WANGSHEMBU MWOT 9:31 - OTSAO BAIBEL (BSI)

³¹ Ile Jehudi üntoxle Galili tamchu Samaria tokya müimüithombue sikngün apongkya zakle tumüikya hanpak atak. Jowanpa chathua zakya hia Otsao Chasa mongsom ma ngokya füi, hwom khünak huak tsale hüi.

WANGSHEMBU MWOT 9:31 ပူးပေါင်းရင်းမြစ်များ

MÜNCHUAK-TSAI 111:10

Jepa tuita ang achang angkya olom a Jowanpa chathua za angkya changle; chix kaxtombu kax ma laxle tüikyabu ang chixe tsaothakya kaxfün fale. Chix a othuithuima achuak angkya wüi changle.

ISAIA 33:6

ilaxle tingnok a oting ma sütle shingmong ang tomüi. Chixe jento chix khünaknu kho-awale ilaxle hwom ang je-hwon hia tsing-wankya koxle. Hwome tuina tüichongpa aJowanpa achuak-achenkya changle.

WANWÜNKAX 23:17

Ochax khünakbu to osingkya taxtüi; Jowanpa chathua zale tüi angkya tix nang hünlit ang laxkox.

MÜNCHUAK-TSAI 86:11

Nange ku ang chem amokse hex ku hama anwot-anole fahüi, ilaxle chialekya mongong füi kue nang kax ma laxüi; komkaile mongkoxkya füi ku hama nang thotha angkya anwot-anole fahüi.

ROM NOK HATO ZAKYA POL LAIZA 5:5

Ija monghome kem ang mong münatho, chemthüikoxle Zange chix hingho Otsao Chasa makhange chix mongkün kem kün-mong ma thokle koxdaoa.

WANWÜNKAX 1:7

Jetüi-hwonlangle chang angkya hanpakma nang owangpa ma Jowanpa thua zakop angkya changpu. Angabue je-hwon chathua zale münchang ilaxle tsing-wanle münchangpu le angamle.

ROM NOK HATO ZAKYA POL LAIZA 15:13

Hünzome chix to mongong tüikya tokhange, Zang, chix monghom otonge, mongmüi hia mongsom füi hünzom awangle naxfa.

WANGSHEMBU MWOT 8:1

Ija nyix wüi Jerusalem angkya müimüithom khünaknue zothuple sikngün apong angkya owang wang. Wangshembu tata dantoxlaxle mongong mixbu pangwüi Jehudi hia Samaria chaxwan to afale pao.

WANWÜNKAX 8:13

Jowanpa chathua zakya a ochax thua anukya changpu; kue kün-ngam mongngam hia tsaichong-kaxbongle tüikya thua anule, chichang-chizangkya zangwünbu hia othai lomtangbu thua ku anule.

JOB LAIPEX 28:28

Zang-e khünaknu ang thüi: “Jetüi angkya hanpakma Zang thua za angkya changle. Tsing-wan angkya hanpakma ochax hato tok aho angkya changle.”

NEHEMIA 5:9

Ifüima kue akax: “Hünzome chem mokle ngopuix ija a thaihule! Hünzome Zang kax ma lax üntoxle chem supuix ija moksepa. Ile chang koxle, songsari khünak, kem zanpabu ang kem to adix-adale chang angkya opong-olom müntüise.

EFISIA 4:12

Khrista tsangtsa zing angkya bama Zang khünakbu pangnu wüi khristan mwottho ma mok ang acha-achwon angkya kuxma chixe ija mok.

2 KORIN 13:10

Ija khoma ku hünzom füi atsaile tüipongma wüi kue ija lai zapu. Ija a, Jowanpa-e ku ang, hünzom pünle ama ang chichangle, hünzom zingle amüi ang fale thomkya zong, ku nguikya zuma zongma laxle chitwon angkya kuxmale changle.

2 KORIN 10:8

Jowanpa Jisu Khrista-e ku ang, hünzom ama ang münchang ikoxle zingle amüi angkya hanpakma, hünzom to o angkya zong koxle tüile. Ija ku ang koxle thomkya zong bama ku hidaole onüisa tsaichong-kaxbongle tüidaobachu, ku azak azyen angkya oli müntüi.

