WANGSHEMBU MWOT 9:32 - OTSAO BAIBEL (BSI)

³² Pitar pangnu khato aham, ilaxle hanpak tuita ma chix Lidia ma tüikya Zang khünakbu wai ang ngui.

WANGSHEMBU MWOT 9:32 ပူးပေါင်းရင်းမြစ်များ

WANGSHEMBU MWOT 9:13

Anania-e lan: “Jowanpa, chix huak bama tamchu chixe Jerusalem angkya nang khünaknu to za adünle zothupkya bama khünakbue ku hama wündaoa.

WANGSHEMBU MWOT 8:25

Jisu Khrista bama tsingwankya khünakbu hama kaxkhi koxle wünle Jowanpa kaxho apuk-apuale chang füima Pitar hia Juhan nyi Jerusalem to chat. Okhi chatüi lom ma Samaria tingkhuabu to Kaxho Müikya apuk.

FILIPI 1:1

Khrista dabu, Pol hia Timothi nyi tokhange: Khrista Jisu füikya notom ma Filipi angkya Zang khünaknu, tamchu müimüithom lomzun mixbu hia fongmixbuchu womle; hwom hato:

EFISIA 1:1

Zang küntsu monglua tokhange Khrista wangshem ang achangkya Pol tokhange: Khrista füikya notom ma mongong ma chiale le ngokyabu, Efisia ma tüikya otsao khünakbu hato:

ROM NOK HATO ZAKYA POL LAIZA 1:7

Idaile kue hünzom Rom tingnu angkyabu opang to Zange mongkün puix ilaxle chix ma-mix ang nyakle laxpuix, hünzom pangnu hato zapu. Zang kem Hopa hia Jowanpa Jisu Khrista nyie hünzom ang mongsom hia chingcha naxfa.

WANGSHEMBU MWOT 26:10

Jerusalem ma kue mokkya a ija: Nguakhobu angkya laiza koplaxle, otsao khünakbu kun ma shole thomkya tata chichangle hwom langkya zumachu ku hwom langpabu chima sepu.

WANGSHEMBU MWOT 9:41

Pitar hüi ilaxle she ajong ang asun. Ifüima chixe Jisu wangshembu tamchu zomnubuchu wüi womle nyak ilaxle she chixe hwom ang ozün ma achatle kox.

WANGSHEMBU MWOT 8:14

Samaria tokyabue Zang kax pongle kopdaoa ta le Jerusalem tokhange wangshembue atat; idaile hwome ibu hato Pitar hia Juhan nyi tsanle akat.

WANGSHEMBU MWOT 1:8

Ikoxlechu wüi Otsao Chasa otue hünzom ma nguiüihex, hünzome tsakzong kopüi, üntoxle hünzom a Jerusalem ma, Jehudi hia Samaria pangnu khato, üntoxle chaxwannu okhui apongle ku bama kaxkhi fa angkyabu ang achangüi”.

MATHI 27:52

Zuk dap laxle ziünkya otsao khünakbu huanuma azangle zo.

WANWÜNKAX 2:8

Mix to tawüi le hukya khünakbu kho chixe sünle, üntoxle chix o künkox-mongkoxle tüikyabu chixe nyele.

MÜNCHUAK-TSAI 16:3

Jowanpa to mongong tüikya khünakbu chemtukux ataxkya hex! Hwom füi ngo angkya a ku mongmüi akhokya changpu.

1 PUKAX-PANGAO 8:12

Elpal ang sasün azom: Ebar, Misham, hia Shemed hwom tüikya. Ono hia Lod tingnubu ilaxle akhople tüikya tingkhuabu zingle alaikya a Shemed changkya.

NEHEMIA 11:35

Lod, ilaxle Ono, ibu ma ngole hüi ilaxle Zingpabu Haxsha ma ngole hüi.

WANGSHEMBU MWOT 9:33

Ikhato chixe zangpua achyet lya angkya zo ang chitho le faile kak ngokya Anania le amünkya mixsün tuita apong.