mongma a nang mong ashixkya ma aholax; nang nyi-za akyetkya ija a chemchu münchang.” Jowanpa, hünzom Zang hato chatlax. Chix a chingcha hia jajae awangle tüikya Zang changle; chixe okuilole adule ilaxle chix tsaotsüt otia ma thomle; sik-chiangün homtoxle thaikya alak angkya hanpakma chix a jento achwon ngole.

1 PUKAX-PANGAO 8:12

Elpal ang sasün azom: Ebar, Misham, hia Shemed hwom tüikya. Ono hia Lod tingnubu ilaxle akhople tüikya tingkhuabu zingle alaikya a Shemed changkya.

NEHEMIA 11:35

Lod, ilaxle Ono, ibu ma ngole hüi ilaxle Zingpabu Haxsha ma ngole hüi.

WANGSHEMBU MWOT 2:47

Üntoxle zang mün achuakle khünak pangnu wüi tata füi mongmüi le ngo. Üntoxle nyixfole Jowanpa-e khosünle kopkyabu hwom khato athüt ang kox.

WANGSHEMBU MWOT 9:34

Pitar-e thüi: “Anania, Jisu Khrista-e nang amüile. Zolax ilaxle nang lya tswonlax.” Ima wüi thuile Anania zo.