2 KORIN 7:1

Ku mongkün zuikhuibu, kaxtsao ibu pangnu kem hanpak ang zingkya changle. Idaile, tsangtsa chichangba chasa ma tsao ang chikoxkya oli pangnu tokhange malualua to atsai le ngolax, ilaxle Zang thuazale ozün ma ngokya tokhange kem komkaile otsao ang achangle ngohax.

WANGSHEMBU MWOT 16:5

Ile müimüithombu mongong ma shingmong ang tom üntoxle nyixfokya to mixhuak tsa ang tom.

WANGSHEMBU MWOT 12:24

Jowanpa kax sisile tsa-lwon le pao.

WANGSHEMBU MWOT 6:7

Idaile Zang kax a thuithui le apukle atsat. Jisu man tokyabu Jerusalem ma sütsa-sütsale tsale, üntoxle nguapabu kha angkyachu Kaxho Müikya pongle kopmix huanuma lai.

NEHEMIA 5:15

Ku thoma Gowarnor ang ngole hüikya khünakbu a khünaknu zongto hünlit ang achangle tüikya, chemthüikoxle hwome nyixfokya to hwom angkya khop ngunkhix punyi pong, süt hia ju hanpak ang jule lax. Hwom dabue ngaxchu khünaknu to sikangün. Ikoxlechu kue ile chimok, chemthüikoxle kue Zang achuakachenle tüikoxle.

JUD LAIZA 1:20

Ikoxlechu kutüi-kunaohom, hünzom a, ataxle tsaokya mongong ma ma alüile tsakzong ang tomhüi. Otsao Chasa tsakzong ma zangjop kox,

IBRI 4:9

Akaxle thomkya ningle, Zang khünaknu hanpakma nyix anüt lükya to Zang nazakkya lailaile nazak athaxchu tüile.

1 TIMOTHI 1:4

Hwom ang ibu pupa zangwün ilaxle putong akiakle lowüilole zale thomdaokya awütdao le thüikox. Ibue kax ma alan angkya wüi chialaiba; ibue mongongle nyakkya Zang mongtex mokle aho angkya münchang.

1 THESALONIKA 5:11

Idaile hünzome athax ponge mokle ngokya lailaile tata mong achen kox ilaxle tata to fongkox.

KOLOSI 1:10

Ifüima hünzome chix mong amüi angkyakya mokle Jowanpa mongtex ma ngo ang thoüi. Hünzome tsün ma müikya mwot pangnu li mokle alai ilaxle hünzom Zang tsingwankya ma tsongüi.

FILIPI 2:1

Hünzom tsün Khrista ma ngokyae hünzom tsakzong ang koxle, ilaxle chix mongküne hünzom ang künsom mong adangle. Hünzom chasa füi notomkya tüile, ilaxle hünzom ma tata to chingcha jajakya tüile.

EFISIA 5:21

Jisu Khrista chathua zakya khoma hünzom tata tong to puinai le tüilax.

EFISIA 4:29

Nang kax füi, atatkyabu fün amüi angkya hanpakma mix zongto kak angkya zang taxwün, itülüi mix to juafong angkya oli kaxzex zangwünkox.

EFISIA 4:16

Chixe akumathum laxle tix tsangtsa ma tüikya malomlom athut apongle ngotsuak pu, ilaxle koxle thomkya opong ozitbue tix tomplo jaojao tuita ang achangle kople thompu. Idaile otue malomlom tüikya mik-chak mamwot mwot chemle mokse hex ile jangmok thüikoxle, tsangtsa komle tsongle ilaxle mongkün makhange ma alüile zingle tsuakle.

2 KORIN 12:19

Pongwang tokhange wüi kwome hünzom thüntho ma kwom khangkho zang angai ang lomle ngopule hünzom mongto ajanglechu ngoüntüi lax. Ile otuechu münchang! Kwome wünkya zangwün pangnu Zang pomtho ma Khrista mongtex ma wünpu, ilaxle mongkün zuikhuibu, kwome mokkya pangnu wüi hünzom to fong ang mokkya changwüi.

1 KORIN 14:26

Tüinaohom, ku kax a ija changle: Hünzom Zang shwom ang asoxkya zuma, khünak tuita tsai lom ma dan, ata mix a hwon-nwot jaono angkya lom ma dan, ata mix a Zange angaile ahokya ngün angkya olom ma dan, ata mix a chitsingkya kax ma kaxho kop angkya lom ma dan ilaxle mama mix a chem akaxpuix ija taile apua angkya olom ma dan. Ibu pangnu wüi müimüithom fün amüile fong angkya hanpakma changkoxle müiüi.

1 KORIN 14:12

Chasa hinghobu kop ang nang ma mongtsukya tüikya daile, pangnu thakma ibu füi müimüithom zing angkya nang azong among angkya changle.

ROM NOK HATO ZAKYA POL LAIZA 14:19

Idaile keme othuithuima mongsom apüi ang hia tata ang zong adün ang fong angkya oli pangnu to kem mongjang tüikya changle.

ROM NOK HATO ZAKYA POL LAIZA 14:17

Chemthüikoxle Zang Wangting le osüt oling ang nyakkya münchang, ikoxle Otsao Chasae fakya, otsao, mongsom ilaxle mongmüi pwonla ang nyakpu.

ZEKARIA 8:20

Jowanpa Khüthak Zang-e thüile: “Tingnu tingnubu tokhange khünaknu Jerusalem to ngui angkya hanpak hüile ngole.

ISAIA 11:10

Jat-libu hato mowan tuita ang Dawid sixli kha angkya wanghom hozün tuita ngai angkya hanpak hüile ngole. Chix chongwang tingnu ma hwom nguiüi ilaxle chix achuak-achenle changüi.

MÜNCHUAK-TSAI 94:13

Chichangchizangkyabu aman angkya hanpakma tswomkha thole machang tanto sikngün hanpak-zanghanbu chak tokya nange hwom ang nazak fapu.

1 PUKAX-PANGAO 22:18

Chixe thüi: “Jowanpa hünzom Zang hünzom füi tomle tüikya ilaxle chixe hünzom ang pangnu lom ma wüi mongsom fale hüipu. Ija haxtok ma ngole hüikya khünakbu pangnusa to Jowanpae ku ang wüi lüt ang tompu, ilaxle athaxpi hwom a hünzom zongto tamchu Jowanpa zongto pünsa naoli ang achangdaoa.

1 PUKAX-PANGAO 22:9

Ikoxlechu chixe ku füi tsaotsütle akaxle, ‘Tumüi lomkhaole apün angkya nang ang sasün tuita tüiüi, chemthüikoxle pangnu ochax-ozan chak tokya chix ang tumüi-wanmale ngokya koxüi. Chix mün a Solomon, changüi, chemthüikoxle chixe apünkya tuk ma kue Israel nok ang mongsom hia ojik-naja tüi ang tomüi.

KAXFÜNPA-HWOM 3:30

Ija nyix Israel noke Moab nok to lüt, ifüima hwom chaxwan ma zanglao 80 tumüi-lomkhaole ngo.

JIHUSUA 21:44

Hwom pupa hwom ang tsaodaokya ningle, Jowanpae hwom ang haxtok pangnu khato wüi tumüi-lomkhao le ngo ang tom. Hwom zan-nokbu tuita ngaxchu hwom füi alünle zongpan ma ajong ang chitho, chemthüikoxle Jowanpae Israel nok ang zan-nok pangwüi to lüt ang tom.

TSAITONG-KAXTONG 12:10

Chemtue hünzome Jordan shuanu tale changüi hex, Jowanpae hünzom ang ija haxtok koplaxle ikhato ngo ang tomüi. Chixe hünzom ochax-ozan pangwüi chak tokya khosünle thomüi, ilaxle hünzom a künsom-mongsom ma ngo ang kopüi.

WANGSHEMBU MWOT 2:47

Üntoxle zang mün achuakle khünak pangnu wüi tata füi mongmüi le ngo. Üntoxle nyixfole Jowanpa-e khosünle kopkyabu hwom khato athüt ang kox.

WANGSHEMBU MWOT 5:11

Müimüithom pangnu ilaxle mamabuechu wüi, opange ija zing atat laxpuix huanuma zale khomtsi.

WANGSHEMBU MWOT 20:32

“Üntoxle athax a kue hünzom Zang tamchu chix chingcha Kaxho chak to koxpu. Chixe hünzom ang chasa ma tsakzong koxüi ilaxle chixe ma khünaknu nok hanpakma thomkya mohiman hünzom ang koxüi.